సోషల్ మీడియాలో హీట్… ప్రకాష్ రాజ్‌ను టార్గెట్ చేసిన బండ్ల గణేష్

సోషల్ మీడియా వేదికగా టాలీవుడ్‌లో సరికొత్త ట్విట్టర్ వార్ నడుస్తోంది. నటుడు ప్రకాష్ రాజ్ వరుస ట్వీట్లతో డిప్యూటీ సీఎం పవన్ కళ్యాణ్‌ను టార్గెట్ చేస్తుంటే, ఆయనపై పవన్ కళ్యాణ్ వీరాభిమాని, నిర్మాత బండ్ల గణేష్ తీవ్రస్థాయిలో విరుచుకుపడుతున్నారు. ప్రతీ రోజూ ఉదయాన్నే వీరిద్దరి మధ్య నడుస్తున్న ఈ సోషల్ మీడియా ఫైట్ ఇప్పుడు ఇండస్ట్రీతో పాటు నెటిజన్లలో విపరీతమైన హీట్ పెంచుతోంది. ఆ ఆసక్తికరమైన వివరాలు ఇలా వున్నాయి..

డైలీ రొటీన్‌గా మారిన ప్రకాష్ రాజ్ ట్వీట్లు:

ప్రస్తుతం సోషల్ మీడియా ఓపెన్ చేస్తే చాలు ప్రకాష్ రాజ్ వర్సెస్ బండ్ల గణేష్ ఎపిసోడ్స్ దర్శనమిస్తున్నాయి. ప్రతీ రోజూ ఉదయాన్నే ప్రకాష్ రాజ్ ఒక ట్వీట్ వేయడం, అందులో పవన్ కళ్యాణ్‌ను విమర్శించడం ఆయనకు ఒక దినచర్యగా మారిపోయింది. ఇక నెటిజన్లు కూడా ‘ప్రకాష్ రాజ్‌కు పవన్ తప్ప ఇంకెవరూ కనిపించరా?’ అని కామెంట్లు పెడుతున్నారు. పవన్ ఫ్యాన్స్ అయితే ప్రకాష్ రాజ్‌ను సోషల్ మీడియాలో ఓ ఆట ఆడుకుంటున్నారు.

లైన్ లోకి వచ్చిన బండ్లన్న కౌంటర్లు:

తన ఆరాధ్య దైవమైన పవన్ కళ్యాణ్‌ను రోజూ ప్రకాష్ రాజ్ టార్గెట్ చేస్తుంటే అరివీర భక్తుడైన బండ్ల గణేష్ ఊరుకుంటాడా? డైరెక్ట్‌గానే ఎటాక్‌కు దిగిపోయాడు. బండ్ల గణేష్ ఎక్స్ ఖాతా తెరిస్తే అందులో సగం ట్వీట్లు ప్రకాష్ రాజ్‌ను ఉద్దేశించే ఉంటున్నాయి. ఇక తాజాగా ఈరోజు ఉదయమే లైన్‌లోకి వచ్చిన బండ్లన్న.. ‘ఇంకా ట్వీట్ వేయలేదేంటి? డబ్బులు ముట్టలేదా? అకౌంట్ ఒక్కసారి చెక్ చేసుకో’ అంటూ గట్టిగా కవ్వించాడు.

‘రాత్రి తాగడం.. పొద్దుటే వాగడం’ అంటూ హితబోధ:

అంతటితో ఆగకుండా బండ్ల గణేష్ ప్రకాష్ రాజ్‌కు గట్టి కౌంటర్లు ఇస్తూ హితబోధ కూడా చేశాడు. ”రాత్రి తాగడం.. పొద్దుటే వాగడం.. పనికిరాని పోస్టులు, పనికిరాని మాటలు, పనికిరాని గొడవలు.. ఇదే నీ దినచర్య. హాయిగా నీ పని నువ్వు చూసుకొని సంతోషంగా బతుకు. అనవసరంగా ఇతరుల గురించి నోరు పారేసుకొని నీ విలువను నువ్వే తగ్గించుకోకు” అంటూ ట్విట్టర్‌లో స్ట్రాంగ్ వార్నింగ్ లాంటి సలహా ఇచ్చాడు.

భయంతోనే ప్రకాష్ రాజ్ సైలెంట్?:

ఇంత జరుగుతున్నా, బండ్ల గణేష్ ఇన్ని ట్వీట్లు వేస్తున్నా ప్రకాష్ రాజ్ మాత్రం ఇప్పటివరకు ఒక్కసారి కూడా సమాధానం చెప్పలేదు. కనీసం డిఫెండ్ చేసుకోవడానికి కూడా ప్రయత్నించడం లేదు. బండ్ల గణేష్ దూకుడేంటో ప్రకాష్ రాజ్‌కు బాగా తెలుసని నెటిజన్లు అనుకుంటున్నారు. ఇక తను గనుక రియాక్ట్ అయితే బండ్ల నుంచి వచ్చే వాయిస్ మరోలా ఉంటుందని, తన జీవితం మొత్తాన్ని బజారున పెడతాడనే భయంతోనే ప్రకాష్ రాజ్ నోరు మెదపడం లేదని టాక్ నడుస్తోంది.

చర్చనీయాంశంగా మారిన మేల్కొలుపు ట్వీట్:

మొత్తానికి ప్రకాష్ రాజ్‌పై బండ్ల గణేష్ వేస్తున్న పంచ్‌లు, ఇస్తున్న జర్క్‌లు ప్రస్తుతం టాలీవుడ్‌లో హాట్ టాపిక్‌గా మారాయి. ప్రతీ రోజూ ఉదయాన్నే వీరిద్దరి ట్విట్టర్ ఖాతాలే నెటిజన్లకు మేల్కొలుపు గీతాలవుతున్నాయి. పవన్ కళ్యాణ్ వెనుక ప్రకాష్ రాజ్ పడుతుంటే, ప్రకాష్ రాజ్ వెనుక బండ్ల గణేష్ పడుతున్న ఈ సోషల్ మీడియా గొడవ ఇంకా ఎంత దూరం వెళ్తుందో, దీనికి ప్రకాష్ రాజ్ ఎప్పుడు ఫుల్ స్టాప్ పెడతారో చూడాలి.