'పాన్ ఇండియా మూవీ ' అంటే ఏంటి? అన్ని భాషల ప్రేక్షకులను ఆకట్టుకోవడానికి ఏం చేయాలి...

ప్రస్తుతం ఇండియన్ సినిమా ఇండస్ట్రీ మొత్తం ఒకటైపోయింది. ఏ భాషల్లో సినిమాలు రిలీజ్ చేసినా అన్ని భాషల ప్రేక్షకులకు అందుబాటులోకి వస్తున్నాయి. ఇతర భాషల్లో డబ్ చేసి థియేటర్లలో రిలీజ్ చేస్తున్నారు. సినిమాలంటే ఇంట్రెస్ట్ ఉన్న చాలా మంది మూవీస్ చూస్తూ ఎంజాయ్ చేస్తున్నారు...

పాన్ ఇండియా మూవీ...

దేశంలో ఉన్న అన్ని ప్రాంతాల ప్రేక్షకులకు కనెక్ట్ అయ్యే విధంగా కథను రెడీ చేసుకొని సినిమా తీస్తే దానిని 'పాన్ ఇండియా మూవీ' అంటారు. కానీ ప్రస్తుతం ఉన్న పరిస్థితిలో స్టార్ హీరోలు ఉండి ఎక్కువ భాషల్లో రిలీజ్ చేసే సినిమాలను పాన్ ఇండియా మూవీస్ అని చెప్తున్నారు.

అన్ని భాషల ఆడియన్స్ ను మెప్పించడానికి ఇలా చేయాలి ...

పాన్ ఇండియా పేరు చెప్పి ఇతర భాషల్లో ఉన్న ప్రేక్షకులకు టైటిల్స్ అర్థం కాకుండా పెడుతున్నారు. ఏ భాషలో మూవీ రిలీజ్ అవుతుందో ఆ మాతృ భాషలోనే టైటిల్స్ వేయాలి. అలా కాకుండా ఇంగ్లీషులో వేస్తున్నారు, లేదంటే హిందీలో పోస్టర్స్ వేస్తున్నారు. దీనివల్ల సినిమా చూడాలనుకునే వాళ్ళకి ఆ సినిమా డబ్బింగ్ సినిమా గానే కనిపిస్తుంది తప్ప తమ సొంత సినిమాలా ఫీల్ అవ్వడం లేదు. ఆయా భాషల్లోని ప్రేక్షకుల అభిరుచి మేరకు వాళ్ళను ఎంటర్ టైన్ చేసే కొన్ని ఎలిమెంట్స్ ను సైతం సినిమాలో యాడ్ చేస్తే స్పెషల్ ఇంపాక్ట్ రావచ్చు...అలాగే పాన్ ఇండియాలో ఉన్న ప్రేక్షకుల నుంచి ఇంకా ఎక్కువ ఆదరణ వచ్చే అవకాశమైతే ఉంటుంది.

కాంబినేషన్స్ పై అంచనాలు...

గతంలో వచ్చిన కొన్ని కాంబినేషన్లు సెన్సేషన్ ను క్రియేట్ చేస్తుంటాయి. ఆ కాంబినేషన్స్ లో సినిమాలు వచ్చినప్పుడు పాన్ ఇండియా ప్రేక్షకులను ఈజీగా ఆకట్టుకుంటాయి. తద్వారా ఆ సినిమా మీద భారీ బజ్ క్రియేట్ అవుతుంది. ఫైనల్ గా సినిమా కి భారీ ఎత్తున ఓపెనింగ్స్ వచ్చే అవకాశాలైతే ఉన్నాయి. ఒకసారి సక్సెస్ ని సాధించిన కాంబో ప్రతిసారి విజయాలను అందిస్తుందా అంటే అది క్లారిటీగా చెప్పలేము...అప్పుడున్న పరిస్థితులు, వాళ్ళు ఎంచుకున్న సబ్జెక్టులను బట్టి సినిమా సక్సెస్ సాధిస్తుంది...

బాక్సాఫిస్ ను నిర్ణయించేది ఏంటి..?

టైటిల్ ప్రజంటేషన్స్, ఇతర భాషల ప్రేక్షకులను ఆకట్టుకునే ఎలిమెంట్స్ సినిమాలో ఉన్నప్పటికి, ఫైనల్ గా కంటెంట్ బాగుండి టీజర్, ట్రైలర్, పాటలు బాగున్నప్పుడే సినిమాలు విజయాన్ని సాధిస్తాయి...