సింపుల్ పింక్, రాయల్ స్టైల్… కాజల్ లుక్‌కు ఫ్యాన్స్ ఫిదా!

టాలీవుడ్ అందాల చందమామ కాజల్ అగర్వాల్ ఎవర్ గ్రీన్ బ్యూటీ అని మరోసారి నిరూపించుకున్నారు. పెళ్లయి, ఒక బాబు పుట్టినా కూడా ఆమె గ్లామర్ ఏమాత్రం తగ్గలేదు. తాజాగా ఆమె షేర్ చేసిన ఒక ఫొటో షూట్ ఇంటర్నెట్‌లో తెగ హల్‌చల్ చేస్తోంది. ఎంతో ప్రశాంతంగా, రాయల్ లుక్‌లో కనిపిస్తూ తన సహజ సిద్ధమైన అందంతో అభిమానులను కట్టిపడేశారు. సెకండ్ ఇన్నింగ్స్‌లోనూ అదే జోష్ చూపిస్తూ, లేటెస్ట్ ఫ్యాషన్ ట్రెండ్స్‌తో కుర్రకారు గుండెల్లో మళ్లీ గుబులు రేపుతున్నారు.

పింక్ కలర్ డ్రెస్‌లో చందమామ మెరుపులు:

ఈ లేటెస్ట్ ఫొటో షూట్‌లో కాజల్ అగర్వాల్ లైట్ పింక్ కలర్ ప్లీటెడ్ పెప్లమ్ టాప్, దానికి మ్యాచింగ్ మ్యాక్సీ స్కర్ట్ వేసుకున్నారు. 'ప్లీట్స్ బై అరుణి', 'వైరల్ మంత్ర' బ్రాండ్స్ డిజైన్ చేసిన ఈ వెస్టన్ కమ్ ట్రెడిషనల్ డ్రెస్ కాజల్‌కు పర్ఫెక్ట్‌గా సూట్ అయ్యింది. ఇక ఆమె చిరునవ్వు, ఆ డ్రెస్ కలర్ కాంబినేషన్ చూసి ఫ్యాన్స్ లవ్ ఎమోజీలతో సోషల్ మీడియాను ముంచెత్తుతున్నారు.

మేకప్, స్టైలింగ్ నెక్స్ట్ లెవెల్:

సెలబ్రిటీ స్టైలిస్ట్ అర్చా మెహతా ఈ లుక్‌ని ఎంతో అద్భుతంగా ప్లాన్ చేశారు. జుట్టుకు చిన్న చిన్న పూల యాక్సెసరీస్ పెట్టి, చాలా సింపుల్ జ్యువెలరీతో కాజల్‌ని అలంకరించారు. ఇక విశాల్ చరణ్ లైట్ అండ్ ఫ్రెష్ మేకప్ చేయగా, శివాని హెయిర్ స్టైల్ అదరగొట్టారు. ఫొటోగ్రాఫర్ కునాల్ రాథోడ్ తన కెమెరాతో కాజల్ అందాలను ఎంతో అందంగా బంధించారు.

మగధీర నుండి నేటి వరకు అదే క్రేజ్:

దాదాపు 15 ఏళ్లకు పైగా ఇండస్ట్రీలో టాప్ హీరోయిన్‌గా కొనసాగుతున్న కాజల్, 'మగధీర' సినిమాతో టాలీవుడ్‌లో స్టార్ హీరోయిన్‌గా మారిపోయారు. ఆ తర్వాత ఎన్నో సూపర్ హిట్ సినిమాలు చేశారు. ఇక పెళ్లి తర్వాత కాస్త గ్యాప్ ఇచ్చినా, ఇప్పుడు మళ్లీ వరుస ప్రాజెక్టులతో ఫుల్ బిజీగా గడుపుతున్నారు. ఆమె క్రేజ్ మరియు గ్లామర్ ఇప్పటికీ అస్సలు తగ్గలేదు.

భారీ చిత్రాలతో బిజీగా సెకండ్ ఇన్నింగ్స్:

ప్రస్తుతం కాజల్ చేతిలో క్రేజీ ప్రాజెక్టులు ఉన్నాయి. అందులో ఒకటి పాన్ ఇండియా మూవీ 'ది ఇండియా స్టోరీ'. సామాజిక ఇతివృత్తంతో వస్తున్న ఈ సినిమా వచ్చే నెల జూలై 24న రిలీజ్ కానుంది. ఇక దీంతో పాటు నందమూరి బాలకృష్ణ, గోపీచంద్ మలినేని కాంబినేషన్‌లో రాబోతున్న ‘NBK111’ సినిమాలో కూడా కాజల్ అగర్వాల్ హీరోయిన్‌గా నటిస్తున్నారు. ఇక ఇవే కాక నితీష్ తివారీ దర్శకత్వంలో భారీ బడ్జెట్‌తో తెరకెక్కుతున్న ప్రతిష్టాత్మక 'రామాయణం' చిత్రంలో మండోదరి పాత్రలో నటిస్తున్నారు.

సినిమాల ప్రమోషన్లలో భాగంగా కాజల్ అగర్వాల్ చేస్తున్న ఈ ఫొటో షూట్లు ఇండస్ట్రీలో హాట్ టాపిక్‌గా మారాయి. ఎంతమంది కొత్త హీరోయిన్లు వచ్చినా ‘చందమామ’ స్టైలే వేరు అని ఈ పింక్ లుక్‌తో ఆమె మరోసారి ప్రూవ్ చేశారు. రాబోయే సినిమాలతో కాజల్ బాక్సాఫీస్ దగ్గర ఎలాంటి మ్యాజిక్ చేయబోతుందో చూడాలి..