Begin typing your search above and press return to search.

గాయత్రీ మంత్రం పఠించిన మాల్తీ మేరీ.. విదేశాల్లోను భార‌తీయ‌త మ‌న స్టార్ల‌ ప్ర‌త్యేక‌త‌!

విదేశాల్లో ఉంటున్నా భారతీయ సంప్రదాయాలను పాటిస్తున్న ప్రియాంక చోప్రా తాజాగా కూతురు మాల్తీ మేరీ వీడియోను పంచుకున్నారు. తల్లి ఒడిలో కూర్చున్న నాలుగేళ్ల చిన్నారి ఇంటి పూజా మందిరం ముందు గాయత్రీ మంత్రం పఠించడం ఆకట్టుకుంది. పిల్లలకు భారతీయ సంస్కృతిని పరిచయం చేస్తున్న ప్రియాంకపై నెటిజన్లు ప్రశంసలు కురిపిస్తున్నారు. ప్రస్తుతం ఆమె రాజమౌళి ‘వారణాసి’ చిత్రంలో నటిస్తున్నారు.

By:  Sivaji Kontham   |   20 Nov 2026 2:28 AM IST
గాయత్రీ మంత్రం పఠించిన మాల్తీ మేరీ.. విదేశాల్లోను భార‌తీయ‌త మ‌న స్టార్ల‌ ప్ర‌త్యేక‌త‌!
X

విదేశాల‌లో స్థిర‌ప‌డినా భార‌తీయ ఆచారాల్ని పాటిస్తూ.. భ‌క్తి శ్ర‌ద్ధ‌ల‌తో మంత్రాల‌ను ప‌టిస్తూ.. భ‌జ‌న్స్, కీర్త‌న‌ల్ని ఆస్వాధించే సెల‌బ్రిటీల గురించి తెలుసుకునే కొద్దీ ఆస‌క్తిక‌ర విష‌యాలు ఉన్నాయి. పాశ్చాత్య జీవనశైలికి అలవాటు పడినా తమ మూలాలను, భారతీయ సంస్కృతీ సంప్రదాయాలను గౌర‌వించ‌డం వారి వార‌సులు లేదా పిల్ల‌ల‌కు నేర్పించ‌డం గొప్ప విష‌యం. ప్రియాంక చోప్రా, ప్రీతి జింటా, మాధురీ దీక్షిత్, సోన‌మ్ క‌పూర్ వంటి తారలు అమెరికా వంటి దేశాల్లో నివసిస్తున్నా.. తమ ఇళ్లలో ప్రత్యేకంగా పూజా మందిరాలను ఏర్పాటు చేసుకుని దీపావళి, హోలీ, గణేశ్ చతుర్థి వంటి పండుగలను ఎంతో ఘనంగా జరుపుకుంటారు. తమ పిల్లలకు కూడా చిన్నప్పటి నుంచే భారతీయ ఆచార వ్యవహారాలు, పండుగల విశిష్టతను నేర్పిస్తూ ఆదర్శంగా నిలుస్తున్నారు.

ఆధ్యాత్మికత విషయానికి వస్తే... శిల్పా శెట్టి, సారా అలీ ఖాన్, విరాట్ కోహ్లీ-అనుష్క శర్మ వంటి ప్రముఖులు నిత్యం మంత్రోచ్ఛారణ, భజనలు-కీర్తనలలో మునిగితేలుతుంటారు. ముఖ్యంగా విరాట్-అనుష్క దంపతులు లండన్‌లో ఉన్న సమయంలోనూ ప్రముఖ ఆధ్యాత్మిక గాయకుడు కృష్ణ దాస్ నిర్వహించే కీర్తనలు, భజన కార్యక్రమాలకు హాజరై ఎంతో భక్తిశ్రద్ధలతో పాలుపంచుకున్నారు. దేశం దాటి వెళ్లినా మన సనాతన ధర్మం- భక్తి మార్గంపై వీరికి ఉన్న అంకితభావం ఎంతో మందికి స్ఫూర్తిదాయకంగా నిలుస్తోంది. విరాట్- అనుష్క దంప‌తులు త‌మ పిల్ల‌ల‌కు ఇస్కాన్ ఆచారాల‌ను నేర్పిస్తున్నారు. స్వ‌దేశీ సాంప్ర‌దాయంలో పెంచుతున్నారు. శిల్పాశెట్టి, సోన‌మ్ కూడా దీనిని అనుస‌రిస్తున్నారు.

