ఘట్టమనేని ఇంట్లో పెళ్లి వేడుకలు: నమ్రత శిరోద్కర్ స్పెషల్ పోస్ట్!

సూపర్‌స్టార్ మహేష్ బాబు కుటుంబంలో సరికొత్త వివాహ వేడుకలు మొదలయ్యాయి. మహేష్ బాబు మేనల్లుడు (సోదరి పద్మిని ఘట్టమనేని కుమారుడు), యువ హీరో సిద్ధార్థ్ గల్లా (హీరో గ‌ల్లా అశోక్ సోద‌రుడు) వివాహం ఇటలీలో ఘనంగా జరుగుతోంది. ఈ శుభసందర్భాన్ని పురస్కరించుకుని మహేష్ బాబు భార్య నమ్రత షిరోద్కర్ సోషల్ మీడియా వేదికగా ఒక అందమైన పోస్ట్‌ను పంచుకున్నారు.

పెళ్లి వేడుకలకు సంబంధించిన ఫొటోలను ఇన్‌స్టాగ్రామ్‌లో షేర్ చేస్తూ.. ``వేడుకలు మొదలయ్యాయి.. ఈ అందమైన కొత్త జంటకు (సిద్ధార్థ్ గల్లా, ఐగు) జీవితాంతం ప్రేమ, ఆనందం లభించాలని మనస్ఫూర్తిగా కోరుకుంటున్నాను. ఈ కొత్త అధ్యాయం మీరు కలలుగన్న దానికంటే మరింత అద్భుతంగా సాగాలి`` అంటూ నమ్రత హార్ట్‌ఫుల్ విషెస్ తెలిపారు. ఈ ఫొటోల్లో నమ్రత ధరించిన పింక్ కలర్ చీర ప్రత్యేక ఆకర్షణగా నిలవడంతో నెటిజన్లు ఈ లుక్‌పై ప్రశంసల వర్షం కురిపిస్తున్నారు.

ఇదిలా ఉంటే.. ఈ ఫొటోల్లో సూపర్‌స్టార్ మహేష్ బాబు ఎక్కడా కనిపించకపోవడంతో ఘట్టమనేని అభిమానులు కామెంట్ బాక్స్‌లో రచ్చ చేస్తున్నారు. ``మా బాస్ మహేష్ బాబు ఎక్కడ?`` అంటూ తెగ వెతుకుతున్నారు. ప్రస్తుతం రాజమౌళి (SSMB29) ప్రాజెక్ట్ కోసం మహేష్ బాబు వర్క్‌షాప్స్‌తో బిజీగా ఉన్న సంగతి తెలిసిందే. కాగా ఈ పోస్ట్ కింద కొందరు ఆకతాయిలు, ఇంటర్నెట్ బాట్లు వింత వింతగా కామెంట్లు పెడుతున్నా.. అభిమానులు మాత్రం ``ఘట్టమనేని వారి కుటుంబం ఇలాగే ఎప్పుడూ నవ్వుతూ, కళకళలాడుతూ ఉండాలి`` అంటూ ఈ కొత్త జంటకు శుభాకాంక్షలు తెలుపుతున్నారు.

సిద్ధార్థ్ గల్లా ఎవ‌రు?

ఇక సిద్ధార్థ్ గల్లా విషయానికొస్తే.. అత‌డు ప్రముఖ పారిశ్రామికవేత్త, మాజీ పార్లమెంటు సభ్యుడు గల్లా జయదేవ్ - పద్మావతి ఘట్టమనేని ల రెండవ కుమారుడు. టాలీవుడ్ సూపర్ స్టార్ మహేష్ బాబు కి ఈయన మేనల్లుడు. ఇతడు టాలీవుడ్ చిత్రసీమలో హీరోగా అడుగుపెట్టనున్నట్లు గతంలో వార్తలు వచ్చాయి. కానీ ప్రస్తుతం తన కుటుంబ వ్యాపారాలు, ఇతర రంగాలపై దృష్టి సారించి సినిమాలకు దూరంగా ఉన్నారు. ఈ కుటుంబానికి చెందిన మరొకరు (సిద్ధార్థ్ అన్నయ్య) గల్లా అశోక్ ఇప్పటికే `హీరో` అనే చిత్రంతో టాలీవుడ్ లో హీరోగా ఎంట్రీ ఇచ్చారు.

అన్నయ్య గల్లా అశోక్ ఇప్పటికే `హీరో`చిత్రంతో టాలీవుడ్‌కు పరిచయం కాగా, ఇప్పుడు సిద్ధార్థ్ కూడా హీరోగా ఎంట్రీ ఇచ్చేందుకు సర్వసిద్ధమయ్యారు. నటన, డాన్స్, ఫైట్స్‌లో ప్రత్యేక శిక్షణ తీసుకున్న ఈ యువ వారసుడి తొలి చిత్రాన్ని దర్శకేంద్రుడు కె. రాఘవేంద్రరావు పర్యవేక్షణలో ఒక కొత్త దర్శకుడు తెరకెక్కించనున్నట్లు సమాచారం. నటనపై ఆసక్తితో పాటు, సిద్ధార్థ్ గల్లా తమ సొంత నిర్మాణ సంస్థ `అమర రాజా మీడియా అండ్ ఎంటర్‌టైన్‌మెంట్`కు డైరెక్టర్‌గా కూడా బాధ్యతలు నిర్వహిస్తున్నారు.