LCUపై లోకేష్ క‌న‌గ‌రాజ్ ఫుల్ క్లారిటీ!

కోలీవుడ్ టాప్ డైరెక్ట‌ర్ల‌లో లోకేష్ క‌న‌గ‌రాజ్ ఒక‌రు. విభిన్న‌మైన క్రైమ్ యాక్ష‌న్ థ్రిల్ల‌ర్‌ల‌ని తెర‌కెక్కించ‌డంలో త‌న‌దైన మార్కుని క్రియేట్ చేసుకోవ‌డ‌మే కాకుండా ద‌ర్శ‌కుడిగా ప్ర‌త్యేక‌త‌ను చాటుకున్నాడు. లోకేష్ సినిమాటిక్ యూనివ‌ర్స్‌లో భాగంగా లోకేష్ క‌న‌గ‌రాజ్ తెర‌కెక్కించిన మూవీ `ఖైదీ`. హీరోయిన్ క్యారెక్ట‌ర్ లేకుండా ప్ర‌యోగాత్మ‌కంగా రూపొందించిన ఈ యాక్ష‌న్ డ్రామా ద‌ర్శ‌కుడిగా లోకేష్‌కు, హీరోగా కార్తికి మంచి పేరు తెచ్చి పెట్టింది. క్రైమ్ యాక్ష‌న్ థ్రిల్ల‌ర్‌గా రూపొంది బాక్సాఫీస్ వ‌ద్ద వంద కోట్ల మార్కుని సాధించి ఆక‌ట్టుకుంది.

దీని త‌రువాత ఇదే సినిమాటిక్ యూనివ‌ర్స్‌లో లోకీ చేసిన మ‌రో మూవీ `విక్ర‌మ్‌`. క‌మ‌ల్ న‌టించిన ఈ సినిమా ఆయ‌న‌కు ఊహించ‌ని విధంగా బ్లాక్ బ‌స్ట‌ర్ హిట్‌ని అందించి రికార్డు స్థాయి వ‌సూళ్ల‌ని రాబ‌ట్టింది. ఇందులో సూర్య న‌టించిన రోలెక్స్ క్యారెక్ట‌ర్ సినిమాపై భారీ ఇంపాక్ట్‌ని క్రియేట్ చేసింది. ఇందులో భాగంగా విజ‌య్‌తో చేసిన `లియో` పెద్ద‌గా ప్రేక్ష‌కుల్ని ఆక‌ట్టుకోలేక‌పోయినా బాక్సాఫీస్ వ‌ద్ద మాత్రం విజ‌య్ క్రేజ్ కార‌ణంగా రికార్డు స్థాయి వ‌సూళ్ల‌ని రాబ‌ట్టింది. దీని తరువాత లోకేష్ క‌న‌గ‌రాజ్ త‌న క్రేజ్‌ని కోల్పోవ‌డం, ర‌జ‌నీతో చేసిన `కూలీ` డిజాస్టర్ కావ‌డం తెలిసిందే.

`కూలీ` ఫ్లాప్ నేప‌థ్యంలో లోకేష్ క‌న‌గ‌రాజ్ త‌న సినిమాటిక్ యూనివ‌ర్స్‌కు ముగింపు ప‌లికేశాడ‌ని, `ఖైదీ 2`, విక్ర‌మ్ 2, రోలెన్స్ వంటి సినిమాలు రావ‌డం ఇక క‌ష్ట‌మేన‌ని ప్ర‌చారం మొద‌లైంది. వ‌రుస‌గా ఫ్లాపులు ఎదుర్కొంటున్న నేప‌థ్యంలో లోకీ త‌న సినిమాటిక్ యూనివ‌ర్స్‌కి ఎండ్ కార్డ్ వేసేశాడ‌ని, ఈ యూనివ‌ర్స్ నుంచి ఇక సీక్వెల్స్ రావ‌డం క‌ల్ల అని కామెంట్‌లు మొద‌ల‌య్యాయి. ప్ర‌స్తుతం లోకేష్ క‌న‌గ‌రాజ్ టాలీవుడ్ స్టార్ హీరో, ఐకాన్ స్టార్ అల్లు అర్జున్‌తో ఓ భారీ యాక్ష‌న్ మూవీకి శ్రీ‌కారంచుట్టిన విష‌యం తెలిసిందే.

బ‌న్నీ 23వ ప్రాజెక్ట్‌గా రూపొందుతున్న ఈ సినిమా షూటింగ్ ని ఇటీవ‌లే ప్రారంభించారు. దీంతో `ఖైదీ 2`, లోకేష్ సినిమాటిక్ యూనివ‌ర్స్ ఇక ముగిసిన‌ట్టేన‌ని, భారీ పారితోషికం డిమాండ్ చేయ‌డం వ‌ల్లే `ఖైదీ 2` నుంచి లోకేష్ త‌ప్పుకున్నాడ‌ని వార్త‌లు షికారు చేశాయి. అయితే ఆ వార్తల‌లో ఎలాంటి నిజం లేద‌ని, అవ‌న్నీ వ‌ట్టి అవాస్త‌వాల‌ని రీసెంట్‌గా లోకేష్ క‌న‌గ‌రాజ్ స్ప‌ష్టం చేశాడు. LCUపై వ‌స్తున్న వార్త‌ల‌న్నీ వ‌దంతులేన‌ని క్లారిటీ ఇచ్చాడు. అల్లు అర్జున్ సార్ సినిమా త‌రువాత నెక్స్ట్ మూవీ `ఖైది 2`.

ఖైదీ 2, విక్ర‌మ్ 2, రోలెక్స్ ఇవ‌న్నీ నా క‌మిట్‌మెంట్స్‌. వాటిని పూర్తి చేయ‌కుండా నేను ఎక్క‌డికీ వెళ్ల‌ను. LCU అతి త్వ‌ర‌లోనే తిరికి పునః ప్రారంభం అవుతుంది. `బెంజ్‌` మూవీ కూడా LCUలో భాగ‌మే` అని లోకేష్ క‌న‌గ‌రాజ్ ఫుల్ క్లారిటీ ఇచ్చేశాడు. దీంతో LCUపై వ‌స్తున్న వార్త‌ల‌కు చెక్ ప‌డింది. ఇదిలా ఉంటే LCUలో భాగంగా రాఘ‌వ‌లారెన్స్ హీరోగా రూపొందుతున్న మూవీ `బెంజ్‌`. న‌వీన్ పాలీ, సంయుక్త మీన‌న్ కీల‌క పాత్ర‌ల్లో న‌టిస్తున్నారు. బాగ్య‌రాజ్ క‌న్న‌న్ ద‌ర్శ‌కుడు. జీ స్క్వాడ్ బ్యాన‌ర్‌పై ఈ మూవీని ద‌ర్శ‌కుడు. సాయి అభ్యంక‌ర్ మ్యూజిక్ చేస్తున్న ఈ మూవీ త్వ‌ర‌లో ప్రేక్ష‌కుల ముందుకు రానుంది.