ఘనంగా మహేష్ బాబు మేనల్లుడి ప్రీ వెడ్డింగ్.. స్పెషల్ పోస్ట్ పంచుకున్న నమృత!

సూపర్ స్టార్ మహేష్ బాబు మేనల్లుడు సిద్దార్థ్ గల్లా ఒక ఇంటి వారు కాబోతున్నారు. కొరియన్ అమ్మాయితో ఆయన ఏడడుగులు వేయనున్నారు. ఈ ఏడాది జూలై 13 వ తేదీన అంగరంగ వైభవంగా వీరి నిశ్చితార్థం జరిగింది. ఇందుకు సంబంధించిన ఫోటోలను మహేష్ బాబు భార్య ప్రముఖ హీరోయిన్ నమ్రత శిరోద్కర్ షేర్ చేస్తూ స్పెషల్ పోస్ట్ పెట్టింది. కాబోయే నూతన వధూవరులకు శుభాకాంక్షలు కూడా తెలిపింది. అయితే ఇప్పుడు ఇటలీలో వీరి వివాహం ఘనంగా జరగనున్నట్లు నమ్రత మరో పోస్టును అభిమానులతో పంచుకుంది.

సిద్దార్థ్ గల్లా సౌత్ కొరియాకు చెందిన తన ప్రేయసి హైయిన్ కిమ్ ను వివాహం చేసుకోబోతున్న విషయం తెలిసిందే. ఈ మేరకు ప్రీ వెడ్డింగ్ ఫోటోషూట్ జరపగా.. ఆ ఫోటోలను నమ్రత అభిమానులతో పంచుకున్నారు.. ఇకపోతే ఈ ప్రీ వెడ్డింగ్ కి సంబంధించిన ఫోటోలు.. సోషల్ మీడియాలో వైరల్ గా మారుతున్నాయి. ఘట్టమనేని ఫ్యామిలీ సభ్యులు ఈ ప్రీ వేడుకల్లో సందడి చేశారు..

మహేష్ బాబు సోదరి పద్మావతి, బావ గల్లా జయదేవ్ కి ఇద్దరు కొడుకులు. వీరిలో పెద్దవాడు అశోక్ గల్లా కాగా ఇప్పటికే హీరోగా తెలుగులో సినిమాలు చేస్తున్నాడు. ఇక ప్రస్తుతం ఈయన నటించిన వీసా (వింటారా సరదాగా) అనే చిత్రంలో నటించారు. ఇక చిన్న కొడుకు సిద్ధార్థ్.. ప్రస్తుతం కుటుంబానికి సంబంధించిన బిజినెస్ వ్యాపారాలు చూసుకుంటున్నారు. అలాంటి ఈయన ఇప్పుడు కొరియన్ అమ్మాయిని వివాహం చేసుకోబోతున్నారు.. ఇకపోతే సిద్ధార్థ్ -హైయిన్ ఎప్పుడు ఎక్కడ ఎలా కలుసుకున్నారు? వీళ్ళ మధ్య ప్రేమ ఎలా మొదలైంది ? అనే విషయాలు మాత్రం ఇంకా గోప్యంగానే ఉన్నాయి. ఏది ఏమైనా మహేష్ బాబు మేనల్లుడు దేశాంతర వివాహం చేసుకోబోతుండడం ఇప్పుడు ఇండస్ట్రీలో హాట్ టాపిక్ గా మారింది.

మహేష్ బాబు విషయానికి వస్తే.. ప్రస్తుతం మహేష్ బాబు రాజమౌళి దర్శకత్వంలో వారణాసి సినిమా చేస్తున్నారు. గ్లోబల్ అడ్వెంచర్ మూవీ గా ప్రేక్షకుల ముందుకు వచ్చే ఏడాది ఈ సినిమా విడుదల కానుంది. ఏప్రిల్ ఏడవ తేదీన రిలీజ్ కాబోతున్న ఈ చిత్రంపై అంచనాలు భారీగా నెలకొన్న విషయం తెలిసిందే . ఇందులో గ్లోబల్ స్టార్ ప్రియాంక చోప్రా హీరోయిన్గా నటిస్తుండగా.. ప్రముఖ మలయాళ సినీ నటుడు పృథ్విరాజ్ సుకుమారన్ విలన్ పాత్ర పోషిస్తున్నారు. ఇక ఈ నవంబర్లో ఈ సినిమా నుండి బిగ్ అప్ డేట్ ఇస్తామని ప్రకటించారు కానీ అది ఎప్పుడు అన్న విషయం ఇంకా స్పష్టత లేదు.