ఆ అంశంపై ర‌ష్మిక బోల్డ్ ఆన్సర్!

ఇండస్ట్రీలో స్టార్స్‌గా వెలుగొందుతున్న సెలబ్రిటీలపై సోషల్ మీడియాలో ట్రోలింగ్స్ రావడం సాధా రణమైపోయింది. ముఖ్యంగా భాషా ఉచ్ఛారణ, యాస విషయాల్లో హీరోయిన్లు తరచూ నెటిజన్ల టార్గెట్ అవుతుంటారు. తాజాగా నేషనల్ క్రష్ రష్మిక మందన్న హిందీ యాసపై జరిగిన ట్రోలింగ్‌కు సంబంధించి ఇచ్చిన బోల్డ్ ఆన్సర్ సోషల్ మీడియాలో హాట్ టాపిక్‌గా మారింది. ఈ విమర్శలన్నింటికీ ర‌ష్మిక‌ తనదైన శైలిలో ఘాటుగా.. ఎంతో హుందాగా బదులిచ్చారు.

ట్రోలర్లు వినోదం కోసమో లేక నెగెటివిటీని స్ప్రెడ్ చేయాలనే ఉద్దేశంతోనే ఇలాంటి కామెంట్లు చేస్తుంటారని రష్మిక భావిస్తున్నారు. ఏ భాషలోనైనా మాట్లాడేటప్పుడు ప్రతి ఒక్కరికీ వారి మాతృభాష ప్రభావం లేదా ప్రాంతీయ ఛాయలు ఉండటం సహజం. కానీ కొందరు దీనిని భూతద్దంలో పెట్టి చూపిస్తూ ట్రోల్ చేస్తుంటారు. ఈ తరహా నెగెటివ్ కామెంట్స్ తనపై ఎలాంటి ప్రభావం చూపవని స్పష్టం చేశారు.

ఇలాంటి విమర్శలను తానెప్పుడు నెగెటివ్‌గా తీసుకోలేదని.. వాటిని ఒక సవాల్‌గా స్వీకరిస్తానని రష్మిక పేర్కొన్నారు. ఎప్పటికప్పుడు తన నటనను, భాషా నైపుణ్యాలను మెరుగుపరుచుకోవడానికి విమర్శలు ఒక మెట్టుగా ఉపయోగపడతాయని నమ్ముతారు. ఇండస్ట్రీలో నిలదొక్కుకోవాలంటే మానసిక ధృడత్వం ఎంత ముఖ్యమో తన సమాధానం ద్వారా నిరూపించారు. ట్రోలింగ్‌ను చూసి కుంగిపోకుండా మరింత కష్టపడే తత్త్వమే తనను ఈ స్థాయికి చేర్చిందని తెలిపారు.

సెలబ్రిటీల వ్యక్తిగత విషయాలపై.. వారి చిన్న చిన్న లోపాలపై ట్రోల్స్ చేసేవారికి రష్మిక ఇచ్చిన జవాబు గట్టి చురక లాంటిదంటున్నారు. ముఖ్యంగా మహిళా ఆర్టిస్టులపై జరిగే ట్రోలింగ్‌ను నిర్భయంగా ఎదుర్కొన్న తీరు న‌వ‌త‌రం భామ‌ల‌కు స్ఫూర్తిదాయకం. ఏ విషయంలోనైనా భయపడి వెనకడుగు వేయకుండా.. నిలబడి సమాధానం చెప్పడమే సరైన మార్గమని ర‌ష్మిక‌ మరోసారి రుజువు చేశారు.

ప్రస్తుతం రష్మిక కెరీర్ పరంగా ఎంతో బిజీగా ఉన్నారు. వరుస పాన్ ఇండియా ప్రాజెక్టులతో దూసుకుపోతున్న తరుణంలో ఇలాంటి చిన్నచిన్న విమర్శలను అసలు పట్టించుకోవడం లేదు. తన ఫోకస్ అంతా కెరీర్, నటనపైనే ఉందని క్లారిటీ ఇచ్చారు. విమర్శకులు ఎలాంటి అడ్డంకులు సృష్టించినా? తనదైన‌ అంకితభావంతో ముందుకు సాగుతానని నిరూపిస్తున్నారు.

ట్రోలర్స్‌కు రష్మిక ఇచ్చిన బోల్డ్ అండ్ క్లాసీ ఆన్సర్ సోషల్ మీడియాలో వైరల్ అవుతోంది. గ్లామర్ పాత్రలకే పరి మితం కాకుండా వ్యక్తిగతంగానూ తాను ఎంతో స్ట్రాంగ్ అని ర‌ష్మిక‌ మరోసారి నిరూపించుకున్నారు. ప్ర‌తికూల‌త‌ను కూడా అనుకూలంగా మార్చుకుని విజయాల దిశగా అడుగులు వేస్తున్న రష్మిక ప్రయాణం నేటి యువతకు మంచి ఆద‌ర్శంగా నిలుస్తుంది.