ప్ర‌గ్యా చీటా లుక్ వైర‌ల్.. ర‌కుల్-ల‌క్ష్మీతో చిల్లింగ్!

ప్ర‌గ్యా జైశ్వాల్- ర‌కుల్ ప్రీత్- ల‌క్ష్మీ మంచు స్నేహం గురించి ప్ర‌త్యేకంగా చెప్పాల్సిన ప‌ని లేదు. ఇటీవ‌లి కాలంలో ఆ ముగ్గురూ ముంబైలోనే ఎక్కువ స‌మ‌యం గ‌డుపుతున్నారు. హైద‌రాబాద్ కి వ‌చ్చి వెళ్లినా తిరిగి కాస్మో పాలిట‌న్ మెట్రో లైఫ్ ని ఎంజాయ్ చేస్తున్నారు. రంగుల ప్ర‌పంచంలో జిగిబిగిని సాంతం ఆస్వాధిస్తున్నారు. ఇక ఈ ముగ్గురూ ఓ చోట క‌లిసి పార్టీల‌కు దిగితే ఒక‌టే సంద‌డి. ఆ సంద‌డికి సంబంధించిన ప్ర‌తి ఫోటోషూట్ ఇంట‌ర్నెట్ లో వేగంగా వైర‌ల్ అవుతోంది.

టాలీవుడ్ చార్మింగ్ బ్యూటీ ప్రగ్యా జైస్వాల్ సోషల్ మీడియా వేదికగా షేర్ చేసిన తాజా ఫోటోషూట్ ప్రస్తుతం ఇంటర్నెట్‌ను షేక్ చేస్తోంది. తనదైన అందం, అద్భుతమైన ఫ్యాషన్ సెన్స్‌తో నిరంతరం వార్తల్లో నిలిచే ఈ భామ, తాజాగా బ్లాక్ కలర్ అవుట్‌ఫిట్‌లో గ్లామర్ విందును అందించింది. ఈ ఫొటోషూట్‌లో ప్రగ్యా ఫ్రాక్‌పై ఉన్న `చిరుత (చీటా)` ప్రింట్ ఎంతో యూనిక్ అప్పియరెన్స్ ఇస్తుండటంతో నెటిజన్లు ఆమెను `చీటా గాళ్` అని అభివర్ణిస్తూ.. ఈ తాజా ఫోటోషూట్ పై ప్రశంసల వర్షం కురిపిస్తున్నారు.

ఈ ఫోటోషూట్ వెనుక ఉన్న స్టైలింగ్ డిటైల్స్ ఫ్యాషన్ ప్రియులను విశేషంగా ఆకట్టుకుంటున్నాయి. ప్రముఖ బ్రాండ్ `హాంగోవర్ బై సాచి` డిజైన్ చేసిన స్టైలిష్ బ్లాక్ అవుట్‌ఫిట్‌లో ప్రగ్యా మెరిసిపోగా.. దానికి తగ్గట్లుగా `మోడర్తా ఇండియా` ఇయర్ రింగ్స్, `హైబా జువెల్స్`రింగ్స్ ...షోన్ జపాటో ఫుట్‌వేర్‌ను ఎంచుకున్నారు. సెలబ్రిటీ స్టైలిస్ట్ నటాషా బోత్రా నేతృత్వంలోని టీమ్ ఈ లుక్‌ను ఎంతో పర్‌ఫెక్ట్‌గా తీర్చిదిద్దగా.. ప్రగ్యా ఇచ్చిన కిల్లర్ పోజులు సోషల్ మీడియాలో వ్యూస్, లైకుల హోరును సృష్టిస్తున్నాయి.

మరోవైపు ప్రగ్యా జైస్వాల్, రకుల్ ప్రీత్ సింగ్, లక్ష్మీ మంచు ల మధ్య ఉన్న స్నేహం గురించి ప్రత్యేకంగా చెప్పాల్సిన పనిలేదు. ఈ ముగ్గురు భామలు ఇటీవలి కాలంలో కాస్మోపాలిటన్ మెట్రో లైఫ్‌ను ఫుల్‌గా ఆస్వాధిస్తున్నారు. ముంబైలోనే ఎక్కువ సమయం గడుపుతూ.. హైదరాబాద్ వచ్చి వెళ్తున్నప్పటికీ.. పార్టీలు- చిల్లింగ్ సెషన్స్‌తో సందడి చేస్తున్నారు. ఈ ముగ్గురు కలిసి సందడి చేసిన ప్రతిసారీ దానికి సంబంధించిన ఫోటోలు, విశేషాలు ఇంటర్నెట్‌లో వేగంగా వైరల్ అవుతుంటాయి.

సినిమాల విషయానికి వస్తే.. ప్ర‌స్తుతం ఈ ముగ్గురి కెరీర్ మంద‌గ‌మ‌నంలోనే సాగుతోంది. ఇదే స‌మ‌యంలో సోష‌ల్ మీడియా ఆదాయాన్ని ఆర్జించడంలో మాత్రం స్పీడ్ చూపిస్తున్నారు. త‌దుప‌రి బ‌హుభాషా చిత్రాల్లో అవ‌కాశాల కోసం ఈ భామ‌లు వేచి చూస్తున్నార‌ట‌. ఒక పెద్ద సినిమా చేతికి అందితే ఆ త‌ర్వాత కెరీర్ జోరు వేరుగా ఉంటుంద‌ని ఆశిస్తున్న‌ట్టు తెలుస్తోంది. అధికారికంగా ఈ భామ‌ల ప్ర‌స్తుత సినిమాల గురించి అప్ డేట్ రావాల్సి ఉంది.