తంబీలైతే గుడి క‌ట్టేయ‌డం ఖాయం!

బొద్దుగా క‌నిపిస్తే చాలు తంబీలు గుడి క‌ట్టేస్తారు. ఖుష్బూ, న‌మిత లాంటి భామ‌ల‌కు గుడులు క‌ట్టిన చ‌రిత్ర అర‌వ తంబీల‌ది. అందుకే ఇప్పుడు మ‌న్నారాను ఇలా చూడ‌గానే త‌మిళ తంబీలు క‌చ్చితంగా గుడి క‌ట్టేస్తారు! అంటూ గుస‌గుస మొద‌లైపోయింది.

ఇంత‌కీ ఈ లుక్ ఎక్క‌డిది? ఎవ‌రి కోసం? అంటే... మ‌న్నారా కొంత‌కాలంగా హైద‌రాబాద్ కి దూరంగా ముంబైలోనే ఉంటోంది. ఇటీవ‌ల కొన్నిసార్లు ప‌బ్లిక్ ఔటింగుల్లో క‌నిపించింది. ఇప్పుడు క్రిస్మస్ వేడుకలలో భాగంగా మ‌న్నారా ఇలా బోల్డ్ గా ముస్తాబై వ‌చ్చింది. ఆ స‌మ‌యంలో కెమెరాలు ఈ భామ‌ను చుట్టు ముట్టాయి. అలా కార్ నుంచి దిగుతూనే కెమెరాల ముందు హొయ‌లు పోయింది మ‌న్నారా.

ఇక మ‌న్నారా రాక కోసం ఎంత‌గానో వేచి చూసిన ఫోటోగ్రాఫ‌ర్ల‌ను ఏమాత్రం నిరాశ‌ప‌ర‌చ‌కుండా అవ‌స‌ర‌మైన ఫోజులు ఇచ్చింది ఈ బ్యూటీ. ప్ర‌స్తుతం ఈ ఫోటోగ్రాఫ్స్ ఇంట‌ర్నెట్ లో వైర‌ల్ గా మారుతున్నాయి. అయితే త‌న కోసం ఇంత‌మంది కెమెరామెన్ లు వేచి చూస్తున్నార‌ని `ఊహించ‌లేదు` అని చెప్పింది మ‌న్నారా!

ఈ క్రిస్మస్ మన్నారా ఐకానిక్ క్రిస్మస్ అని పేర్కొంది. ఎరుపు మినీ డ్రెస్ ధరించి అందమైన క్రిస్మస్ చెట్టు నేపథ్యంతో పాటను పాడుతూ కనిపించిన వీడియోను కూడా మ‌న్నారా షేర్ చేసింది ``గత క్రిస్మస్ సందర్భంగా నేను మీకు నా హృదయాన్ని ఇచ్చాను... కానీ ఈ క్రిస్మస్ సందర్భంగా, నేను మీకు మరింత వ్యక్తిగతమైనదాన్ని ఇస్తున్నాను - నా స్వరం. నా హృదయం నుండి మీ వరకు నా వైబ్``అని క్యాప్షన్‌లో రాసింది. ఇక మ‌న్నారా బొద్దందం చూశాక యూత్ చ‌లించిపోతున్నారు. తంబీలైతే గుడి క‌ట్టేయ‌డం ఖాయం! అంటూ వ్యాఖ్యానిస్తున్నారు.

ఈ సంవత్సరం ప్రారంభంలో మన్నారా.. అజీబ్ దస్తాన్ ఆత్మీయ ప్రదర్శనతో గాయ‌కురాలిగా అరంగేట్రం చేసింది. సంగీతం ఎల్లప్పుడూ నా హృదయానికి దగ్గరగా ఉంటుంది. ఈ పాట ప్రత్యేకమైనది.. ఎందుకంటే ఇది క్లాసిక్‌లపై నాకున్న ప్రేమను నా కళాత్మక స్పర్శతో మిళ‌తం అవుతుంద‌ని చెప్పింది.

మ‌న్నారా ఇటీవ‌ల‌ బిగ్ బాస్ 17లో కనిపించింది. ఈ సీజన్ స్టాండ్-అప్ కమెడియన్ మునావర్ ఫరూఖీ ట్రోఫీని గెలుచుకున్నాడు. అభిషేక్ కుమార్ మొదటి రన్నరప్ స్థానాన్ని దక్కించుకున్నాడు. మన్నారా చోప్రా ఈ సీజన్‌ను రెండవ రన్నరప్‌గా మిగిలిపోయింది. కానీ త‌న‌కంటూ భారీగా అభిమానుల‌ను సంపాదించుకుంది. మన్నారా చివరిగా సెలబ్రిటీ కామెడీ వంట షో `లాఫ్టర్ చెఫ్స్ సీజన్ 2`లో కనిపించింది. సుదేశ్ లెహ్రీతో కలిసి షోలో పాల్గొంది.