గాజులైనా లేకుండా గాజుబొమ్మ‌లా పాల‌క్ ఏంటిలా?

యంగ్ బ్యూటీ పాలక్ తివారీ సినిమాల‌తో కంటే డేటింగ్ వ్య‌వ‌హారాలతోనే ఎక్కువ‌గా పాపుల‌రైంది. సోష‌ల్ మీడియాలోను ఈ బ్యూటీ జోరుమీద ఉంది. ఇటీవల ఇన్‌స్టా వేదిక‌పై పోస్ట్ చేసిన‌ ఫోటోలు, వీడియో క్లిప్ నెటిజన్లను విశేషంగా ఆకట్టుకుంటోంది. సంప్రదాయ - ఆధునిక ఫ్యాషన్ శైలిని మేళవించి ఈ బ్యూటీ షేర్ చేసిన ఈ పోస్ట్ క్షణాల్లోనే వైరల్‌గా మారింది. ఈ పోస్ట్‌కు పాల‌క్ పెట్టిన క్యాప్షన్ .. దానికి వచ్చిన నెటిజన్ల స్పందన ప్రస్తుతం సోషల్ మీడియాలో హాట్ టాపిక్‌గా మారింది.

పోస్ట్‌లో పాలక్ తివారీ ఎంతో శోభాయమానంగా కనిపిస్తూ తన అంద‌మైన గాజు అద్దం లాంటి లుక్‌ను ప్రదర్శించారు. అయితే తన చేతులకు ఎటువంటి గాజులు ధరించకుండానే గాజుల కాన్సెప్ట్‌ ఆధారంగా ఉన్న ఒక పాటకు రీల్ లేదా ఫోటోలను జత చేయడంతో.. గాజులు లేకుండా చేసిన పోస్ట్‌కి ఇది ఎంతో ఫన్నీ సాంగ్ అని అర్థం వచ్చేలా కామెంట్‌ పెట్టి తనలోని హాస్య చతురతను చాటుకున్నారు.

ఈ క్యాప్షన్ చూసిన అభిమానులు, నెటిజన్లు రకరకాలుగా స్పందించడం ప్రారంభించారు. గాజులు అని చదివే క్రమంలో మొదట క‌న్‌గ‌న‌ (బాలీవుడ్ నటి కంగనా రనౌత్) అని పొరబడ్డాము! అంటూ కొందరు సరదాగా కామెంట్లు చేశారు. మరికొందరు `మరి మీ చేతుల గాజులు ఎక్కడ?` అంటూ సరదాగా ఆటపట్టించారు.

మరొకవైపు పాలక్ గ్లామరస్ డ్రెస్సింగ్ .. ఆ హెయిర్ స్టైల్ పై ప్రశంసల వర్షం కురిసింది. అభిమానులు ఈ బ్యూటీని `ఇండియన్ వెర్షన్ బార్బీ డాల్`, `సిండ్రెల్లా`, `దేవకన్య` అంటూ ఆకాశానికెత్తేశారు. పోస్ట్ కింద కామెంట్ సెక్షన్ మొత్తం రెడ్ హార్ట్, ఫైర్ ఎమోజీలతో నిండిపోయింది.

మొత్తానికి కేవలం విజువల్స్ తోనే కాకుండా తన చిలిపి వ్యాఖ్యలతో కూడా అభిమానుల హృదయాలను పాలక్ తివారీ దక్కించుకుంటున్నారు. సోషల్ మీడియాలో నిరంతరం యాక్టివ్‌గా ఉంటూ ట్రెండ్ అవుతున్న ఈ యంగ్ బ్యూటీ తన ఫ్యాషన్ సెన్స్‌తో యూత్‌లో మంచి క్రేజ్‌ సంపాదించుకుంటోంది.

పాలక్ తివారీ కెరీర్ జర్నీ

పాపుల‌ర్ బుల్లితెర నటి శ్వేతా తివారీ కుమార్తెగా గుర్తింపు పొందిన పాలక్ తివారీ, హార్డీ సంధు ఆలపించిన `బిజిలీ బిజిలీ` అనే మ్యూజిక్ వీడియోతో దేశవ్యాప్తంగా విపరీతమైన క్రేజ్ , పాపులారిటీ సాధించింది. ఆ తర్వాత 2023లో సల్మాన్ ఖాన్ నటించిన `కిసీ కా భాయ్ కిసీ కా జాన్` సినిమాతో బాలీవుడ్‌లో నటిగా అరంగేట్రం చేసింది. తన గ్లామర్, డ్యాన్స్ స్కిల్స్, నటనతో యూత్‌లో మంచి ఇమేజ్ సొంతం చేసుకుంటూ ముందుకు సాగుతోంది.

2026లో పాలక్ తివారీ తాజా ప్రాజెక్ట్

2026లో పాలక్ తివారీ లుక్కే అనే డిజిటల్ (సినిమాటిక్) ప్రాజెక్ట్‌లో సనోబర్ అనే పవర్‌ఫుల్ పాత్రలో నటించింది. రాపర్ కింగ్ - రాశి ఖన్నాలతో కలిసి నటించిన ఈ మ్యూజికల్ క్రైమ్ డ్రామాలో పాల‌క్ నటనకు మంచి గుర్తింపు లభించింది. వీటితో పాటు `రోజీ: ది సఫ్రాన్ చాప్టర్` వంటి ప్రాజెక్ట్‌లతో కూడా బిజీగా ఉంది.