గ్లోబల్ బ్యూటీతో రెబల్ స్టార్ క‌ల తీరేదెప్పుడు?

పాన్-ఇండియా అనే పదానికి అసలైన అర్థాన్ని పరిచయం చేసిన నటుడు రెబల్ స్టార్ ప్రభాస్. `బాహుబలి` చిత్రంతో అంతర్జాతీయ స్థాయిలో గుర్తింపు తెచ్చుకున్న డార్లింగ్ వరుస గ్లోబల్ ప్రాజెక్టులతో బాక్సాఫీస్ వద్ద సరికొత్త రికార్డులను సృష్టిస్తున్నారు. మరోవైపు బాలీవుడ్ నుండి హాలీవుడ్ వరకు నటనతో, అందంతో గ్లోబల్ ఐకాన్‌గా ఎదిగింది ప్రియాంక చోప్రా. ఇద్దరు అంతర్జాతీయ స్థాయి క్రేజ్ ఉన్న తారలు ఒకే స్క్రీన్‌పై కనిపిస్తే ఎలా ఉంటుంది? ఈ ఊహే ఇప్పుడు ఇరు వర్గాల అభిమానులను, సినీ ప్రియుల్లో ఆస‌క్తిని రేకెత్తిస్తుంది.

ప్రభాస్ సరసన ప్రియాంక చోప్రాని హీరోయిన్‌గా చూడాలనే ఆకాంక్ష ఈరోజుది కాదు. ప్రభాస్ లార్జర్-ద్యాన్-లైఫ్ పాత్రలకు, స్క్రీన్ ప్రెజెన్స్‌కు సమానమైన నటనను, గ్లామర్‌ను పండించగల నటీమణులు పరిశ్రమలో చాలా తక్కువ మంది ఉన్నారు. ప్రియాంక చోప్రాకు ఉన్న అంతర్జాతీయ ఇమేజ్, అభినయ సామర్థ్యం ప్రభాస్ పక్కన ఖచ్చితంగా సరిపోలుతాయని విశ్లేషకులు సైతం భావిస్తున్నారు. ఇద్దరి కాంబినేషన్ గనక సెట్ అయితే అది పాన్ ఇండియా సినిమా కాకుండా ప్రపంచవ్యాప్త మార్కెట్‌ను కొల్లగొట్టే భారీ అంతర్జాతీయ ప్రాజెక్ట్‌గా మారుతుందనడంలో ఎలాంటి సందేహం లేదు.

ప్రస్తుతం ప్రభాస్ నటిస్తున్న చిత్రాలన్నీ భారీ బడ్జెట్, హై-టెక్నికల్ వాల్యూస్‌తో కూడుకున్నవే. ముఖ్యంగా వైవిధ్యమైన కథాంశాలతో వస్తున్న సైన్స్ ఫిక్షన్, యాక్షన్ థ్రిల్లర్ సినిమాలకు గ్లోబల్ అప్పీల్ చాలా అవసరం. ప్రియాంక చోప్రా ఇప్పటికే హాలీవుడ్‌లో `క్వాంటికో`, `సిటాడెల్` వంటి భారీ యాక్షన్ సిరీస్‌లలో నటించి మెప్పించింది. ఈ నేప‌థ్యంలో ప్రభాస్ భ‌విష్య‌త్ లో చేయబోయే యాక్షన్ అడ్వెంచర్ చిత్రాలలో ప్రియాంక చోప్రా వంటి వెస్ట్రన్ యాక్షన్ స్టైల్ తెలిసిన నటి తోడైతే యాక్షన్ సీక్వెన్సులు హాలీవుడ్ స్థాయికి ఏమాత్రం తీసిపోని విధంగా ఉంటాయి.

మరో ప్రధానమైన అంశం ఏమిటంటే? ఈ కాంబినేషన్ వల్ల సినిమా బిజినెస్ రీచ్ ఊహించని స్థాయికి చేరుకుం టుంది. ప్రభాస్‌కు ఆసియా అంతటా ఫేమ‌స్. ముఖ్యంగా జపాన్, చైనా , ఉత్తర అమెరికాలోని భారతీయ ప్రేక్షకులలో విపరీతమైన మార్కెట్ ఉంది. ప్రియాంక చోప్రాకు అమెరికా, యూరప్ దేశాలలోని స్థానిక ప్రేక్షకులలో మంచి గుర్తింపు ఉంది. ఇద్దరి కలయిక వల్ల సినిమాకు లభించే గ్లోబల్ థియేట్రికల్ అడ్వాంటేజ్, ఓవర్సీస్ బిజినెస్ , డిజిటల్ రైట్స్ వాల్యూ రికార్డు స్థాయిలను తాకడం ఖాయం. ఒక రకంగా ఇది భారతీయ సినిమా గ్లోబల్ మార్కెట్‌ను మరింత విస్తరించడానికి ఉపయోగపడుతుందని చెప్పొచ్చు.

అయితే ఈ క్రేజీ కాంబినేషన్ సాకారం కావడానికి అంత ఈజీ కాదు. కాల్‌షీట్లు సరైన కథ కుదరడమే. ప్రభాస్ ఇప్పటికే రాబోయే రెండేళ్ల వరకు డైరీ ఫుల్ చేసుకుని బిజీగా ఉన్నారు. అటు ప్రియాంక చోప్రా కూడా అంతర్జాతీయ ప్రాజెక్టులతో పాటు బాలీవుడ్ సినిమాలను బ్యాలెన్స్ చేస్తోంది. ఇద్దరి డేట్స్ అడ్జస్ట్ అవ్వడమే కాకుండా ఇద్దరి స్టార్డమ్‌కు న్యాయం చేసేలా గ్లోబల్ స్టార్స్ ఒకే ఫ్రేమ్‌లో ఇమిడిపోయేలా బలమైన కథను రాసే దర్శకుడు కూడా కావాలి. ఒకవేళ ఇవన్నీ కుదిరి ప్రాజెక్ట్ అనౌన్స్ అయితే అది భారతీయ సినీ చరిత్రలోనే మైలురాయిగా నిలిచిపోతుంది.

ట్రెండ్ మారుతున్న తరుణంలో భాషా సరిహద్దులు చెరిగిపోతున్నాయి. పాన్-ఇండియా స్థానంలో పాన్-వరల్డ్ సినిమాలు ఊపందుకుంటున్నాయి. ఇలాంటి తరుణంలో ప్రభాస్-ప్రియాంక చోప్రా కాంబినేషన్ అనేది కేవలం అభిమానుల కోరిక మాత్రమే కాదు. ట్రేడ్ వర్గాల కల కూడా. బాక్సాఫీస్ వద్ద సరికొత్త రికార్డుల సృష్టికి, భారతీయ సినిమా జెండాను ప్రపంచ వ్యాప్తంగా మరోసారి ఎగరేయడానికి ఈ క్రేజీ కాంబినేషన్ ఎంతో దోహదపడుతుంది. ఈ కలల ప్రాజెక్ట్ త్వరలోనే ఏదో రూపంలో కార్యరూపం దాల్చాలని.. వెండితెరపై ఇద్దరి కెమిస్ట్రీని చూడాలని ప్రేక్షకులు ఎంతో ఆసక్తిగా ఎదురు చూస్తున్నారు.