హైపర్ అది ఆలా ఇలా కాదు గట్టిగా గడ్డి పెట్టాడు వాళ్లందరికీ!

ప్రియదర్శి, ఆనంది జంటగా నటించిన ప్రేమంటే సినిమా ప్రీ రిలీజ్ ఈవెంట్ లో హైపర్ ఆది అదిరిపోయే స్పీచ్ ఇచ్చారు. ట్రోలర్స్ వల్ల సినీ పరిశ్రమకు నష్టం కలుగుతుందని.. ఎంతో కష్టపడి ఏదో ఒకటి చేసి స్టార్ స్టేటస్ సంపాదిస్తారని వాళ్లని ట్రోల్ చేసి వారి హీరోయిజాన్ని కామెడీ చేయొద్ధని అన్నారు. ట్రోలర్స్ గురించి హైపర్ ఆది చేసిన కామెంట్స్ సోషల్ మీడియాలో వైరల్ అయ్యాయి. లేటెస్ట్ గా దర్శకధీరుడు రాజమౌళిపై కూడా ఈ ట్రోలర్స్ రెచ్చిపోవడంపై తన మార్క్ పంచులు వేశారు హైపర్ ఆది.

ప్రేమంటే ఈవెంట్ లో హైపర్ ఆది మాట్లాడుతూ.. తెలుగు సినిమాను మన దేశాన్ని తలెత్తుకునేలా చేసిన రాజమౌళి లాంటి వాళ్లు ఒక పోస్టర్ వదిలితే.. దాని మీద ట్రోల్ చేసి ఆయన కూడా తల దించుకునేలా చేస్తున్నాం అన్నారు. ఆ ఈవెంట్ లో అనుకున్న టైం ప్రకారం గ్లింప్స్ ఇవ్వలేదని ఎమోషనల్ అయ్యాడు. అంటే ఆయనకు సినిమా పట్ల ఉన్న హార్డ్ వర్క్, డెడికేషన్ గురించి మనం హ్యాట్సాఫ్ చెప్పాలి అంతే కానీ అందులో కూడా ఏవో కారణాలు వెతుక్కుని ఎలాగోలా ట్రోల్ చేయాలని చేస్తున్నారని అన్నారు ఆది. అసలు అక్కడ అసలు తప్పు జరగలేదు. ఆయన నాకు రామాయణం, మహా భారతం ఇష్టమని చెప్పాడు. అలాంటి వ్యక్తి రాముడి గురించి నాకు తీసే అవకాశం వచ్చింది అని చెప్పిన వ్యక్తి.. ఆరోజు హనుమంతుడి మీద అలిగాడు కానీ అవమానించలేదు. ఇది అందరు గుర్తు పెట్టుకోవాలని అన్నారు హైపర్ ఆది.

ఆయనే కాదు సినిమా కోసం ఎన్టీఆర్ సన్నబడితే ఆయన మీద ట్రోలింగ్.. బాలకృష్ణ మాట్లాడితే ట్రోలింగ్.. అల్లు అర్జున్ నవ్వితే ట్రోలింగ్.. సాయి ధరం తేజ్ యాక్సిడెంట్ అయ్యి మాట్లాడటానికి ఇబ్బందిగా ఉంటే దాని మీద కూడా ట్రోలింగ్.. బయట దేశాలకు వెళ్తే మనం బాహుబలి అంటే మీరు ఇండియన్ అని చెప్పుకునే అలాంటి ప్రభాస్ లుక్స్ మీద ట్రోలింగ్.. చరణ్ చికిరి సాంగ్ వేరే దేశాల వాళ్లు కూడా రీల్స్ చేస్తున్నారు. అలాంటి ఆ స్టెప్పుల మీద ఇక్కడ ట్రోలింగ్.. విజయ్ దేవరకొండ మీద మన ఇండస్ట్రీ వాళ్లే ట్రోలింగ్.. ఒక వ్యక్తిని అంత మానసికంగా కృంగదీయాల్సిన పని ఏముంది. బాహుబలి, RRR, పుష్ప ఎలాగో ఒక వర్గానికి అర్జున్ రెడ్డి అలా.. అతని బౌన్స్ బ్యాక్ అయ్యే టైం కూడా ఇవ్వకుండా ట్రోల్స్ చేస్తే అతను ఎంత ఇబ్బంది పడతాడో ఆలోచించాలి. తెలుగు అమ్మాయి శ్రీ లీల ఇక్కడ నుంచి బాలీవుడ్, తమిళ్ లో సినిమాలు చేస్తుంటే.. ఆ అమ్మాయి డాన్స్ వేస్తుంది కానీ యాక్టింగ్ సరిగా చేయదని అంటారు. భగవంత్ కేసరి సినిమా నేషన అవార్డ్ కొట్టింది అంటే బాలకృష్ణ తో పాటు శ్రీ లీల పర్ఫార్మెన్స్ రీజన్ కాదా అని అన్నారు హైపర్ ఆది.