గ్లోబల్‌స్టార్ ప్రియాంక చోప్రా తన ముద్దుల కూతురు మాల్తీ మేరీకి సంబంధించిన ఒక అద్భుతమైన.. మనసును హత్తుకునే వీడియోను తాజాగా సోషల్ మీడియాలో షేర్ చేసారు. ఈ వీడియోలో నాలుగేళ్ల చిన్నారి మాల్తీ మేరీ తన తల్లి ఒడిలో కూర్చుని.. ఇంట్లోని దేవుడి మందిరం ముందు ఎంతో భక్తిశ్రద్ధలతో `గాయత్రీ మంత్రం` పఠించడం కనిపిస్తోంది. తన చిన్నారి ముద్దుముద్దు మాటలతో మంత్రాన్ని స్పష్టంగా ఉచ్చరించడం చూసి మురిసిపోయిన ప్రియాంక `సో బ్యూటిఫుల్!` అంటూ కూతురిని ప్రేమగా అభినందించారు.

ఈ వీడియోతో పాటు తమ కుటుంబ విహారయాత్రకు సంబంధించిన కొన్ని మధురమైన మూవ్‌మెంట్స్‌ని కూడా ప్రియాంక అభిమానుల కోసం షేర్ చేసారు. విదేశాల్లో స్థిరపడినా పాశ్చాత్య సంస్కృతి యావ‌లో ప‌డి భార‌తీయ‌త‌ను మ‌ర్చిపోని పీసీకి విదేశాల‌లో ముఖ్యంగా అత్త ఇంట్లో కూడా గౌర‌వం పెరుగుతోందే కానీ త‌ర‌గడం లేదు. ఒక ర‌కంగా భార‌తీయ సంస్కృతి ప్రియాంకకు అస‌లైన ఆస్తిగా మారింద‌ని ప్రశంస‌లు కురిపిస్తున్నారు. బుడి బుడి న‌డ‌క‌ల‌తో ఎదుగుతున్న మాల్తీకి భారతీయ సంప్రదాయాలు, సంస్కృతిని ప్రియాంక పరిచయం చేస్తున్న తీరుపై సర్వత్రా ప్రశంసలు కురుస్తున్నాయి.

ప్రస్తుతం ఈ వీడియో నెట్టింట వైరల్‌గా మారడంతో.. అభిమానులు- నెటిజన్లు కామెంట్ల వర్షం కురిపిస్తున్నారు. `చిన్నారి గొంతు ఎంతో మధురంగా ఉంది`, ``విదేశాల్లో ఉంటూ కూడా మన మూలాలను, సంప్రదాయాలను మర్చిపోకుండా కూతురికి మంచి సంస్కారాలు నేర్పుతున్నారు`` అంటూ పలువురు ప్రియాంక పెంపకాన్ని కొనియాడుతున్నారు.

తల్లికూతుళ్ల మధ్య ఉన్న ఈ అందమైన అనుబంధం.. చిన్నారి మాల్తీ మేరీ క్యూట్ ఎక్స్‌ప్రెషన్స్ ఇప్పుడు ప్రతి ఒక్కరి హృదయాలను గెలుచుకుంటున్నాయి. ప్రియాంక చోప్రా, నిక్ జోనాస్ దంపతులు తమ కుమార్తెకు భారతీయ, పాశ్చాత్య సంస్కృతుల విలువలను సమపాళ్లలో అందిస్తూ ఆదర్శంగా నిలుస్తున్నారని అభిమానులు అభిప్రాయపడుతున్నారు. ప్రియాంక చోప్రా ప్ర‌స్తుతం రాజ‌మౌళి వార‌ణాసిలో న‌టిస్తున్న విష‌యం తెలిసిందే. ఈ సినిమా రాక కోసం ప్ర‌పంచ‌వ్యాప్తంగా అభిమానులు ఆస‌క్తిగా వేచి చూస్తున్నారు.