రామాయణం తీయడానికి ఇంత ఖర్చు అవసరమా..!

రామాయణం అంటేనే ఎన్నో భావోద్వేగాలు, అద్భుతమైన పాత్రలు, గొప్ప కథ. ముఖ్యంగా రాముడు, సీత, రావణుడు వంటి పాత్రలకు ప్రత్యేకమైన పరిచయం అవసరం లేదు. ఈ కథలోని ప్రతి సన్నివేశానికి ఒక ప్రత్యేకత ఉంటుంది. రాముడు, సీత మధ్య జరిగే ప్రేమ కథ అపూర్వం. ఇక రాముడు క్యారెక్టర్ అంటేనే ఎలివేషన్. తనకి మళ్లీ సపరేట్ ఎలివేషన్ ఇచ్చే అవసరం కూడా లేదు. అయితే ఇప్పుడు రామాయణం సినిమా గురించి ఒక విషయం మాత్రం అందరినీ ఆశ్చర్యపరుస్తోంది. అదే ఈ సినిమా కోసం చేసిన ఖర్చు.

రణబీర్ కపూర్ రాముడిగా, సాయి పల్లవి సీతగా, యష్ రావణుడిగా నటించిన రామాయణ పార్ట్ 1 ప్రేక్షకుల ముందుకు వచ్చింది. ఈ సినిమాను చాలా భారీ స్థాయిలో నిర్మించారు. ముఖ్యంగా సినిమాలో చూపించిన రాజభవనాలు, ఆభరణాలు, రథాలు, సెట్ల కోసం నిర్మాతలు భారీగా ఖర్చు చేసినట్లు తెలుస్తోంది.

ఈ సినిమాలో రావణుడి పాత్రకు ప్రత్యేకమైన ప్రాధాన్యత ఇచ్చారు. అతడి రాజసం కనిపించేలా భారీ ఏర్పాట్లు చేశారు. ముఖ్యంగా రావణుడు కూర్చునే సింహాసనాన్ని బంగారు తాపడంతో ప్రత్యేకంగా తయారు చేశారు. ఈ ఒక్క సింహాసనం కోసం దాదాపు కోటి రూపాయలు ఖర్చు చేసినట్లు తెలుస్తోంది.

అంతేకాదు, రావణుడి కోసం ఏకంగా 4 వేల రకాల ఆభరణాలను సిద్ధం చేశారు. ప్రతి ఆభరణం అతడి పాత్రకు తగ్గట్టుగా ఉండేలా ప్రత్యేక శ్రద్ధ తీసుకున్నారు.

ఇక శూర్పణఖ పాత్ర కోసం కూడా చిత్ర బృందం భారీగా ఖర్చు చేసింది. ఆమె ప్రయాణించే రథాన్ని ప్రత్యేకంగా బంగారు అలంకరణలతో రూపొందించారు. ఈ రథం తయారీకి దాదాపు కోటిన్నర రూపాయలు ఖర్చు పెట్టారంట.

ఈ సినిమా కోసం ముంబైలోని ఫిల్మ్ సిటీలో ఏకంగా 150 సెట్లను నిర్మించినట్లు తెలుస్తోంది. రామాయణ కాలాన్ని ప్రేక్షకులకు కళ్లకు కట్టినట్లు చూపించేందుకు చిత్ర బృందం ఎంతో కష్టపడింది.

కథలోని భావోద్వేగాలే ప్రధానమైనప్పటికీ, వాటిని ఇంత భారీ విజువల్స్‌తో చూపించడానికి నిర్మాతలు పెద్ద మొత్తంలో ఖర్చు పెట్టారు. మరి ఈ భారీ నిర్మాణం ప్రేక్షకులను ఎంతవరకు ఆకట్టుకొని ఎలాంటి కలెక్షన్లు తెచ్చి పెడుతుందో చూడాలి.