మెగాస్టార్ చిరంజీవి మీద డీప్ ఫేక్ ఏఐ వీడియోలు చేశారు. ఇంతకన్నా దరిద్రం ఏదైనా ఉంటుందా.. ఆయన రికార్డుల పోస్టర్స్ గోడల మీద అతికించే టైం కి ఆ ట్రోలింగ్స్ చేసే వాడు అమ్మ కడుపులో కూడా పడి ఉండడు. ఆయన 3 దశాబ్దాలు ఒకటో నెంబర్ పొజిషన్ లో ఉన్నప్పుడు ట్రోల్ చేసే వాడికి అసలు 1 అంటే ఉంటదని కూడా తెలియదు. తుఫాన్ వచ్చినా ఆ తుఫాన్ లో మనం పరుగెత్తి ఆయన సినిమాలు చూడటానికి వెళ్తుంటే వాడికి నడవడం కూడా వచ్చి ఉండదు. అలాంటోడు వచ్చి మెగాస్టార్ చిరంజీవి మీద ట్రోల్స్.. మెగాస్టార్ చిరంజీవి ఒక స్టేట్ కో.. ఒక క్యాస్ట్ కో సంబందించిన వ్యక్తి కాదు దేశం గర్వించదగ్గ వ్యక్తి. అలాంటి వ్యక్తి మీద ట్రోలింగ్ చేస్తున్నారని అన్నారు హైపర్ ఆది.

హీరోల మీద ట్రోలింగ్ చేయడం వల్ల సినిమా చనిపోతుంది. రేపు పొద్దున తెర మీద హీరోయిజం చేసినా కామెడీ అవుతుంది. అందుకే హీరోయిజం ఫెయిల్ అవుతుంది కాబట్టే సినిమాలు ఫెయిల్ అవుతున్నాయని ఆయన అన్నారు. ఈ ట్రోల్స్ చేసే వాళ్లు.. వందల కోట్లు ఖర్చు పెడుతున్న నిర్మాతల గురించి ఆలోచించాలి. మన స్టార్స్ అంతా ఏదో ఒకటి సాధించి ఇక్కడిదాకా వచ్చారు. వాళ్లని అంత ఈజీగా ట్రోల్ చేయకండని హైపర్ ఆది అన్నారు.

ప్రస్తుతం హైపర్ ఆది ట్రోలర్స్ పై చేసిన ఈ వీడియో సోషల్ మీడియాలో హంగామా చేస్తుంది. హైపర్ ఆది కామెంట్స్ ని మెజారిటీ ఆడియన్స్ సపోర్ట్ చేస్తున్నారు. సినిమాను చంపేసే ట్రోలింగ్ కాదు ఎంకరేజ్ చేసే ట్రోల్స్ అవసరమని ఆది చేసిన కామెంట్స్ వైరల్ అయ్యాయి.