ఫ్రాన్స్‌ వీధుల్లో జాన్వీ కపూర్ కలకలం: నెటిజనుల్లో ఒక‌టే గుస‌గుస‌!

బాలీవుడ్ యువ నటి జాన్వీ కపూర్ విదేశీ గడ్డపై ఎదుర్కొన్న ఒక అనుభవానికి సంబంధించిన వీడియో ప్రస్తుతం సోషల్ మీడియాలో విపరీతంగా వైరల్ అవుతోంది. ఫ్రాన్స్ లేదా పారిస్ వీధుల్లో తన బృందంతో కలిసి ఫోటోలకు పోజులిస్తున్న సమయంలో అక్కడి స్థానిక ప్రజల నుంచి భిన్నమైన స్పందన ఎదురైంది. జాన్వీ చుట్టూ ఉన్న జనం వ్యవహరించిన తీరు, వారి నవ్వులు నెటిజన్ల మధ్య తీవ్ర చర్చకు, రకరకాల వాదనలకు దారితీశాయి.

ఈ వీడియో తాలూకు దృశ్యాలపై సోషల్ మీడియాలో భిన్న కోణాల నుంచి విశ్లేషణలు వెలువడుతున్నాయి. విదేశాల్లో జాన్వీ కపూర్‌కు ప్రత్యేకంగా పెద్దగా ఫ్యాన్ ఫాలోయింగ్ లేదని.. ఆమె తన పీఆర్ (PR) టీమ్ ద్వారా ఇలాంటి షోలు చేయిస్తోందని కొందరు నెటిజన్లు ఆరోపించారు. అక్కడ ఉన్న స్థానికులకు అసలు జాన్వీ ఎవరో కూడా తెలియదని.. కేవలం కెమెరాల హడావుడి చూసి వారు నవ్వుకున్నారని విమర్శలు గుప్పించారు.

మరోవైపు ఈ వీడియోను చూసిన మరికొందరు నెటిజన్లు తీవ్ర అభ్యంతరం వ్యక్తం చేశారు. విదేశాల్లో మన తారలు ఇలాంటి పరిస్థితులు ఎదుర్కొన్నప్పుడు అక్కడి వారి ప్రవర్తనలో సివిక్ సెన్స్ లోపించిందని.. కొందరు కావాలనే వెక్కిరిస్తున్నట్లుగా ఉందని మండిపడ్డారు. మన నటీనటులు అంతర్జాతీయ వేదికలపై తమను తాము సరిగ్గా ప్రెజెంట్ చేసుకోవడంలో విఫలమవుతున్నారంటూ కొందరు నెటిజన్లు పెదవి విరిచారు.

అయితే ఈ విమర్శలపై స్పందించిన కొందరు స్థానిక (ఫ్రెంచ్) నెటిజన్లు అసలు వాస్తవ పరిస్థితిని వివరించారు. ఫ్రాన్స్‌లో ప్రజల జీవనశైలి అలాగే ఉంటుందని... ఎవరైనా వీధుల్లో కెమెరాలతో ఫోటోలు దిగుతుంటే అక్కడి యువకులు సరదాగా జోకులు వేయడం... నవ్వుకోవడం సర్వసాధారణమని తెలిపారు. దీన్ని ఎలాంటి జాతి వివక్షగా లేదా అగౌరవంగా భావించాల్సిన అవసరం లేదని.. ఇదొక సాంస్కృతిక భేదం మాత్రమేనని స్పష్టం చేశారు.

మ‌రోవైపు ఇదే చోటి నుంచి ఒక కొత్త‌ ఫోటోషూట్ షేర్ చేయ‌గా.. ఈ అంద‌మైన‌ ఫోటోలపై నెటిజ‌నులు ప్ర‌శంస‌లు కురిపిస్తున్నారు. జాన్వీ క‌పూర్ ర‌క‌ర‌కాల డిజైన‌ర్ ఫ్రాకుల్లో మ‌తులు చెడ‌గొడుతోందంటూ కాంప్లిమెంట్లు ఇస్తున్నారు. క‌పూర్ ఫ్యాష‌నిస్టా విదేశీ వీధుల్లోను త‌గ్గేదేలే అంటూ పొగిడేస్తున్నారు. ప్ర‌స్తుతం ఈ స్పెష‌ల్ ఫోటోషూట్ ఇంట‌ర్నెట్ లో వైర‌ల్ గా మారుతోంది.

మొత్తానికి బాలీవుడ్ పాపుల‌ర్ నటీమణుల గ్లోబల్ అప్పీయరెన్స్ ..విదేశీ పర్యటనల సమయంలో ఇలాంటి ట్రోల్స్, చర్చలు సర్వసాధారణమైపోయింది. జాన్వీ కపూర్ తాజా వీడియో నెట్టింట సృష్టిస్తున్న ఈ కలకలం, సెలబ్రిటీల పబ్లిక్ లైఫ్- సోషల్ మీడియా రియాక్షన్లపై మరోసారి పెద్ద ఎత్తున డిబేట్ నడిచేలా చేస్తోంది.