లండన్ వీధుల్లో రష్మిక.. ఈ లుక్ చూశారా..

'నేషనల్ క్రష్' రష్మిక మందన్న ప్రస్తుతం పాన్ ఇండియా మార్కెట్ లో టాప్ లెవెల్లో కొనసాగుతున్న విషయం తెలిసిందే. వరుస సినిమాలతో క్షణం తీరిక లేకుండా గడుపుతున్నా, సోషల్ మీడియాలో మాత్రం తన అప్డేట్స్ ఇస్తూ ఫ్యాన్స్​ను ఖుషీ చేయడం ఆమెకు అలవాటు. లేటెస్ట్ గా ఈ బ్యూటీ లండన్ వీధుల్లో సందడి చేస్తూ దిగిన ఫొటోలు ఇప్పుడు నెట్టింట వైరల్ అవుతున్నాయి. పని ఒత్తిడిని పక్కన పెట్టి ఇలా చిల్ అవుతూ, తన సింపుల్ అండ్ స్టైలిష్ లుక్​తో మరోసారి అందరి దృష్టిని ఆకర్షించారు.

ఈ లేటెస్ట్ ఫొటోల్లో రష్మిక గ్రే బ్లాక్ కలర్ స్ట్రైప్డ్ అవుట్​ఫిట్​లో మెరిసిపోతున్నారు. నిలువు చారలు ఉన్న షర్ట్, దానికి మ్యాచింగ్​గా అదే డిజైన్ ఉన్న లాంగ్ స్కర్ట్ ధరించి ఎంతో క్లాసీగా కనిపిస్తున్నారు. ఈ ఫార్మల్ టచ్ ఉన్న క్యాజువల్ లుక్​లో ఆమెను చూస్తుంటే ఒక పర్ఫెక్ట్ 'బాస్ లేడీ' వైబ్స్ కనిపిస్తున్నాయి. లండన్ బ్రిడ్జ్, బిగ్ బెన్ బ్యాక్ డ్రాప్​లో ఆమె నిల్చుని ఇచ్చిన ఫోజులు చాలా నేచురల్​గా ఉన్నాయి.

"నగరాలు మారుతున్నా, వాతావరణం మారుతున్నా.. నా న్యూ ఇయర్ రెజల్యూషన్స్​కు కట్టుబడి ఉన్నాను" అంటూ రష్మిక పెట్టిన క్యాప్షన్ ఆసక్తికరంగా ఉంది. ఆమె నవ్వులో ఆనందం, కళ్ళలో ప్రశాంతత చూస్తుంటే ఆమె ఈ సమయాన్ని ఎంతలా ఆస్వాదిస్తున్నారో అర్థమవుతోంది. సింప్లిసిటీలోనే అసలైన నిలకడ ఉంటుందని చెబుతూ, తన లైఫ్ స్టైల్ ఫిలాసఫీని ఫ్యాన్స్​తో పంచుకున్నారు.

ఫ్యాషన్ పరంగా రష్మిక ఎప్పుడూ కొత్తగానే ఆకట్టుకుంటు ఉంటారు. ఈ లుక్​లో కూడా హెవీ మేకప్ జోలికి వెళ్లకుండా, జుట్టును గాలికి వదిలేసి చాలా సింపుల్​గా కనిపించారు. డ్రెస్​కు తగ్గట్టుగా నలుపు రంగు పాయింటెడ్ హీల్స్ ధరించి తన స్టైలింగ్​ను పర్ఫెక్ట్​గా కంప్లీట్ చేశారు. ఎలాంటి భారీ ఆభరణాలు లేకపోయినా, ఆమె గ్లోయింగ్ స్కిన్, ఆ క్యూట్ చిరునవ్వే ఆమెకు పెద్ద ఆభరణంలా మారాయి. కెరీర్ పరంగా 'పుష్ప 2'తో గ్లోబల్ స్థాయిలో క్రేజ్ సంపాదించుకున్న రష్మిక, ఇప్పుడు చేతి నిండా పాన్ ఇండియా సినిమాలతో బిజీగా గడుపుతున్నారు. షూటింగ్ గ్యాప్​లో ఇలా ట్రావెల్ చేస్తూ, అక్కడి విశేషాలను పంచుకుంటూ ఉంటారు.