బ్లాక్ డ్రెస్​లో 'రాజాసాబ్' బ్యూటీ.. గ్లామర్ హీట్ మామూలుగా లేదుగా..

'ఇస్మార్ట్ శంకర్' సినిమాతో మాస్ ఆడియెన్స్​ను తన గ్లామర్​తో కట్టిపడేసిన బ్యూటీ నిధి అగర్వాల్. వెండితెరపై తనకంటూ ఓ ప్రత్యేకమైన ఫాలోయింగ్ సంపాదించుకున్న ఈ ముద్దుగుమ్మ, సోషల్ మీడియాలోనూ అంతే యాక్టివ్​గా ఉంటారు. తాజాగా ఆమె ఇన్​స్టాగ్రామ్​లో షేర్ చేసిన ఫొటోలు ఇప్పుడు నెట్టింట హీట్ పుట్టిస్తున్నాయి. ప్రముఖ డిజైనర్ తరుణ్ తహల్వాని డిజైన్ చేసిన బ్లాక్ అవుట్​ఫిట్​లో నిధి అగర్వాల్ స్టన్నింగ్​గా కనిపిస్తున్నారు.

ఈ లేటెస్ట్ ఫొటోషూట్​లో నిధి నలుపు రంగు డ్రెస్ లో నెవ్వర్ బిఫోర్ అనేలా దర్శనమిచ్చారు. ముఖ్యంగా ఆ డ్రెస్​కు ఉన్న కోర్సెట్ స్టైల్ బ్లౌజ్, దానిపై ఉన్న మెరిసే వర్క్ ఆమె గ్లామర్​ను రెట్టింపు చేసింది. మోడ్రన్ గౌన్​లా ఉన్న ఈ డ్రెస్ డిజైన్ ఆమె పర్ఫెక్ట్ గ్లామర్ ​ను ఎలివేట్ చేస్తోంది. స్టైలింగ్ విషయంలోనూ నిధి చాలా జాగ్రత్తలు తీసుకున్నారు. హెవీ జ్యువెలరీ జోలికి వెళ్లకుండా, కేవలం నలుపు రంగు హ్యాంగింగ్ ఇయర్ రింగ్స్ ధరించి చాలా క్లాసీగా రెడీ అయ్యారు.

జుట్టును లూజ్​గా వదిలేసి, మినిమల్ మేకప్​తో తన న్యాచురల్ అందాన్ని హైలైట్ చేశారు. కెమెరా వైపు ఆమె చూస్తున్న తీరు, ఆ కాన్ఫిడెన్స్ చూస్తుంటే 'పర్ఫెక్ట్' లుక్ అంటే ఇదేనేమో అనిపిస్తుంది. ఇక కెరీర్ విషయానికి వస్తే, గత ఏడాది నిధి అగర్వాల్ 'హరిహర వీరమల్లు' సినిమాలో కనిపించారు. పవన్ కళ్యాణ్ సరసన నటించినా, భారీ అంచనాల మధ్య వచ్చిన ఆ సినిమా బాక్సాఫీస్ వద్ద ఆశించిన స్థాయిలో ఆడలేదు.

ఆ సినిమా ఫలితం కాస్త నిరాశపరిచినా, నిధి మాత్రం తన తదుపరి ప్రాజెక్టులపైనే పూర్తి ఫోకస్ పెట్టారు. నెక్స్ట్ ఆమె ప్రభాస్ సరసన మారుతి దర్శకత్వంలో తెరకెక్కుతున్న 'ది రాజాసాబ్' సినిమాలో కనిపించనున్నారు. ఈ సినిమాపైనే నిధి భారీ ఆశలు పెట్టుకున్నారు. పాన్ ఇండియా స్టార్ ప్రభాస్ సినిమా కావడంతో, ఇది కచ్చితంగా తన కెరీర్​కు ప్లస్ అవుతుందని భావిస్తున్నారు. హిట్లు, ఫ్లాపులతో సంబంధం లేకుండా సోషల్ మీడియాలో మాత్రం నిధి క్రేజ్ రోజురోజుకూ పెరుగుతూనే ఉంది. రాబోయే రోజుల్లో 'రాజాసాబ్'తో ఆమె ఎలాంటి మ్యాజిక్ చేస్తారో చూడాలి.