కాంతార 1100 కోట్ల లెక్క.. మరో గోల్డెన్ ఛాన్స్ కూడా..

'కాంతార చాప్టర్ 1'.. ఇప్పుడు బాక్సాఫీస్‌కు ఇదే కింగ్ లాంటి సినిమా. సైలెంట్‌గా వచ్చి, సౌండ్ సిస్టమ్‌లు బద్దలయ్యేలా సౌండ్ చేస్తోంది. ఈ సినిమా క్రియేట్ చేస్తున్న వైబ్స్ మామూలుగా లేవు. మేకర్స్ లేటెస్ట్ గా రిలీజ్ చేసిన పోస్టర్‌తో కలెక్షన్ల లెక్కపై ఫుల్ క్లారిటీ ఇచ్చేశారు. ఈ దైవిక గాథ ఇప్పటివరకు వరల్డ్‌వైడ్‌గా 717.50 కోట్లకు పైగా గ్రాస్‌ను కొల్లగొట్టి, చూస్తుంటే ఇప్పట్లో ఆగేలా కనిపించడం లేదు. ఇది జస్ట్ ట్రైలర్ మాత్రమే అనిపిస్తోంది.

ఈ సినిమా మన తెలుగు రాష్ట్రాల్లో ఆడిన ఆట చూస్తే మైండ్ బ్లాక్ అవ్వాల్సిందే. కేవలం రెండు వారాల్లోనే, ఇక్కడ 105 కోట్లకు పైగా గ్రాస్‌ను లాగేసింది. ఒక కన్నడ సినిమా, అదీ ఒక ప్రీక్వెల్, మన బాక్సాఫీస్‌ను ఈ రేంజ్‌లో షేక్ చేయడం చూస్తే, కంటెంట్ కరెక్ట్‌గా కనెక్ట్ అయితే ఆడియన్స్ ఎలా బ్రహ్మరథం పడతారో మరోసారి ప్రూవ్ అయింది. KGF తరువాత పాన్ ఇండియా లెవెల్లో బిగ్గెస్ట్ ఇంపాక్ట్ చూపిన కన్నడ సినిమాగా కాంతార వండర్ క్రియేట్ చేస్తోంది.

ఇప్పుడు ఈ సినిమాకు మరో గోల్డెన్ ఛాన్స్ దొరికింది. రాబోయేది దీపావళి వీకెండ్. ఈ పండగ హాలిడేస్‌లో ఫ్యామిలీ ఆడియన్స్ థియేటర్లకు క్యూ కడతారు. దీనికి తోడు, ప్రస్తుతం పాన్ ఇండియా లెవెల్‌లో 'కాంతార'కు పోటీ ఇచ్చే సినిమా ఒక్కటి కూడా లేదు. ఈ సోలో రన్ సినిమా కలెక్షన్ల సునామీని నెక్స్ట్ లెవెల్‌కి తీసుకెళ్లడం ఖాయం.

ఇప్పుడు అసలు లెక్కలోకి వద్దాం. 2022లో వచ్చిన మొదటి 'కాంతార' అప్పట్లో ఒక గేమ్ చేంజర్. ఆ సినిమా వరల్డ్‌వైడ్‌గా 400 కోట్లకు పైగా కలెక్ట్ చేసింది. ఇప్పుడు వచ్చిన ప్రీక్వెల్ ఆల్రెడీ 717 కోట్లను దాటేసింది. ఈ రెండింటినీ కలిపితే, 'కాంతార' అనే బ్రాండ్ బాక్సాఫీస్ దగ్గర 1100 కోట్ల మార్క్‌ను ఈజీగా క్రాస్ చేసేసిందన్నమాట. ఒక ప్రాంతీయ కథ, నేటివిటీని నమ్ముకుని తీసిన ఒక ఫ్రాంచైజీ ఈ రేంజ్ విజయం సాధించడం మామూలు విషయం కాదు.

రిషబ్ శెట్టి విజన్, హోంబలే ఫిల్మ్స్ ప్యాషన్ కలిసి ఒక సినిమాటిక్ వండర్‌ను క్రియేట్ చేశాయి. 'కాంతార' ఇప్పుడు కేవలం ఒక సినిమా కాదు, ఒక ఎమోషన్, ఒక బ్రాండ్. ఈ దీపావళి వీకెండ్ అడ్వాంటేజ్‌తో 'కాంతార చాప్టర్ 1' కలెక్షన్ల ప్రభంజనం ఇప్పట్లో ఆగేలా లేదు. ఫైనల్ రన్‌లో ఈ సినిమా ఇంకెన్ని కొత్త రికార్డులను క్రియేట్ చేస్తుందో, ఎక్కడ ఆగుతుందో అని ట్రేడ్ పండితులు సైతం అంచనా వేయలేకపోతున్నారు.