స్టార్ హీరోయిన్ల కొత్త ట్రెండ్‌లో మ‌హాన‌టి కూడా!

తెలుగు సినీ పరిశ్రమలో ఒకప్పుడు స్పెషల్ సాంగ్స్ అంటే స్పెష‌ల్ గా ఆ ఇమేజ్ ఉన్న హీరోయిన్ల‌కే పరిమితమయ్యేవి. అయితే గత కొన్నేళ్లుగా ఆ పరిస్థితి పూర్తిగా మారుతోంది. కథలో ప్రాధాన్యం ఉంటే, స్టార్ హీరోయిన్లు కూడా స్పెష‌ల్ సాంగ్స్ కు ముందుకు రావడం ఇప్పుడు కొత్త ట్రెండ్‌గా కనిపిస్తోంది. కమర్షియల్ సినిమాల్లో ఒక స్పెషల్ సాంగ్ ఆడియ‌న్స్ ను థియేటర్లకు రప్పించే మెయిన్ ఎట్రాక్ష‌న్ గా మారడంతో, అగ్ర హీరోయిన్లు కూడా అలాంటి ఛాన్సుల‌ను పూర్తిగా రిజెక్ట్ చేయ‌డం లేదు.

ఈ మార్పుకు గతంలో పలువురు స్టార్ హీరోయిన్లు నాంది పలికారు. పుష్ప సినిమాలో సమంత చేసిన ఊ అంటావా అనే స్పెషల్ సాంగ్ దేశవ్యాప్తంగా ఎంతటి ఆదరణ పొందిందో తెలిసిందే. త‌ర్వాత పుష్ప‌2 లో కిస్సిక్ సాంగ్ చేసి శ్రీలీల కూడా దేశ‌వ్యాప్తంగా మంచి క్రేజ్ ను అందుకుంది. అదే విధంగా తమన్నా కూడా కమర్షియల్ సినిమాల్లో స్పెష‌ల్ సాంగ్స్ ద్వారా తన డ్యాన్స్ సామర్థ్యాన్ని నిరూపించుకుని, కొత్త తరహా అవకాశాలను అందుకుంది. ఈ నేపథ్యంలో ఇప్పుడు కీర్తి సురేష్ కూడా అలాంటి అడుగు వేయబోతుందనే డిస్క‌ష‌న్ ఇండస్ట్రీలో ఆసక్తికరంగా మారింది.

కీర్తి సురేష్‌ను ఇప్పటివరకు యాక్టింగ్ కు ప్రాధాన్య‌మున్న క్యారెక్ట‌ర్ల‌లోనే ఆడియ‌న్స్ ఎక్కువ‌గా చూశారు. నేష‌న‌ల్ అవార్డు అందుకున్న తర్వాత కూడా ఆమె తన పాత్రల ఎంపికలో కథకే ఎక్కువ ప్రాధాన్య‌మిస్తూ వ‌చ్చారు. అయితే ఇటీవల ఆమె సెలెక్ట్ చేసుకుంటున్న‌ ప్రాజెక్టులను గమనిస్తే, కమర్షియల్ ఎంటర్‌టైనర్ల పై కూడా ఈక్వ‌ల్ గా ఫోక‌స్ పెట్టినట్లు కనిపిస్తోంది. అలాంటి సమయంలో నేచుర‌ల్ స్టార్ నాని హీరోగా శ్రీకాంత్ ఓదెల ద‌ర్శ‌క‌త్వంలో తెర‌కెక్కుతున్న ది ప్యార‌డైజ్ లో కీర్తి స్పెషల్ సాంగ్ చేస్తున్న‌ట్టు వినిపిస్తున్న వార్తలు ఆమె కెరీర్‌లో కొత్త మలుపుగా మారే అవకాశాన్ని సూచిస్తున్నాయి.

ప్రస్తుతం పాన్ ఇండియా మార్కెట్‌లో సినిమాల ప్రమోషన్ విధానాలు కూడా వేగంగా మారుతున్నాయి. ఒక మంచి సాంగ్, వైరల‌య్యే డ్యాన్స్ నంబర్ లేదా సోషల్ మీడియాలో ట్రెండ్ అయ్యే విజువల్ సాంగ్ ఆ సినిమాకు రిలీజ్ కు ముందే భారీ హైప్ ను తీసుకురాగలుగుతోంది. అందుకే దర్శక‌నిర్మాత‌లు కూడా స్పెషల్ సాంగ్స్‌ను కేవలం అడిషిన‌ల్ ఎట్రాక్ష‌న్ గా కాకుండా మార్కెటింగ్ స్ట్రాట‌జీలో భాగంగా ఉపయోగిస్తున్నారు. స్టార్ హీరోయిన్ల భాగస్వామ్యం ఈ సాంగ్స్ కు మరింత వాల్యూని తీసుకొస్తోంది.

అయితే ఇలాంటి డెసిష‌న్ ఒక్కోసారి రిస్క్ కూడా అవుతుంది. ఆడియ‌న్స్ దానిని కథకు అవసరమైన దానిగా చూస్తే స‌ద‌రు హీరోయిన్ ఇమేజ్‌కు అది ప్లస్ అవుతుంది. అదే కేవలం కమర్షియల్ హంగుల కోసమే అనిపిస్తే విమర్శలు ఎదురయ్యే అవకాశమూ ఉంటుంది. అందుకే స్పెషల్ సాంగ్ స‌క్సెస్ అనేది కేవ‌లం స్టార్ హీరోయిన్ స్టేట‌స్ పైన మాత్ర‌మే కాకుండా, ఆ సాంగ్ సినిమాలో ఎంత వ‌ర‌కు స‌రిపోయింద‌నే దానిపైనే ఆధార‌ప‌డి ఉంటుంది. అందుకే కీర్తి సురేష్ తీసుకున్న ఈ డెసిష‌న్ సాధారణ కమర్షియల్ స్టెప్‌గా మిగిలిపోతుందా, లేక ఆమె కెరీర్‌లో మరో కొత్త దశకు నాంది పలికే టర్నింగ్ పాయింట్‌గా నిలుస్తుందా అన్నది ఇప్పుడు ఇండస్ట్రీలో ఇంట్రెస్టింగ్ డిస్క‌ష‌న్ గా మారింది. ఈ ట్రెండ్‌ను ఆమె ఎంత సమర్థంగా ఉపయోగించుకుంటారో, ఆడియ‌న్స్ దాన్ని ఎలా స్వీకరిస్తారో రాబోయే రోజుల్లో క్లారిటీ రానుంది.