పవన్ కళ్యాణ్‌కు అండగా టీడీపీ, వైసీపీ..!

పవన్ కళ్యాణ్ విడాకుల విషయం నిన్నటి నుంచి దిగ వైరల్ అవుతున్న సంగతి తెలిసిందే. జనసేన అధినేత, డిప్యూటీ సీఎం పవన్ కళ్యాణ్ వ్యక్తిగత జీవితానికి సంబంధించిన వార్తలపై.. టీడీపీతో పాటు ప్రతిపక్ష వైసీపీ కూడా స్పందించింది. ఈ విషయంలో తమ పార్టీ నాయకులు, కార్యకర్తలు సంయమనం పాటించాలని రెండు పార్టీలు అధికారికంగా పోస్టులు పెట్టాలి.

పవన్ కళ్యాణ్, అన్నా కొణిదెల విడిపోవాలని నిర్ణయించుకున్న సంగతి తెలిసిందా. ఈ ప్రకటన బయటకు వచ్చినప్పటి నుంచి సోషల్ మీడియాలో దీని గురించి ఎక్కువగా వినిపిస్తోంది. కొందరు వ్యక్తిగత విషయాల గురించి కామెంట్లు చేస్తుండగా, మరికొందరు ఈ అంశాన్ని రాజకీయాలతో ముడిపెడుతున్నారు.

ఈ నేపథ్యంలో టీడీపీకి సంబంధించిన సోషల్ మీడియా అఫీషియల్ పేజ్ ఐటీడీపీ కీలక ప్రకటన విడుదల చేసింది. రాజకీయ నాయకుల వ్యక్తిగత జీవితాల గురించి అనవసరమైన వ్యాఖ్యలు చేయకూడదని తమ సోషల్ మీడియా కార్యకర్తలకు సూచించింది. కూటమి పార్టీల నాయకులైనా, ప్రతిపక్ష నాయకులైనా వారి వ్యక్తిగత విషయాలపై విమర్శలు చేయడం సరైన పద్ధతి కాదని.. ఇలాంటి పోస్టులు పెట్టే ఐటీడీపీకి సంబంధించిన ఖాతాలపై క్రమశిక్షణ చర్యలు తీసుకుంటామని హెచ్చరించింది.

అయితే ఈ విషయం గురించి టిడిపినే కాకుండా వైఎస్సార్ కాంగ్రెస్ కూడా స్పందించడం విశేషం. మరోవైపు వైఎస్సార్ కాంగ్రెస్ పార్టీ కూడా ఇదే తరహాలో అధికారిక ప్రకటన విడుదల చేసింది. పార్టీ నాయకులు, అధికార ప్రతినిధులు, కార్యకర్తలు, సోషల్ మీడియా బాధ్యులు పవన్ కళ్యాణ్ వ్యక్తిగత విషయాలపై ఎలాంటి బహిరంగ వ్యాఖ్యలు చేయవద్దని సూచించింది. సాధారణంగా రాజకీయంగా ఒకరిపై ఒకరు విమర్శలు చేసుకునే టీడీపీ, వైసీపీ ఈ విషయంలో ఒకే విధమైన నిర్ణయం తీసుకోవడం ఎంతో మంచి విషయం అంటూ చాలామంది కామెంట్స్ పెడుతున్నారు.