పెద్ద రహస్యం బయటపెడతాను అంటున్న స్టార్ హీరో..!

ప్రస్తుతం రామాయణ సినిమాతో హిందీ ప్రేక్షకులనే కాకుండా సౌత్ ప్రేక్షకులను కూడా అలరిస్తున్నారు రణబీర్ కపూర్. ఇకళబాలీవుడ్ స్టార్ కపుల్ రణబీర్ కపూర్, ఆలియా భట్‌ల కుమార్తె రాహా నాలుగో పుట్టినరోజు వేడుకలు ఘనంగా జరిగాయి. నవంబర్ 6న రాహా పుట్టినరోజు సందర్భంగా కుటుంబ సభ్యుల మధ్య ఈ వేడుకను ప్రత్యేకంగా నిర్వహించారు. ఈ వేడుకకు సంబంధించిన కొన్ని ఫొటోలను ఆలియా సోషల్ మీడియాలో షేర్ చేసింది. అయితే ఈ ఫొటోల కంటే రణబీర్ కపూర్ చేసిన ఒక కామెంట్ తెగ వైరల్ అవుతుంది.

రాహాకు పుట్టినరోజు శుభాకాంక్షలు చెబుతూ ఎంతో మంది సినీ ప్రముఖులు, అభిమానులు సోషల్ మీడియాలో కామెంట్లు చేశారు. అయితే రణబీర్ చేసిన కామెంట్ మాత్రం అందరిని ఆశ్చర్యపరిచింది. "ఈ రోజు కేవలం పుట్టినరోజు మాత్రమే కాదు.. ఇంకా బయటకు తెలియని ఒక రహస్యం మొదలవుతున్న రోజు" అంటూ ఆయన కామెంట్ చేశారు.

దీంతో అసలు రణబీర్ ఏ రహస్యం గురించి మాట్లాడుతున్నారనే ఆసక్తి మొదలైంది. రాహా పుట్టినరోజు సందర్భంగా ఏదైనా ప్రత్యేక విషయాన్ని ప్రకటించబోతున్నారా? లేక ఆయన మాటల వెనుక మరో అర్థం ఉందా? అంటూ నెటిజన్లు చర్చించుకుంటున్నారు. అయితే ఈ రహస్యం ఏమిటనేది రణబీర్ ఇప్పటివరకు చెప్పలేదు.

ఇక రాహా పుట్టినరోజు వేడుకల విషయానికి వస్తే, ఈసారి పార్టీని చాలా గ్రాండ్ గా చేశారు ఈ జంట.

ప్రముఖ పిల్లల టీవీ షో బ్లూయ్ థీమ్‌తో తయారు చేసిన కేక్‌ను రాహా కట్ చేసింది. ఈ బర్తడే ఫోటోలను ఆలియా కూడా తన సోషల్ మీడియాలో పంచుకుంది.

రణబీర్, ఆలియా 2022 ఏప్రిల్ 14న ముంబైలోని తమ నివాసంలో పెళ్లి చేసుకున్నారు. అదే ఏడాది నవంబర్ 6న రాహా జన్మించింది.

ఇక రణబీర్ ప్రస్తుతం రామాయణం: పార్ట్ 1 సినిమాలో శ్రీరాముడి పాత్రలో కనిపించాడు. ఈ సినిమాకు ప్రేక్షకుల నుంచి మంచి స్పందన వస్తోంది. ఈ సినిమా కలెక్షన్స్ పరంగా ఎలా కొనసాగుతుందో తెలియాలి అంటే మాత్రం.. ఈ దీపావళి వారాంతం అయిపోయి సోమవారం రావాల్సిందే.