‘వారణాసి’కి రామాయణం చేస్తున్న సాయం
నితీశ్ తివారీ తెరకెక్కించిన ‘రామాయణం’ తొలి వారంలో బాక్సాఫీస్ వద్ద భారీ వసూళ్లు సాధించడంతో రాజమౌళి ‘వారణాసి’పై అంచనాలు పెరుగుతున్నాయి. ఈ చిత్రంలో అరగంటకు పైగా నిడివితో రామాయణానికి సంబంధించిన ప్రత్యేక ఎపిసోడ్ ఉండనుంది. ‘రామాయణం’లోని యుద్ధ ఘట్టాలకు ప్రేక్షకుల నుంచి వచ్చిన ఆదరణతో ‘వారణాసి’ ఎపిసోడ్పై ఆసక్తి మరింత పెరిగింది.
By: Garuda Media | 12 Nov 2026 4:08 PM ISTరామాయణం సినిమా గత వారం రోజులుగా వరల్డ్ వైడ్ బాక్సాఫీస్ దగ్గర రేపుతున్న సంచలనాలను చూసి ట్రేడ్ పండిట్లు అవాక్కవుతున్నారు. ఈ సినిమా మీద రిలీజ్ ముంగిట ఎక్కువగా నెగెటివ్ కామెంట్లే వినిపించాయి. ఈ సినిమా బాగా ఆడితే ఆశ్చర్యపోవాలని చాలామంది ఎద్దేవా చేశారు. కానీ అంచనాలు తగ్గించుకుని చూడడం వల్లో ఏమో.. ఈ సినిమా ప్రేక్షకులకు బాగానే నచ్చుతోంది.
‘ఆదిపురుష్’లా అర్థం లేని క్రియేటివిటీతో చెడగొట్టకుండా ఉన్నంతలో రామాయణ కథను నీట్గా తీయడం.. విజువల్స్, ఎఫెక్ట్స్ అద్భుతంగా కుదరడంతో ఈ సినిమా ప్రేక్షకుల మెప్పు పొందుతోంది. ఇందులో పోరాట ఘట్టాలను అందరూ కొనియాడుతున్నారు. ముఖ్యంగా సినిమా చివర్లో రావణుడు, జటాయువు మధ్య పోరాట ఘట్టానికి అందరూ ఫిదా అయిపోయారు. పిల్లలకు సినిమా విపరీతంగా నచ్చడానికి ఆ ఘట్టమే ప్రధాన కారణం అనడంలో సందేహం లేదు. తొలి వారంలో అత్యధిక వసూళ్లు సాధించిన ఇండియన్ మూవీగా రికార్డు నెలకొల్పిన ‘రామాయణం’.. మరిన్ని రికార్డులను బద్దలు కొట్టే దిశగా అడుగులు వేస్తోంది.
‘రామాయణం’ సాధించిన ఈ విజయం.. రాజమౌళి తీస్తున్న ‘వారణాసి’కి పెద్ద బూస్ట్ ఇచ్చేదే అనడంలో సందేహం లేదు. ఆ చిత్రంలోనూ రామాయణం మీద ఒక స్పెషల్ ఎపిసోడ్ ఉన్న సంగతి తెలిసిందే. అరగంటకు పైగా నిడివితో సాగే ఆ ఎపిసోడ్ ఒక దృశ్యకావ్యంలా ఉంటుందనే అంచనాలున్నాయి. గత ఏడాది రిలీజ్ చేసిన స్పెషల్ గ్లింప్స్లోనే దానికి సంబంధించిన షాట్స్ చూపించారు. అవి చూసి ప్రేక్షకులు భారీ అంచనాలు పెట్టేసుకున్నారు.
‘రామాయణం’లో ఉన్న గొప్పదనం ఏంటంటే.. చూసిన సన్నివేశాలనే ఎన్నిసార్లయినా చూస్తారు. కాకపోతే తీయడం బాగా తీయాలి. సరైన విజన్ ఉండాలి. నితీశ్ తివారి అండ్ టీం తీసిన దానికే ఇప్పుడు ప్రేక్షకులు ఫిదా అయిపోయి ‘రామాయణం’ను ఎగబడి చూస్తున్నారు. అలాంటిది ఇండియన్ సినిమాలో ఇంకెవరికీ సాధ్యం కాని విజన్ ఉన్న రాజమౌళి.. రామాయణంలోని యుద్ధ ఘట్టాన్ని తనదైన శైలిలో తీసి చూపిస్తే ప్రేక్షకులకు కనువిందు కాకుండా ఎలా ఉంటుంది? కాబట్టి ‘వారణాసి’లో రామాయణానికి సంబంధించిన సన్నివేశాలన్నీ ఒక రేంజిలో ఉంటాయని ఆశించవచ్చు. ‘రామాయణం’ ఈ విషయంలో ప్రేక్షకులకు ఇంకా మంచి మూడ్ సెట్ చేసి, ‘వారణాసి’ మీద అంచనాలు పెంచుకునేలా చేసింది. ఆ అంచనాలకు తగ్గట్లే సినిమాలో రామాయణం ఎపిసోడ్ ఉంటే.. ‘వారణాసి’ బాక్సాఫీస్ విధ్వంసానికి ఆకాశమే హద్దు.
