ఆ లిస్ట్ లోకి డార్లింగ్ కూడానా?

ఇండియ‌న్ సినిమాలో ప్ర‌స్తుతం సీక్వెల్స్, ప్రీక్వెల్స్ బాగా ఎక్కువైపోతున్నాయి. ముందు ఒక సినిమాగా మొద‌ల‌వ‌డం, త‌ర్వాత క‌థ పెద్ద‌దైంద‌ని, మొత్తం క‌థ‌ను ఒకే సినిమాలో చెప్ప‌లేక‌పోతున్నామ‌ని, దాన్ని రెండు భాగాలుగా తీసుకురావ‌డం ట్రెండ్ గా మారింది. సీక్వెల్స్ క‌థ‌లు ఈ కార‌ణంతో ఎక్కువ‌గా వ‌స్తుంటే, ఏదైనా సినిమా రిలీజ‌య్యాక అది బావుండి, దానికి సీక్వెల్ ఆప్ష‌న్ లేక‌పోతే ప్రీక్వెల్ ను ప్లాన్ చేస్తున్నారు ద‌ర్శ‌క‌నిర్మాత‌లు.

కాంతారకు ప్రీక్వెల్ గా వ‌చ్చిన కాంతార‌1

రీసెంట్ గా వ‌చ్చిన కాంతార చాప్ట‌ర్1 ఆ కోవ‌లోకే వ‌స్తుంది. 2022లో వ‌చ్చిన కాంతార బ్లాక్ బ‌స్ట‌ర్ కావ‌డంతో ఆ సినిమాకు ప్రీక్వెల్ కాంతార‌1 ను తీసి ఈ మూవీతో మ‌రో స‌క్సెస్ ను అందుకున్నారు రిష‌బ్ శెట్టి. మొన్నామ‌ధ్య కోలీవుడ్ స్టార్ హీరో చియాన్ విక్ర‌మ్ అయితే ఓ అడుగు ముందుకేసి వీరధీర శూర‌న్2 అనే సినిమాను చేసి, ఆ సినిమా త‌ర్వాత మొద‌టి భాగాన్ని చేస్తాన‌ని చెప్పి అంద‌రినీ ఆశ్చ‌ర్య‌ప‌రచ‌గా, వీర ధీర శూర‌న్2 ఫ్లాపవ‌డంతో ఆ ప్రీక్వెల్ గురించి మ‌ళ్లీ ఎలాంటి వార్త బ‌య‌ట‌కు రాలేదు.

ఫౌజీకి ప్రీక్వెల్

అయితే ఇప్పుడు ఈ ప్రీక్వెల్ లిస్ట్ లోకి మ‌రో మూవీ రాబోతున్న‌ట్టు టాక్ వినిపిస్తోంది. ఇప్ప‌టికే బాహుబ‌లి1, బాహుబ‌లి2 చేసిన ప్రభాస్ స‌లార్2, క‌ల్కి2 రూపంలో సీక్వెల్ సినిమాల‌ను లైన్ లో పెట్ట‌గా, ఇప్పుడు ఓ ప్రీక్వెల్ సినిమాను కూడా ఆ లిస్ట్ లోకి చేర్చ‌నున్న‌ట్టు తెలుస్తోంది. హ‌ను రాఘ‌వ‌పూడి ద‌ర్శ‌క‌త్వంలో ప్ర‌భాస్ చేస్తున్న ఫౌజీ అనే పీరియాడిక్ డ్రామాను ఓ సిరీస్ గా తీసుకెళ్లాల‌ని మేక‌ర్స్ భావిస్తున్నార‌ట‌.

60% షూటింగ్ పూర్తి

అందులో భాగంగానే ఈ సినిమాకు ప్రీక్వెల్ చేయాల‌ని ప్లాన్ వేస్తున్నార‌ని తెలుస్తోంది. అదే నిజ‌మైతే ప్ర‌భాస్ ఫ్యాన్స్ కు పండ‌గ‌నే చెప్పాలి. ఇప్ప‌టికే ఫౌజీ సినిమా షూటింగ్ 60% పూర్త‌వ‌గా, మ‌రో 35 రోజులు ప్ర‌భాస్ డేట్స్ అడ్జ‌స్ట్ చేస్తే మిగిలిన సినిమా కూడా పూర్త‌వుతుంద‌ని తెలుస్తోంది. దేశ భ‌క్తి, యుద్ధం, త్యాగం అనే అంశాల చుట్టూ తిరిగే ఈ క‌థ‌, రెండో ప్ర‌పంచ యుద్ధ నేప‌థ్యం ఆధారంగా తెర‌కెక్కుతుండ‌గా, మైత్రీ మూవీ మేక‌ర్స్ భారీ బ‌డ్జెట్ తో ఫౌజీని నిర్మిస్తోంది. అయితే ఇప్ప‌టికే ప‌లు సినిమాలు చేయాల్సిన ప్ర‌భాస్, ఒక‌వేళ నిజంగా ఫౌజీకి ప్రీక్వెల్ ఉన్నా కూడా ఆ సినిమా రావ‌డానికి చాలానే టైమ్ ప‌డుతుంది.