నాగిన్ సరికొత్త ప్రయాణం: టెలివిజన్ నుంచి వెండితెరకు అడుగులు!

భారతీయ టెలివిజన్ రంగంలో ద‌శాబ్దం పాటు తిరుగులేని ఆధిపత్యాన్ని చెలాయించిన అత్యంత ప్రజాదరణ పొందిన సూపర్ నేచురల్ ఫ్రాంచైజీ `నాగిన్` ఇప్పుడు సరికొత్త రూపం సంతరించుకోనుంది. నిర్మాత ఏక్తా కపూర్ ఈ అద్భుతమైన ఫాంటసీ ప్రపంచాన్ని బుల్లితెరకే పరిమితం చేయకుండా ఏకంగా వెండితెరకు తీసుకెళ్లెందుకు సన్నాహాలు చేస్తున్నారు. 2015లో ప్రారంభమైన ధారావాహిక దేశవ్యాప్తంగా కోట్లాది మంది ప్రేక్షకులను ఎంత‌గా ఆకట్టుకుందో చెప్పాల్సిన ప‌నిలేదు. వివిధ సీజన్లలో మౌనీ రాయ్, అదా ఖాన్, తేజస్వి ప్రకాశ్ వంటి ఎంతోమంది ప్రముఖ నటీమణులు నటించి బ్రాండ్‌కు తిరుగులేని క్రేజ్ తెచ్చారు. ఇదే క్రేజ్‌ను బిగ్ స్క్రీన్‌పై భారీ విజువల్స్ తో ఆవిష్కరించాలని మేకర్స్ ప్లాన్ చేస్తున్నారు.

టెలివిజన్ ప్రేక్షకులకు అసాధారణమైన అనుభూతిని పంచిన క‌థ‌ని సినిమాలుగా మలచడం ద్వారా మరింత పెద్ద ఎత్తున ప్రేక్షకులకు చేరువ చేయోచ్చ‌ని బాలీవుడ్ వర్గాలు భావిస్తున్నాయి. టీవీ షోలలో బడ్జెట్ .. సమయ పరిమితులు ఉన్నా? ఫీచర్ ఫిల్మ్ ఫార్మాట్‌లోకి వెళ్లడం ద్వారా అత్యాధునిక గ్రాఫిక్స్ అద్భుతమైన నిర్మాణ విలువలను జోడించే అవకాశం లభిస్తుంది. పౌరాణిక, ఫాంటసీ అంశాలతో కూడిన కథాంశం పెద్ద తెరపై సరికొత్త అనుభూతిని పంచుతుందనడంలో ఎలాంటి సందేహం లేదు. టెలివిజన్ లో సంచలనాలు సృష్టించిన బ్రాండ్ ఇప్పుడు సినిమా మార్కెట్ లో కూడా సత్తా చాటడానికి సిద్ధమవుతోంది.

భారీ ప్రాజెక్టుకు సంబంధించి కాస్టింగ్ .. ఇతర నిర్మాణ విషయాలపై చర్చలు ప్రాథమిక దశలో ఉన్నట్లు తెలుస్తోంది. ఏక్తా కపూర్ ప్రాజెక్ట్‌ల విషయంలో చాలా ఖచ్చితంగా ఉంటారు. ముఖ్యంగా `నాగిన్` పాత్రల ఎంపిక, కాస్ట్యూమ్స్, స్టైలింగ్ పై ప్రత్యేక శ్రద్ధ పెడతారు. టీవీ సీజన్ల మాదిరిగానే సిల్వర్ స్క్రీన్ ప్రాజెక్ట్ కోసం కూడా అగ్రతారలను ఎంపిక చేసే అవకాశం ఉంది. ఈ చిత్రంలో షేప్-షిఫ్టింగ్ సర్పం (ఇచ్ఛాధారి నాగిన్) పాత్రలో ఎవరు కనిపించబోతున్నారనే దానిపై ఇప్పటికే సినీ వర్గాలలో చర్చ జరుగుతోంది.

ప్రస్తుతం పౌరాణిక -సూపర్‌నేచురల్ జోనర్‌కు ప్రేక్షకుల నుంచి అపూర్వమైన స్పందన లభిస్తోంది. ఇదే సరైన సమయంగా భావించిన మేకర్స్ `నాగిన్` ఫ్రాంచైజీని మరింత ఉన్నత స్థాయికి తీసుకెళ్లాలని నిర్ణయించుకున్నారు. టెలివిజన్ షో ద్వారా ఏర్పడిన బలమైన అభిమానుల బలం సినిమా బాక్సాఫీస్ వద్ద కూడా భారీ ఓపెనింగ్స్ సాధించడానికి దోహదపడుతుందని అంచనా వేస్తున్నారు. టీవీ సీరియల్ బ్రాండ్‌ను పాన్-ఇండియా రేంజ్ సినిమాగా మార్చడం టెలివిజన్ .. సినిమా రంగాలు కలిసి పని చేయడానికి సరికొత్త ఉదాహరణగా నిలుస్తుంది.

ఈ పరిణామం ద్వారా టెలివిజన్ కంటెంట్‌ను బిగ్ స్క్రీన్‌పైకి తీసుకొచ్చే ట్రెండ్ మరింత బలపడే అవకాశం ఉంది. చిన్న తెరపై దశాబ్ద కాలంగా ప్రేక్షకులను అలరిస్తున్న కథలను మరింత భారీ హంగులతో వెండితెరకు మలచడం ద్వారా కొత్త తరహా ప్రేక్షకులను ఆకట్టుకోవచ్చు. ఏక్తా కపూర్ దార్శనికతతో ఈ ఫ్రాంచైజీని సరికొత్త మార్గంలో నడిపించడానికి చేస్తున్న ప్రయత్నం టాలీవుడ్, బాలీవుడ్ వర్గాల్లో ఆసక్తిని రేకెత్తిస్తోంది. ప్రేక్షకులకు సరికొత్త విజువల్ ట్రీట్ ఇచ్చేలా ప్రాజెక్ట్ రూపుదిద్దుకోనుందని ఇండస్ట్రీ వర్గాలు భావిస్తున్నాయి.