చిరు మూవీ.. బాబీ ప్లాన్ ఇలా ఉంటే తిరుగులేదేమో..

మెగాస్టార్ చిరంజీవి హీరోగా దర్శకుడు బాబీ కొల్లి తెరకెక్కిస్తున్న మెగా 158పై టాలీవుడ్‌ లో ఆసక్తికర చర్చ మొదలైంది. వాల్తేరు వీరయ్య వంటి కమర్షియల్ హిట్ తర్వాత ఆ ఇద్దరి కాంబినేషన్ మళ్లీ రిపీట్ కావడంతో అభిమానుల్లో అంచనాలు ఓ రేంజ్ లో ఉన్నాయి. తాజాగా పూజా కార్యక్రమాలతో ప్రారంభమైన ఆ సినిమా రెగ్యులర్ షూటింగ్ కూడా మొదలవ్వడంతో.. బాబీ ఈసారి ఎలాంటి ప్లాన్‌ తో వస్తున్నారన్నది హాట్ టాపిక్‌ గా మారింది.

హైదరాబాద్‌ లో షూటింగ్ ప్రారంభమైన ఆ చిత్రాన్ని భారీ స్థాయిలో రూపొందిస్తున్నారు. ప్రస్తుతం వస్తున్న సమాచారం ప్రకారం.. ఇది సాధారణ కమర్షియల్ సినిమా కాకుండా, ఎమోషన్‌ కు పెద్దపీట వేసిన మాస్ యాక్షన్ డ్రామాగా ఉండబోతోందని తెలుస్తోంది. ముఖ్యంగా తండ్రీ కూతుళ్ల సెంటిమెంట్ కథలో కీలకంగా నిలవనుందట. మెగాస్టార్‌ ను ఇప్పటి వరకు అభిమానులు ఎన్నో మాస్ పాత్రల్లో చూశారు. కానీ పూర్తి స్థాయి తండ్రి పాత్రలో, భావోద్వేగాలతో కూడిన గ్యాంగ్‌ స్టర్ షేడ్స్‌ లో చూడటం కొత్త అనుభూతిని ఇవ్వొచ్చనే అభిప్రాయం వినిపిస్తోంది.

దర్శకుడు బాబీకి మాస్ ఆడియన్స్ పల్స్‌ పై మంచి పట్టు ఉందనే పేరు ఇప్పటికే ఉంది. వాల్తేరు వీరయ్య మూవీలో చిరంజీవిని అభిమానులు ఎలా చూడాలనుకుంటారో అలా ప్రెజెంట్ చేసి సక్సెస్ అందుకున్నారు. ఆ తర్వాత వచ్చిన డాకు మహారాజ్ లో కూడా తన స్టైల్ కమర్షియల్ ట్రీట్మెంట్‌ తో ఆకట్టుకున్నారు. ఇప్పుడు మెగా 158 కోసం మాత్రం మరింత కొత్త బ్యాక్‌ డ్రాప్, కొత్త ఎమోషన్‌ ను ఎంచుకున్నట్లు తెలుస్తోంది.

ఆ సినిమా బెంగాల్ బ్యాక్ డ్రాప్ తో సాగుతుందన్న ప్రచారం ఆసక్తిని పెంచుతోంది. గ్యాంగ్‌ స్టర్ యాక్షన్‌ కు ఫ్యామిలీ ఎమోషన్స్ ను యాడ్ చేస్తే ప్రేక్షకులకు కనెక్ట్ అయ్యే ఛాన్స్ ఉంది. ముఖ్యంగా చిరంజీవి ఇమేజ్‌ కు సరిపోయే విధంగా మాస్ ఎలిమెంట్స్, ఎమోషనల్ సీన్స్ మధ్య బ్యాలెన్స్ కుదిరితే సినిమా మరో స్థాయికి వెళ్లొచ్చని అంతా భావిస్తున్నారు.

ఇక టెక్నికల్ టీమ్ కూడా ప్రాజెక్టుకు స్ట్రాంగ్ గా కనిపిస్తోంది. సినిమాటోగ్రఫీ, మ్యూజిక్, ప్రొడక్షన్ డిజైన్ వంటి విభాగాల్లో అనుభవజ్ఞులు పని చేస్తున్నారు. హైరేంజ్ విజువల్స్‌తో పాటు ఎమోషన్స్ కూడా స్ట్రాంగ్ గా చూపించాలన్న దిశగా ప్లానింగ్ జరుగుతోందని సమాచారం. మాస్ సినిమాల్లో థియేటర్ ఎలివేషన్స్ ఎంత ముఖ్యమో, ఇప్పుడు కథలో భావోద్వేగాలు కూడా అంతే ముఖ్యమని బాబీ అర్థం చేసుకున్నట్లు కనిపిస్తోంది.

ఇటీవల చిరంజీవి సినిమాల విషయంలో అభిమానులు కాస్త కొత్తదనం కోరుకుంటున్నారు. కేవలం ఫ్యాన్స్ కోసమే కాకుండా, అన్ని వర్గాల ప్రేక్షకులను ఆకట్టుకునే కథ రావాలని ఆశిస్తున్నారు. ఇలాంటి సమయంలో మెగా 158 స్టోరీ లైన్, పాత్రల డిజైన్, ఎమోషనల్ టచ్ సినిమాపై మరింత ఆసక్తి పెంచుతున్నాయి. మొత్తానికి చూస్తే.. బాబీ ఈసారి కేవలం మాస్ ఎంటర్టైనర్‌ కే పరిమితం కాకుండా, ఎమోషన్స్ తో కూడిన పవర్‌ ఫుల్ స్టోరీ చెబుతున్నట్లు తెలుస్తోంది. కథ, ఎమోషన్స్, టెక్నికల్ ప్రెజెంటేషన్ అన్నీ సరైన స్థాయిలో కలిస్తే.. మూవీ టీమ్ కు తిరుగులేనట్లే.