బాలీవుడ్‌లో ఫ్రాంచైజీలకు ఇదే కొత్త ఫార్ములానా?

బాలీవుడ్‌లో ఒకప్పుడు సినిమా ఫ్రాంచైజీ అంటే.. ఒకే కథకు కొనసాగింపుగా వచ్చే సినిమాలు, అదే పాత్రలను ముందుకు తీసుకెళ్లే విధానం ఉండేది. కానీ ఇప్పుడు పరిస్థితి క్రమంగా మారుతోంది. ఒక సినిమాతో గుర్తింపు తెచ్చుకున్న బ్రాండ్‌ను అలాగే కొనసాగించడం కంటే.. దానికి కొత్త హీరోలు, కొత్త పాత్రలు, కొత్త కథా ప్రపంచాన్ని జోడించి మరోసారి ప్రేక్షకుల ముందుకు తీసుకురావడం ఫిల్మ్‌మేకర్లకు ఇంట్రెస్టింగ్ ఆప్షన్‌గా మారుతోంది. రిస్క్ ఎక్కువగా ఉన్న కొత్త కథల కంటే ఇప్పటికే ప్రేక్షకులకు పరిచయమైన బ్రాండ్‌ను కొత్తగా ప్యాకేజ్ చేయడం ఈ ఫార్ములాలో మెయిన్ ఎట్రాక్ష‌న్ గా కనిపిస్తోంది.

ఈ మార్పులో రేస్ ఫ్రాంచైజీ కూడా ఒక ఆసక్తికరమైన ఉదాహరణగా మారుతోంది. ఫ్రాంచైజీకి హీరో మారడం అనేది కేవలం కాస్టింగ్ మార్పుగా చూడాల్సిన అవసరం లేదు. హీరో మారినప్పుడు సహజంగానే ఆ పాత్ర తీరు, కథనం, యాక్షన్ ట్రీట్‌మెంట్, స్క్రీన్‌ప్లే కూడా మారాల్సి ఉంటుంది. అదే జరిగితే ఫ్రాంచైజీ పేరు మాత్రమే పాతదిగా ఉండి.. సినిమా మాత్రం పూర్తిగా కొత్త అనుభూతిని ఇవ్వొచ్చు. అంటే పాత కథను కంటిన్యూ చేయ‌డం కంటే.. పాత బ్రాండ్ వాల్యూని ఉపయోగించుకుని కొత్త కథను చెప్పే ప్రయత్నంగా దీన్ని చూడవచ్చు.

ఇలాంటి రీబూట్‌లలో అసలైన‌ పరీక్ష కూడా ఇదే. ఆడియ‌న్స్ కు తెలిసిన టైటిల్‌ను ఉపయోగించడం ద్వారా ముందుగా వారిలో సినిమాపై ఆస‌క్తిని క్రియేట్ చేయొచ్చు. కానీ థియేటర్లకు వారిని తీసుకురావడానికి మాత్రం కంటెంట్ స్ట్రాంగ్ గా ఉండాలి. గతంలో ఆ బ్రాండ్‌తో ఆడియ‌న్స్ కు ఉన్న అనుభవం కొత్త సినిమాపై అంచనాలను పెంచుతుంది. అదే సమయంలో పాత సినిమాలతో పోలికలు కూడా తప్పవు. అందుకే కొత్త హీరోను తీసుకురావడం మాత్రమే కాకుండా.. ఆ ఫ్రాంచైజీకి సరిపోయే కొత్త ఐడెంటిటీని సృష్టించడం అత్యంత కీలకం.

ఇదే సమయంలో రేస్4 రిజ‌ల్ట్ బాలీవుడ్‌కు ఒక ఆసక్తికరమైన సంకేతంగా మారొచ్చు. కొత్త హీరోతో పాత ఫ్రాంచైజీని స‌క్సెస్‌ఫుల్ గా రీలాంచ్ చేయగలిగితే.. ప్రస్తుతం పక్కనపెట్టిన ఎన్నో పాత బ్రాండ్లను మరోసారి తెరపైకి తీసుకొచ్చే ఆలోచన నిర్మాతల్లో పెరగొచ్చు. ముఖ్యంగా ఒకప్పుడు స్ట్రాంగ్ ఫ్యాన్‌బేస్ ఉన్నప్ప‌టికీ ప్రస్తుతం యాక్టివ్‌గా లేని ఫ్రాంచైజీలకు ఇది కొత్త అవకాశాలను తెరవొచ్చు.

అయితే ఈ ఫార్ములా స‌క్సెస్ కావాలంటే పేరు, స్టార్ పవర్ మాత్రమే సరిపోవు. ఆడియ‌న్స్ ఆల్రెడీ చూసిందే మరోసారి చూపించకుండా.. అదే బ్రాండ్‌లో పూర్తిగా కొత్త ప్రపంచాన్ని పరిచయం చేయగలిగినప్పుడే ఇలాంటి రీబూట్‌లు వర్కవుట్ అవుతాయి. అందుకే రేస్4 లాంటి సినిమాల స‌క్సెస్ ఒక్క ఫ్రాంచైజీ భవిష్యత్తునే కాకుండా.. బాలీవుడ్‌లో పాత బ్రాండ్లను కొత్త హీరోలతో పునరుద్ధరించే ట్రెండ్‌కు కూడా దిశానిర్దేశం చేసే అవకాశం ఉంది.