బ్లాక్ ఫారెస్ట్ లో మ‌హేష్ ఫ‌స్ట్ ఫేజ్ ట్రైనింగ్ పూర్తి!

సూప‌ర్ స్టార్ మ‌హేష్ క‌థానాయ‌కుడిగా రాజ‌మౌళి ద‌ర్శ‌క‌త్వంలో తెరకెక్కుతోన్న గ్లోబ‌ల్ మూవీ `వార‌ణాసి`పై ఎలాంటి అంచ‌నాలున్నాయో చెప్పాల్సిన ప‌నిలేదు. ఇప్ప‌టికే కొంత భాగం షూటింగ్ పూర్త‌యింది. ఎండ‌లు కావ‌డంతో తాత్కాలికంగా షూటింగ్ కి బ్రేక్ ఇచ్చారు. ఈ గ్యాప్ లో ట్రైనింగ్ పూర్తిచేయ‌డానికి మ‌హేష్ జ‌ర్మ‌నీ వెళ్లిన సంగ‌తి తెలిసిందే. ప్రస్తుతం జర్మనీలోని అత్యంత దట్టమైన అడవుల ప్రాంతమైన బ్లాక్ ఫారెస్ట్ లో కఠినమైన శిక్షణ తీసుకుంటున్నారు. హాలీవుడ్ అడ్వెంచర్ సినిమాల తరహాలో ఉండే లార్జర్-ద్యాన్-లైఫ్ సన్నివేశాల కోసం రాజమౌళి ఈ విదేశీ లొకేషన్‌ను ఎంచుకున్నారు.

అక్కడి వాతావరణం, కఠినమైన కొండ ప్రాంతాలు , అడవులు.. అడ్వెంచరర్ పాత్రకు కావలసిన శారీరక దృఢత్వాన్ని, ఓర్పును పెంపొందించడానికి పర్‌ఫెక్ట్ వేదికగా మారాయి. అంతర్జాతీయ స్థాయి నిపుణుల సమక్షంలో ఈ ప్రత్యేక ప్రిపరేషన్ సాగుతోంది. జర్మనీ ట్రైనింగ్ లో అత్యంత కీలకమైన మొదటి విడత శిక్షణను విజయవంతంగా పూర్తి చేసిన‌ట్లు స‌మాచారం. ఈ ప్రాథమిక దశలో దట్టమైన అడవుల మధ్య కిలోమీటర్ల కొద్దీ లాంగ్-డిస్టెన్స్ ట్రెకింగ్ చేయడం, ఎత్తైన కొండలపై హై-آల్టిట్యూడ్ కార్డియో వాస్కులర్ ఎండ్యూరెన్స్ (ఓర్పు) సాధించడంపై దృష్టి పెట్టారు. అడవుల్లో వేగంగా కదులుతూ శత్రువుల నుండి తప్పించుకునేలా సాగే యాక్షన్ సీక్వెన్స్ కోసం ఆయన తన బాడీ అజిలిటీని (చైతన్యాన్ని) నెక్స్ట్ లెవెల్‌కు తీసుకువెళ్లారు.

ఈ శిక్షణతో మహేష్ లుక్ మరింత రగ్గడ్‌గా, పవర్‌ఫుల్‌గా మారినట్లు తెలిసింది. అయితే ఈ గ్లోబల్ ప్రిపరేషన్ ఇక్కడితో ముగిసిపోలేదు. మహేష్ ఇంకా చివరి విడత శిక్షణను పూర్తి చేయాల్సి ఉంది. రాబోయే కొన్ని వారాలలో జ‌రగబోయే తుది శిక్ష‌ణ లో విదేశీ స్టంట్ మాస్టర్స్ పర్యవేక్షణలో అడ్వెంచర్ సీన్లకు కావలసిన ప్రత్యేక స్టంట్ కోఆర్డినేషన్ నేర్చుకోనున్నారు. అంతేకాదు క్లిష్టమైన వైర్-వర్క్ బ్యాలెన్సింగ్ , స్క్రిప్ట్ డిమాండ్ మేరకు కొన్ని ప్రత్యేకమైన ఎక్విప్‌మెంట్లు , టూల్స్ హ్యాండ్లింగ్ చేయడంలో మెళకువల్లోనూ ప‌ట్టు సాధించాల్సి ఉంది.

చివరి విడత ముగిశాక క్యారెక్టర్‌కు సంబంధించిన పూర్తి శారీరక సన్నద్ధత పూర్తవుతుంది. సాధారణంగా రాజమౌళి సినిమాలంటే షూటింగ్ ప్రారంభానికి ముందే నటీనటులకు కనీసం 3 నుండి 4 నెలల పాటు సుదీర్ఘమైన ప్రీ-ప్రొడక్షన్ శిక్షణ ఉంటుంది. `బాహుబలి`, `ఆర్ఆర్ఆర్` సినిమాలకు కూడా ఇదే ఫార్ములాను వాడారు. ఇప్పుడు మహేష్ బాబు సైతం గ్లోబల్ మొమెంటంను అందుకోవడానికి కెమెరా ముందుకు వెళ్లే ముందే సమయాన్ని పూర్తిగా కఠినమైన... ఫిజికల్ ప్రిపరేషన్‌కే కేటాయించారు. దర్శకుడి విజన్‌కు తగ్గట్లుగా వంద శాతం న్యాయం చేయాలనే పట్టుదలతో మహేష్ చేస్తున్న హోంవర్క్ ట్రేడ్ వర్గాలను సైతం విస్మయానికి గురిచేస్తోంది.

అంతర్జాతీయ శిక్షణ అంతా పూర్తయిన వెంటనే రాజమౌళి సమక్షంలో మహేష్ పై మ‌రోసారి లుక్ టెస్ట్ నిర్వహిం చనున్నారుట‌. శిక్ష‌ణ త‌ర్వాత మ‌హేష్ లుక్ లో ఏవైనా మార్పులు వ‌చ్చాయా? లేదా? అన్న‌ది క్రాస్ చెక్ చేసుకోవ‌డం కోస‌మే ఈ లుక్ టెస్ట్ అని తెలుస్తోంది. అనంత‌రం య‌ధావిధిగా జూన్ నుంచి తిరిగి షూటింగ్ మొద‌ల‌వుతుంది.