అభిమాని కాళ్లకు న‌మ‌స్క‌రించిన స్టార్ హీరో!

బాలీవుడ్ ఎనర్జిటిక్ స్టార్ రణవీర్ సింగ్ నటనతోనే కాదు. తన వ్యక్తిత్వంతో కూడా తరచూ వార్తల్లో నిలుస్తుంటారు. తెరపై ఎంతటి మాస్ - క్లాస్ పాత్రలనైనా పండించే హీరో నిజజీవితంలో మాత్రం ఎంతో వినయంగా మెలుగుతారని మరోసారి నిరూపితమైంది. తాజాగా ముంబైలోని ఒక స్టూడియో బయట జరిగిన సంఘటన రణవీర్ సింగ్‌ను అభిమానుల దృష్టిలో ఒక మెట్టు పైకి ఎక్కించింది. వివరాల్లోకి వెళ్తే.. రణవీర్ సింగ్ ఒక షూటింగ్ నిమిత్తం ముంబైలోని స్టూడియోకు వెళ్లారు. అక్కడ ఒక పెద్దావిడ రణవీర్ కోసమే గంటల తరబడి వేచి చూస్తోందని తెలిసింది.

షూటింగ్ విరామ సమయంలో బయటకు వచ్చిన రణవీర్ ఆ వృద్ధురాలిని చూడగానే నేరుగా ఆమె వద్దకు వెళ్లారు. ఒక స్టార్ హీరో అనే గర్వం ఏమాత్రం లేకుండా ఆ పెద్దావిడను చూడగానే ఆమె కాళ్లకు నమస్కరించి ఆశీర్వాదం తీసుకున్నారు. ఈ దృశ్యాన్ని చూసిన అక్కడ ఉన్న వారంతా ఆశ్చర్యపోయారు. సాధారణంగా అభిమానులు హీరోల కాళ్లకు నమస్కరించడం చూస్తుంటాం. కానీ ఒక అగ్ర హీరో తన కోసం వచ్చిన అభిమాని వయసును గౌరవించి ఆమె పాదాలకు నమస్కరించడం నిజంగా అభినందనీయం. ఆ పెద్దావిడ కూడా రణవీర్ ని ఆశీర్వదిస్తూ ఎంతో భావోద్వేగానికి గురయ్యారు.

రణవీర్ ఆమెతో కాసేపు ముచ్చటించి పంపించారు. ఈ విష‌యాన్ని ర‌ణ‌వీర్ సింగ్ స్వ‌యంగా వెల్ల‌డించారు.నెటిజన్లు రణవీర్ సింగ్ సంస్కారాన్ని చూసి ప్రశంసల వర్షం కురిపిస్తున్నారు. `అందుకే ఆయన సూపర్ స్టార్ అయ్యారు. పెద్దల పట్ల ఆయనకు ఉన్న గౌరవం చూస్తుంటే ముచ్చటేస్తోంది` అంటూ అభిమానులు కామెంట్లు చేస్తున్నారు. రణవీర్ తన క్రేజీ ఫ్యాషన్ సెన్స్ తో ఎంత వైరల్ అవుతారో? ఇలాంటి మానవీయ కోణాలతో అంతకంటే ఎక్కువ‌గా అభిమానుల మనసు గెలుచుకుంటారు.

ముగింపుగా చెప్పాలంటే, స్టార్‌డమ్ అనేది కేవలం హిట్లు, వసూళ్లపైనే కాకుండా ఇలాంటి ప్రవర్తనపై కూడా ఆధారపడి ఉంటుంది. రణవీర్ సింగ్ చేసిన ఈ పని ఇతర నటులకు కూడా ఒక స్ఫూర్తిగా నిలుస్తుంది. తన అభిమానిని ఒక బామ్మలా చూసుకుని, ఆమె కాళ్లకు మొక్కిన రణవీర్ సింగ్ నిజంగానే రియల్ స్టార్ అనిపిం చుకున్నారు. అలాగే షారుక్ ఖాన్ కూడా పెద్ద‌ల ప‌ట్ల అంతే విన‌యంగా ఉంటారు. తాను ఎంత పెద్ద స్టార్ అయినా? త‌న‌కంటే వ‌య‌సులో పెద్ద వారు ఎవ‌రైనా ప‌ల‌క‌రిస్తే త‌ప్ప‌క వాళ్ల కాళ్ల‌కు న‌మ‌స్క‌రిస్తారు. అమితాబ‌చ్చ‌న్ స‌తీమ‌ణి జ‌యాబ‌చ్చ‌న్ కాళ్ల‌కు బాద్ షా న‌మ‌స్కారం చేసిన సంద‌ర్భాలెన్నో. అమీర్ ఖాన్ కూడా పెద్ద‌ల పట్లే అంతే గౌర‌వంతో మెలుగుతారు. వారంతా అంత డౌన్ టూ ఎర్త్ గ‌ల వారు కాబ‌ట్టే చిత్ర ప‌రిశ్ర‌మ‌లో అన్ని విజ‌యాలు..గొప్ప స్థానాల‌కు చేరుకున్నారు.