ఇటాలియన్ మోనికాకు చేరిన కూలీ మోనికా పాట

స్టార్ హీరోయిన్ పూజా హెగ్డే తాజాగా మోనికా సాంగ్ తో కుర్రకారును ఉర్రూతలూగించింది. సూపర్ స్టార్ రజనీకాంత్ కూలీ సినిమాలో స్పెషల్ సాంగ్ అయిన మోనికా లో పూజ స్టెప్పులకు ఫ్యాన్స్ ఫిదా అయిపోయారు. ఈ పాట రిలీజ్ అయిన నాటి నుండి ఫుల్ ట్రెండింగ్ లో దూసుకెళ్తోంది. ఒకరకంగా కూలీ సినిమాకు ఈ పాట కూడా హైప్ క్రియేట్ చేసిందనడంలో ఎలాంటి సందేహం లేదు.

అయితే డైరెక్టర్ లోకేశ్ కనగరాజ్ ఈ పాటను ఇటాలియన్ బ్యూటీ మోనికా బెలూచికి ట్రిబ్యూట్‌ గా రూపొందించారు. సంగీత దర్శకుడు అనిరుధ్ రవిచంద్రన్ కు కూడా ఆమెకు ఓ అభిమానియే. అందుకే వీళ్లు కూలీ సినిమా ప్రమోషన్స్ కోసం మోనికా పాటను పెట్టారు. దీనికి పూజా హెగ్డే, కొరియోగ్రాఫర్, అనిరుధ్ అందరూ వంద శాతం ఎఫోర్ట్ పెట్టి క్వాలిటీ ఔట్ పుట్ ఇచ్చారు. దీంతో పాట సూపర్ గా వచ్చింది.

తాజాగా ఈ పాటపై ఏకంగా మోనికా బెలూచి దాకా చేరింది. ఈ పాట ఆమెకు కూడా నచ్చిందట. ఈ విషయాన్ని బాలీవుడ్ లో ప్రముఖ విలేకరి అనుపమ చోప్రా వెల్లడించారు. ఈ పాట మోనికా దగ్గరకు చేరడంలోనూ అనుపమే కీలక పాత్ర పోషించారు. అదెలాగంటే... మోనికాకు తెలిసిన ఓ ఫిలిం ఫెస్టివల్ హెడ్‌ కు అనుపమ చోప్రా ఈ పాటను పంపించార. ఆ వ్యక్తి, ఈ పాటను మోనికాకు షేర్ చేశారట. అలా కూలీ లోని మోనికా పాట.. ఇటాలియన్ బ్యూటీ మోనికాకు చేరిందిన్నమాట. అయితే ఆమెకు ఈ పాట బాగా నచ్చిందట.

కాగా, పూజా హెగ్డేతో అనుమప తాజాగా చేసిన ఇంటర్వ్యూలో ఈ విషయాన్ని వెల్లడించారు. ఇది విన్న పూజ షాక్ తో, ఎంతో ఎగ్జైట్ అయ్యింది. మోనికా అంటే తనకే కాదు తన టీమ్ అందరికి కూడా చాలా ఇష్టమని, చెప్పింది. ఆమె మీద ఉన్న అభిమానంతోనే చేసిన ఈ పాట చివరకు మోనికాకు చేరడం పట్ల పూజా ఆనందం వ్యక్తం చేసింది. అయితే ఈ పాట విడుదలయ్యాక.. అనేక మంది నెటిజన్లు మోనికా బెలూచిని ట్యాగ్ చేశారని, కూలీ సినిమా చూడాలని అడిగారని పూజా గుర్తు చేసుకుంది.

అయితే ఈ పాట ప్రస్తుతం సోషల్ మీడియా, యూట్యూబ్ లో ఫుల్ హిట్ అయ్యింది. కానీ, ఈ పాట సినిమాలో ఉండదని, ఇది కేవలం బిజినెస్ పర్పస్ కోసమే చేశామని మేకర్స్ ఇప్పటికే చెప్పారు. కాగా రజనీకాంత్, నాగార్జున, ఆమిర్ ఖాన్, శ్రుతి హాసన్ కీలక పాత్రల్లో నటించిన ఈ సినిమా ఆగస్టు 14న రిలీజ్ కానుంది.