బాలీవుడ్ లో ఫుల్ జోష్.. ట్రెండీ లుక్లో రకుల్ గ్లామర్ ట్రీట్!
టాలీవుడ్లో స్టార్ హీరోయిన్గా వెలుగొంది, ఇప్పుడు బాలీవుడ్లోనూ తనకంటూ ప్రత్యేక గుర్తింపు సంపాదించుకున్నారు రకుల్ ప్రీత్ సింగ్.
By: M Prashanth | 22 Nov 2025 10:39 PM IST
టాలీవుడ్లో స్టార్ హీరోయిన్గా వెలుగొంది, ఇప్పుడు బాలీవుడ్లోనూ తనకంటూ ప్రత్యేక గుర్తింపు సంపాదించుకున్నారు రకుల్ ప్రీత్ సింగ్. ఫిట్నెస్కు కేరాఫ్ అడ్రస్గా నిలిచే ఈ బ్యూటీ, తన నటనతోనే కాకుండా స్టైలిష్ లుక్స్తోనూ ఫ్యాన్స్ను ఎప్పుడూ ఆకట్టుకుంటారు. లేటెస్ట్ గా ఆమె షేర్ చేసిన ఫొటోలు నెట్టింట సందడి చేస్తున్నాయి.
ఈ లేటెస్ట్ ఫొటోషూట్లో రకుల్ ఎంతో ట్రెండీగా కనిపిస్తున్నారు. నలుపు, తెలుపు చారలు ఉన్న స్టైలిష్ క్రాప్ టాప్, దానికి మ్యాచింగ్గా వైట్ షార్ట్స్ ధరించి గ్లామరస్గా మెరిసిపోతున్నారు. ఆమె ఫిట్నెస్ చూసి నెటిజన్లు ఫిదా అవుతున్నారు. సింపుల్గా కనిపిస్తూనే, ఎంతో గ్లామరస్ గా ఉన్న ఈ లుక్కు అభిమానుల నుంచి లైకుల వర్షం కురుస్తోంది.
ప్రస్తుతం రకుల్ 'దే దే ప్యార్ దే 2' సినిమా సక్సెస్ను ఎంజాయ్ చేస్తున్నారు. ఈ చిత్రంలో తన పాత్ర 'ఆయేషా'కు ప్రేక్షకుల నుంచి వస్తున్న ప్రేమను చూసి ఎంతో సంతోషంగా ఉన్నట్లు క్యాప్షన్లో పేర్కొన్నారు. అజయ్ దేవ్గణ్, ఆర్. మాధవన్ వంటి అద్భుతమైన నటులతో కలిసి పనిచేయడం, వారు తనకు స్పేస్ ఇవ్వడం పట్ల కృతజ్ఞతలు తెలిపారు.
'వెంకటాద్రి ఎక్స్ప్రెస్'తో తెలుగు తెరకు పరిచయమైన రకుల్, తక్కువ సమయంలోనే స్టార్ హీరోలందరి సరసన నటించి టాప్ హీరోయిన్గా ఎదిగారు. ఇప్పుడు బాలీవుడ్లోనూ వరుస సినిమాలు చేస్తూ బిజీగా మారారు. వైవిధ్యమైన పాత్రలను ఎంచుకుంటూ కెరీర్ను బ్యాలెన్స్ చేసుకుంటున్నారు.
పెళ్లి తర్వాత కూడా రకుల్ తన కెరీర్ స్పీడ్ ఏమాత్రం తగ్గించలేదు. సినిమాలతో బిజీగా ఉంటూనే, సోషల్ మీడియాలో తన గ్లామరస్ ఫొటోలు, ఫిట్నెస్ వీడియోలు షేర్ చేస్తూ ఫ్యాన్స్కు నిత్యం టచ్లో ఉంటున్నారు. గ్లామర్లోనూ, నటనలోనూ తనదైన ముద్ర వేస్తూ దూసుకుపోతున్నారు. ఇక తెలుగులో ఆమె నటించి చాలా కాలమైంది. మరి రానున్న రోజుల్లో మళ్ళీ బిజీ అవుతుందో లేదో చూడాలి.