బ్లడీ రోమియో.. ఢిల్లీతో లింక్ ఏంటి?
ప్రస్తుతం మూవీ ప్రీ-ప్రొడక్షన్ పనులు జరుగుతున్నట్లు తెలుస్తోంది. అక్టోబర్ రెండో వారం నుంచి రెగ్యులర్ షూటింగ్ మొదలైతే ఢిల్లీ షెడ్యూల్ తోనే చిత్రీకరణ మొదలవుతున్నట్లే.
By: M Prashanth | 30 Sept 2026 12:00 AM IST
నేచురల్ స్టార్ నాని నెక్స్ట్ మూవీ బ్లడీ రోమియో అప్పుడే సోషల్ మీడియాలో హాట్ టాపిక్ గా మారుతోంది. ది ప్యారడైజ్ తర్వాత నాని నటిస్తున్న ఆ సినిమాకు యంగ్ డైరెక్టర్ సుజీత్ దర్శకత్వం వహిస్తున్నారు. సినిమా స్టోరీ, రోల్స్ కు సంబంధించిన వివరాలు బయటకు రాకపోయినా.. షూటింగ్ కోసం మాత్రం ఇప్పుడు జోరుగా చర్చ జరుగుతోంది. ఆ సినిమా తొలి షెడ్యూల్ ను ఢిల్లీలో తెరకెక్కించేందుకు మూవీ టీమ్ ప్లాన్ చేస్తున్నట్లు తెలుస్తోంది.
నిజానికి బ్లడీ రోమియో మూవీ రెగ్యులర్ షూటింగ్ అక్టోబర్ రెండో వారం నుంచి ప్రారంభం కానున్నట్లు సమాచారం. అందుకే ఇప్పుడు మొదటి షెడ్యూల్ ను ఢిల్లీలో నిర్వహించేందుకు ఏర్పాట్లు చేస్తున్నట్లు తెలుస్తోంది. దీంతో ఆ సినిమాలో ఢిల్లీ బ్యాక్ డ్రాప్ లో ఇంపార్టెంట్ పార్ట్ ఉండొచ్చనే హైప్ మొదలైంది. సాధారణంగా సినిమా షూటింగ్ కోసం లొకేషన్ సెలెక్ట్ చేసేటప్పుడు కథకు తగ్గట్టుగా ప్రాంతాలను ఎంచుకుంటారు.
బ్లడీ రోమియో సినిమా విషయంలో కూడా ఢిల్లీకి స్టోరీతో స్పెషల్ లింక్ ఉండే అవకాశం కనిపిస్తోంది. అయితే ఆ విషయంపై మూవీ టీమ్ ఇప్పటివరకు ఎలాంటి అఫీషియల్ అప్డేట్స్ ఇవ్వలేదు. దర్శకుడు సుజీత్ తన సినిమాలను స్పెషల్ స్టోరీ లైన్, యాక్షన్ ఎలిమెంట్స్ తో తెరకెక్కిస్తుంటారు. నాని కోసం ఆయన ఎలాంటి స్టోరీని రెడీ చేశారన్నది ఇంట్రెస్టింగ్ గా మారింది. బ్లడీ రోమియో అనే టైటిల్ కూడా సినిమాపై అంచనాలను పెంచుతోంది.
ప్రస్తుతం మూవీ ప్రీ-ప్రొడక్షన్ పనులు జరుగుతున్నట్లు తెలుస్తోంది. అక్టోబర్ రెండో వారం నుంచి రెగ్యులర్ షూటింగ్ మొదలైతే ఢిల్లీ షెడ్యూల్ తోనే చిత్రీకరణ మొదలవుతున్నట్లే. అయితే ఇప్పుడు ఢిల్లీలో ఏ సీన్స్ ను తెరకెక్కించబోతున్నారు, స్టోరీలో ఆ సిటీకి ఎలాంటి ఇంపార్టెన్స్ ఉంటుందనేది మూవీ టీమ్ నుంచి అఫీషియల్ ఇన్ఫర్మేషన్ వచ్చిన తర్వాత క్లారిటీ వచ్చే ఛాన్స్ ఉంది.
ఇక హై వోల్టేజ్ యాక్షన్ కామెడీ గ్యాంగ్ స్టర్ డ్రామాగా బ్లడీ రోమియో మూవీ తెరకెక్కుతుండగా, సినిమాలో నాని చెఫ్ గా, అలాగే గ్యాంగ్ స్టర్ టచ్ ఉన్న వినూత్నమైన పాత్రలో సరికొత్త మేకోవర్ తో కనిపించనున్నారు. మాలీవుడ్ వర్సటైల్ స్టార్ పృథ్వీరాజ్ సినిమాలో ఒక మోస్ట్ పవర్ ఫుల్ అండ్ కీలక పాత్ర పోషిస్తున్నారు. ఆ క్రేజీ ప్రాజెక్టులో నాని సరసన యంగ్ బ్యూటీ మీనాక్షీ చౌధరీ యాక్ట్ చేస్తున్నట్లు టాక్ వినిపిస్తోంది.
అయితే బ్లడీ రోమియో మూవీని నిహారిక ఎంటర్టైన్మెంట్స్, యునానిమస్ ప్రొడక్షన్స్ సంయుక్తంగా నిర్మిస్తున్నాయి. సినిమాను 2027 సమ్మర్ స్పెషల్ గా వరల్డ్ వైడ్ గా రిలీజ్ చేయడానికి ప్లాన్ చేస్తున్నట్లు సమాచారం. ఇక ప్యారడైజ్ మూవీ తర్వాత నాని ఎలాంటి సినిమాతో ప్రేక్షకుల ముందుకు రాబోతున్నారనే ఆసక్తి ఇప్పటికే ఉంది. ఇప్పుడు ఢిల్లీ షెడ్యూల్ కూడా హాట్ టాపిక్ గా మారడంతో ‘బ్లడీ రోమియో’ స్టోరీ వరల్డ్ పై అంచనాలు మరింత పెరుగుతున్నాయి.