షూటింగ్‌లో స్పీడ్ పెరగాలంటే ఈ మార్పు అవసరమే..

ఒక సీన్ షూట్ చేయడానికి సెట్ సిద్ధంగా ఉంటుంది. క్యాస్టింగ్ రెడీగా ఉంటారు. కెమెరాలు కూడా రెడీ అవుతాయి. కానీ చివరి నిమిషంలో సీన్‌ ను ఎలా తీయాలనే దానిపై ఛేంజ్ వస్తే.. అక్కడి నుంచి మళ్లీ పనులు మొదలవుతాయి. కెమెరా పొజిషన్ మారొచ్చు. లైటింగ్ మార్చాల్సి రావొచ్చు. నటీనటుల మూవ్మెంట్స్‌ లో మార్పులు చేయాల్సి ఉంటుంది. పెద్ద సెట్స్ ఉన్నప్పుడు ఇలాంటి మార్పులు మరింత సమయం తీసుకుంటాయి.

ఇదే కారణంగా కొందరు దర్శకులు షూటింగ్‌ కు ముందే సీన్‌ పై పూర్తి కసరత్తు చేయడానికి ఇంపార్టెన్స్ ఇస్తున్నారు. సీన్ ఎలా ఉండాలి, ఎక్కడ షూట్ చేయాలి, ఏ షాట్ అవసరం, క్యాస్టింగ్ మూవ్మెంట్స్లు ఎలా ఉండాలనే విషయాలపై ముందే ఒక క్లారిటీకి వస్తే సెట్‌లో అనవసరమైన చర్చలు తగ్గుతాయి. ఇక్కడ దర్శకుడి వర్క్ కేవలం యాక్షన్ చెప్పడంతో పూర్తవదు.

ఒక సీన్‌ కు సంబంధించి కెమెరా టీమ్, ఆర్ట్ డిపార్ట్‌మెంట్, లైటింగ్, యాక్షన్, కాస్ట్యూమ్స్, వీఎఫ్ఎక్స్ ఇలా చాలా డిపార్ట్మెంట్లు కలిసి పనిచేస్తాయి. అందరికీ ముందే ఒకే ప్లాన్ ఉంటే.. షూటింగ్ సమయంలో ఒకరి కోసం మరొకరు ఎదురుచూడాల్సిన పరిస్థితి తగ్గుతుంది. ముఖ్యంగా స్టార్ హీరోల సినిమాల్లో ఇది చాలా ముఖ్యం. హీరో డేట్స్‌ ను బట్టి షెడ్యూల్స్ ప్లాన్ చేస్తుంటారు. భారీ సెట్స్ కోసం ప్రత్యేకంగా ఖర్చు చేస్తుంటారు.

వందల మంది ఆర్టిస్టులు, టెక్నీషియన్లు కూడా ఒకే రోజు షూటింగ్‌లో పాల్గొంటారు. అలాంటి సమయంలో సెట్‌లో ఎక్కువ నిర్ణయాలు పెరిగితే ఖర్చు కూడా పెరిగే అవకాశం ఉంటుంది. అయితే ముందే ప్లాన్ చేసుకోవడం అంటే సెట్‌ లో మార్పులకు చోటు ఉండకూడదని కాదు. అవసరాన్ని బట్టి దర్శకుడు మార్పులు చేయాల్సి రావచ్చు. నటుడి పెర్ఫార్మెన్స్ బాగా వస్తే కొత్త ఆలోచన రావచ్చు. కెమెరాలో అనుకున్న దానికంటే మంచి ఫ్రేమ్ కనిపించవచ్చు. అలాంటి సందర్భాల్లో అప్పటికప్పుడు నిర్ణయం తీసుకోవాల్సిన అవసరం కూడా ఉంటుంది.

కానీ ప్రతి విషయాన్ని సెట్‌ లోనే మొదటిసారి ఆలోచించడం, ముందే సిద్ధం చేసుకుని అమలు చేయడం రెండూ ఒకటే కాదు. రెండో విధానంలో షూటింగ్‌ కు వచ్చే సమయం ముందుగానే ఎక్కువగా ఖర్చవుతుంది. దానికి బదులుగా సెట్‌ లో పని మరింత ఫ్రీగా సాగేందుకు అవకాశం ఉంటుంది. రాజమౌళి లాంటి దర్శకుల భారీ సినిమాల మేకింగ్‌ను గమనిస్తే.. కెమెరా ఆన్ అయ్యే ముందు జరిగే ప్రిపరేషన్‌ కు ఎంత ఇంపార్టెన్స్ ఉంటుందో అర్థమవుతుంది.

భారీ కథను స్క్రీన్ పైకి తీసుకురావడంలో షూటింగ్ కంటే ముందు జరిగే ప్లానింగ్ కూడా కీలకమైన భాగమే. అందుకే సినిమా షూటింగ్ స్పీడ్ కేవలం సెట్‌ లో ఎంత త్వరగా పనిచేస్తున్నారనే దానిపై ఆధారపడదు. సెట్‌ కు రాకముందే ఎంత వరకు సిద్ధమయ్యారనేది కూడా అంతే ముఖ్యం. ముందుగానే క్లారిటీ పెరిగితే.. షూటింగ్ సమయంలో అనవసరమైన నిర్ణయాలు తగ్గి, మొత్తం ప్రాసెస్ మరింత సాఫీగా సాగే అవకాశం ఉంటుంది.