ఈవారం ఓటీటీలో సందడి చేయనున్న చిత్రాలు, సిరీస్ లు ఇవే.. వాటిని మాత్రం మిస్ అవ్వకండి!

ఎప్పటిలాగే ఈవారం కూడా ఓటీటీ ప్రేక్షకులను మెప్పించడానికి పలు చిత్రాలు, వెబ్ సిరీస్ లు సిద్ధం అయిపోయాయి. అందులో ఇప్పటికే కొన్ని స్ట్రీమింగ్ కి రాగా, మరికొన్ని సిద్ధం అవుతున్నాయి. అయితే అందులో ప్రత్యేకించి ఆ చిత్రాలను మాత్రం అసలు మిస్ అవ్వకండి అని థియేటర్లలో సినిమా చూడలేని వారికి.. సినిమా చూసినవారు సలహా ఇస్తున్నారు. మరి ఈ వారం ఓటీటీలో సందడి చేయడానికి సిద్ధమైన సినిమాలు, సీరీస్ లు ఏంటో ఇప్పుడు చూద్దాం.

మయసభ..

ఆది పినిశెట్టి , చైతన్యరావు ప్రధాన పాత్రల్లో నటించిన తాజా వెబ్ సిరీస్ 'మయసభ' ఓటీటీ సోనీలివ్ లో ప్రస్తుతం స్ట్రీమింగ్ అవుతోంది. ముఖ్యంగా ఇద్దరి స్నేహితులు రాజకీయ ప్రత్యర్థులుగా ఎలా మారారు? అనే విషయాన్ని తెరపై చూపిస్తూ నిజ జీవిత సంఘటనల ఆధారంగా ఈ వెబ్ సిరీస్ ని తెరకెక్కించినట్లు ట్రైలర్ లోనే వెల్లడించిన విషయం తెలిసిందే.. ముఖ్యంగా ఇద్దరు బడా నేతల గురించి, వారి స్నేహం గురించి.. రాజకీయాల్లోకి అడుగుపెట్టిన తర్వాత ప్రత్యర్ధులుగా ఎలా మారారు.. అనే విషయాలు తెలియాలి అంటే కచ్చితంగా ఈ వెబ్ సిరీస్ చూడాల్సిందే.

ఓహో ఎంథన్ బేబీ..

కృష్ణ కుమార్ దర్శకత్వంలో రుద్ర, మిథిలా పాల్కర్ కీలక పాత్రలో వచ్చిన చిత్రం 'ఓహో ఎంథన్ బేబీ'. తమిళ్ బాక్స్ ఆఫీస్ వద్ద మంచి టాక్ సొంతం చేసుకున్న ఈ సినిమా నెట్ ఫ్లిక్స్ వేదికగా ఆగస్టు 8 నుంచి స్ట్రీమింగ్ కానుంది.

సలాకార్: ది లెజెండ్ ఆఫ్ యాన్ ఎక్స్ టార్డినరీ ఇండియన్ స్పై..

ఓటీటీ ప్రేక్షకులను అలరించడానికి సిద్ధమైన మరో స్పై థ్రిల్లర్ మూవీ ' సలాకార్: ది లెజెండ్ ఆఫ్ యాన్ ఎక్స్ టార్డినరీ ఇండియన్ స్పై'. ఆగస్టు 8వ తేదీ నుంచి హిందీతో పాటు తెలుగు లో కూడా జియో హాట్ స్టార్ వేదికగా అందుబాటులోకి రానుంది. ఇందులో మౌని రాయ్ , నవీన్ కస్తూరియా ప్రధాన పాత్రలు పోషించగా.. ఫరూక్ కబీర్ దర్శకత్వం వహించారు.

బద్మాషులు:

మహేష్ చింతల, విద్యాసాగర్ కారంపూడి, మురళీధర్ గౌడ్ ప్రధాన పాత్రల్లో 'బద్మాషులు' అనే సినిమా తెరకెక్కించారు. ఇటీవలే ప్రేక్షకుల ముందుకు వచ్చిన ఈ సినిమా కామెడీ ప్రియులను విపరీతంగా ఆకట్టుకుంది. ఇప్పుడు ఈటీవీ విన్ యాప్ వేదికగా ఓటీటీలో ఆగస్టు 8 నుంచి స్ట్రీమింగ్ కానుంది ఇక ఈ చిత్రానికి శంకర్ చేగూరి దర్శకత్వం వహించారు.

ఈ చిత్రాలతో పాటు..

నెట్ ఫ్లిక్స్:

స్టోలెన్ : హీస్ట్ ఆఫ్ ది సెంచరీ (వెబ్ సిరీస్) - ఆగస్టు 8

వెన్స్ డే సీజన్ 2 (పార్ట్ వన్) - స్ట్రీమింగ్ అవుతోంది.

అమెజాన్ ప్రైమ్ :

అరేబియా కడలి (వెబ్ సిరీస్) - ఆగస్టు 8

ది పికప్ ఫీచర్ (ఇంగ్లీష్ ) - స్ట్రీమింగ్ అవుతోంది

జియో హాట్ స్టార్:

లవ్ హార్ట్స్ (హాలీవుడ్) - ఆగస్టు 7

మిక్కీ (హాలీవుడ్ ) - ఆగస్టు 7

జీ ఫైవ్ :

మోతెవరి లవ్ స్టోరీ (తెలుగు సిరీస్) - ఆగస్టు 8

మామన్ (తమిళ్ మూవీ ) - ఆగస్టు 8.