పట్టుచీరలో రమ్య.. రాయల్ లుక్​తో అదరగొట్టింది!

సోషల్ మీడియా, వెబ్ సిరీస్​ల ద్వారా యూత్​కు బాగా కనెక్ట్ అయిన బ్యూటీ రమ్య పసుపులేటి. పాపులర్ ప్లాట్​ఫామ్స్ ద్వారా తనకంటూ ఓ ప్రత్యేక గుర్తింపు తెచ్చుకున్న ఈ అందాల భామ, ఇప్పుడు మెల్లగా సినిమాల్లోనూ అవకాశాలు దక్కించుకుంటోంది. ఎప్పటికప్పుడు స్టైలిష్ ఫొటోషూట్లతో ఇన్​స్టాగ్రామ్​లో ట్రెండింగ్​లో ఉంటుంది.

లేటెస్ట్ గా రమ్య షేర్ చేసిన ఫొటోలు ఫ్యాన్స్​ను బాగానే ఆకట్టుకుంటున్నాయి. అందమైన పట్టుచీరలో, దానికి తగినట్లుగా హెవీ జ్యువెలరీ ధరించి అచ్చం తెలుగింటి అమ్మాయిలా మెరిసిపోయింది. ఈ ఫొటోలకు ఓ ప్రత్యేకత ఉంది.. ఇది తన 'అమ్మ పెళ్లి చీర' అంటూ క్యాప్షన్​లో పేర్కొంది. ఈ రాయల్ లుక్​లో రమ్య అందం, హుందాతనం చూసి ఫ్యాన్స్ ముగ్ధులవుతున్నారు.

మోడల్​గా కెరీర్ ప్రారంభించిన రమ్య, ఆ తర్వాత పలు షార్ట్ ఫిల్మ్స్, వెబ్ సిరీస్​లలో నటించి పాపులర్ అయింది. ముఖ్యంగా యూత్​ఫుల్ కంటెంట్​తో ప్రేక్షకులకు దగ్గరై, సోషల్ మీడియాలో భారీ ఫాలోయింగ్​ను సంపాదించుకుంది. ఆమె క్యూట్ ఎక్స్​ప్రెషన్స్​కు, నటనకు మంచి ఫ్యాన్ బేస్ ఉంది. వెబ్ సిరీస్​ల నుంచి వెండితెరపైకి అడుగుపెట్టిన రమ్య, 'హుషారు', 'ఫస్ట్ డే ఫస్ట్ షో' వంటి చిత్రాలలో కొన్ని ముఖ్యమైన పాత్రల్లో కనిపించింది.

నటిగా ఇండస్ట్రీలో పెద్ద బ్రేక్ కోసం ఎదురుచూస్తున్న ఈ బ్యూటీ, నటనకు ఆస్కారమున్న పాత్రలను ఎంచుకుంటూ నిలదొక్కుకునేందుకు గట్టిగా ప్రయత్నిస్తోంది. సినిమాలతో బిజీగా ఉన్నప్పటికీ, సోషల్ మీడియాలో మాత్రం రమ్య ఎప్పుడూ యాక్టివ్​గా ఉంటుంది. అటు ట్రెడిషనల్ లుక్స్​లో, ఇటు మోడ్రన్ అవుట్​ఫిట్లలో ఫొటోషూట్లు చేస్తూ.. తన ఫాలోవర్స్​కు నిత్యం టచ్​లో ఉంటుంది. తన అందంతో, స్టైల్​తో తన క్రేజ్​ను ఏమాత్రం తగ్గకుండా కాపాడుకుంటోంది.