రాజాసాబ్ దెబ్బ.. పీపుల్ మీడియాను ఆదుకునే ఆ 'స్పిరిట్' ఏది?
కేవలం ప్రభాస్ సినిమానే కాకుండా, వీరి లైనప్లో మరికొన్ని క్రేజీ ప్రాజెక్టులు కూడా ఉన్నాయి. తేజ సజ్జ హీరోగా వస్తున్న 'మిరాయ్ 2' ను కూడా పట్టాలెక్కించడానికి గ్రౌండ్ ప్రిపేర్ చేస్తున్నారు.
By: M Prashanth | 21 Jan 2026 8:59 AM IST
టాలీవుడ్లో ఇప్పుడు పీపుల్ మీడియా ఫ్యాక్టరీ పరిస్థితిపై ఆసక్తికరమైన చర్చ సాగుతోంది. ప్రభాస్ వంటి గ్లోబల్ స్టార్తో సంక్రాంతికి వచ్చిన 'ది రాజాసాబ్' బాక్సాఫీస్ వద్ద ఆశించిన మ్యాజిక్ చేయలేకపోయింది. ట్రేడ్ వర్గాల సమాచారం ప్రకారం, ఈ సినిమా వల్ల నిర్మాతలకు దాదాపు 50 శాతం మేర నష్టాలు వచ్చే అవకాశం ఉందని తెలుస్తోంది. భారీ బడ్జెట్తో సొంతంగా రిలీజ్ చేసుకోవడం వల్ల ఈ భారం ప్రొడక్షన్ హౌస్పై గట్టిగానే పడింది.
అయితే, ఈ నష్టాల నుండి బయటపడటానికి సదరు నిర్మాణ సంస్థ దగ్గర ఒక మాస్టర్ ప్లాన్ సిద్ధంగా ఉంది. ప్రభాస్ సందీప్ రెడ్డి వంగా కాంబినేషన్లో రాబోతున్న మోస్ట్ అవేటెడ్ మూవీ 'స్పిరిట్' నైజాం డిస్ట్రిబ్యూషన్ హక్కులు ఇప్పుడు వీరి చేతిలో ఉన్నాయి. ఈ సినిమాపై ఉన్న క్రేజ్, సందీప్ వంగా మార్కెట్ చూస్తుంటే, ఒక్క నైజాం ఏరియా నుండే భారీ లాభాలు వచ్చే ఛాన్స్ ఉంది. ఆ ప్రాఫిట్స్ రాజాసాబ్ వల్ల వచ్చిన నష్టాలను కొంతవరకు కవర్ చేస్తాయని భావిస్తున్నారు.
కేవలం ప్రభాస్ సినిమానే కాకుండా, వీరి లైనప్లో మరికొన్ని క్రేజీ ప్రాజెక్టులు కూడా ఉన్నాయి. తేజ సజ్జ హీరోగా వస్తున్న 'మిరాయ్ 2' ను కూడా పట్టాలెక్కించడానికి గ్రౌండ్ ప్రిపేర్ చేస్తున్నారు. సోషియో ఫాంటసీ బ్యాక్డ్రాప్లో వస్తున్న ఇలాంటి రూటెడ్ కథలకు ఇప్పుడు మంచి డిమాండ్ ఉంది. ఈ ప్రాజెక్ట్ గనుక క్లిక్ అయితే పీపుల్ మీడియాకు అది పెద్ద ప్లస్ అవుతుంది.
మరో ఆసక్తికరమైన విషయం ఏమిటంటే, ఈ ప్రొడక్షన్ హౌస్ పవన్ కళ్యాణ్ క్రియేటివ్ వర్క్స్తో భాగస్వామిగా మారబోతున్నట్లు తెలుస్తోంది. పవర్ స్టార్ సినిమా అంటే ఉండే క్రేజ్ గురించి ప్రత్యేకంగా చెప్పక్కర్లేదు. ఆయనతో కలిసి ప్రాజెక్టులు చేయడం వల్ల మార్కెట్లో వీరి బ్రాండ్ వాల్యూ పెరగడమే కాకుండా, కమర్షియల్గా కూడా మంచి సేఫ్ జోన్లోకి వెళ్లే అవకాశం ఉంటుంది. పొలిటికల్ అండ్ సినిమాటిక్ క్రేజ్ ఉన్న పవన్తో పార్టనర్షిప్ అంటే అది ఒక పెద్ద రిలీఫ్ అని చెప్పవచ్చు.
ఇవే కాకుండా మరికొన్ని మీడియం బడ్జెట్ సినిమాలు, యంగ్ హీరోలతో ప్రాజెక్టులు కూడా పైప్లైన్లో ఉన్నాయి. మారుతి లాంటి దర్శకులతో మళ్ళీ సేఫ్ బడ్జెట్ సినిమాలు చేయడం వల్ల కూడా కొంత రికవరీకి ఛాన్స్ ఉంటుంది. ఇండస్ట్రీలో ఒక భారీ ప్లాప్ తర్వాత పుంజుకోవాలంటే ఇలాంటి మల్టిపుల్ ఆప్షన్స్ ఉండటం చాలా ముఖ్యం. పీపుల్ మీడియా వారు ఆ విషయంలో చాలా క్లారిటీగా ఉన్నట్లు కనిపిస్తోంది.
ఏదేమైనా 'ది రాజాసాబ్' ఫలితం కొంత నిరాశ కలిగించినా, చేతిలో ఉన్న 'స్పిరిట్' హక్కులు ఇతర క్రేజీ ప్రాజెక్టులు వీరిని మళ్ళీ సక్సెస్ ట్రాక్ లోకి తీసుకొచ్చేలా ఒక నమ్మకం కనిపిస్తోంది. ఒకటి రెండు సినిమాలు అటు ఇటు అయినా, ప్రభాస్, పవన్ కళ్యాణ్ లాంటి స్టార్ల అండ ఉండటం ఈ బ్యానర్కు బూస్ట్ లాంటిది. మరి రాబోయే రెండేళ్లలో ఈ ప్రొడక్షన్ హౌస్ తన నష్టాలను ఎంతవరకు అధిగమించి మళ్ళీ నంబర్ వన్ రేసులోకి వస్తుందో చూడాలి.