ఇక వాడు వీడు ఎందుకు నేనే 'డాన్'.. ద‌ర్శ‌కుడి బ‌స్తీ మే స‌వాల్!

ప్ర‌ముఖ హీరోల‌తో ద‌ర్శ‌క‌నిర్మాత బిగ్ డీల్ ఫెయిలైంది. వాళ్లు ముఖం చాటేయ‌గా ఇప్పుడు ఆ సినిమాలో ఎవ‌రిని క‌థానాయ‌కుడిగా తీసుకోవాలో అర్థం కాని ప‌రిస్థితి. ఇలాంటి స‌మ‌యంలో ద‌ర్శ‌క‌నిర్మాతగా అత‌డు తీసుకున్న నిర్ణ‌యం సంచ‌ల‌నంగా మారింది. ఈ సినిమాలో త‌నే డాన్ పాత్ర‌లో న‌టించాల‌ని ప్ర‌ణాళిక‌లు సిద్ధం చేస్తున్నాడ‌ని క‌థ‌నాలొస్తున్నాయి. స్టార్ల‌తో పెట్టుకుంటే టైమ్ వేస్ట్ అనుకుని స్వ‌యంగా అత‌డే బ‌రిలో దిగుతుండ‌డం ఇప్పుడు ఇండ‌స్ట్రీ వ‌ర్గాల్లో హాట్ టాపిగ్గా మారింది. ఈ ఎపిసోడ్ లో ఆ ఇద్ద‌రు హీరోలు వేరే ఎవ‌రో కాదు.. కింగ్ ఖాన్ షారూఖ్, ర‌ణ్ వీర్ సింగ్. ద‌ర్శ‌క‌నిర్మాత ఫ‌ర్హాన్ అక్త‌ర్ డ్రీమ్ ప్రాజెక్ట్ `డాన్ 3` లో ఈ హీరోల‌కు అవ‌కాశం క‌ల్పించినా వారంతా ముఖం చాటేయ‌డంతో ఫర్హాన్ తీవ్ర స‌మ‌స్య‌ల్లో ప‌డ్డాడు.

నిజానికి ఖాన్ ని కాద‌ని, డాన్ 3 విష‌యంలో ఫర్హాన్ తీసుకున్న‌ సాహ‌సోపేత‌మైన నిర్ణ‌యం అప్ప‌ట్లో పెద్ద చ‌ర్చ‌నీయాంశ‌మైంది. షారూఖ్ ని కాద‌ని ర‌ణ్ వీర్ ని డాన్ (డాన్ 3లో) ని చేయాల‌నుకున్నాడు..కానీ అది కుద‌ర‌లేదు.. త‌ర్వాత షారూఖ్ వ‌చ్చి ఆదుకుంటాడనుకున్నాడు.. కానీ అదీ వీలుప‌డ‌లేదు. చివ‌రికి స్నేహితుడు హృతిక్ రోష‌న్ ని సంప్ర‌దించాడు. అత‌డు వంద‌శాతం ఓకే చెప్ప‌లేదు. చివ‌రికి ర‌ణ్ వీర్ తో తేడాలు రావ‌డంతో ఇక వేరే ఎవ‌రినీ వెత‌క‌లేదు..

ఇప్పుడు నేనే డాన్ అంటున్నాడు ఫ‌ర్హాన్ అక్త‌ర్.. అయితే అతడిని ప్ర‌జ‌లు ఓకే చేస్తారా? డాన్ ఫ్రాంఛైజీలో మొద‌టి సినిమాలో అమితాబ్ ని, రెండో సినిమాలో షారూఖ్ ని చూసిన క‌ళ్లు ఇప్పుడు మూడో సినిమాలో ఫ‌ర్హాన్ ని చూడ‌గ‌ల‌వా? అత‌డు ఈ రియ‌ల్ ఛాలెంజ్ ని ఎలా నెగ్గుతాడో చూడాలి అంటూ ఇండ‌స్ట్రీలో చ‌ర్చ మొద‌లైంది.

నిజంగానే ఇది ఇండియన్ సినిమా హిస్టరీలో ఒక విచిత్రమైన పరిస్థితి! అమితాబ్ బచ్చన్, షారూఖ్ ఖాన్ వంటి దిగ్గజాలు పోషించిన డాన్ పాత్రలో ఇప్పుడు స్వయంగా దర్శకుడు ఫర్హాన్ అక్తర్ కనిపించబోతుండటం అటు ఆశ్చర్యానికి, ఇటు చర్చకు దారితీస్తోంది.

ఫర్హాన్ అక్తర్ ముందున్న సవాళ్లు.. ఈ నిర్ణయం వెనుక ఉన్న అసలు చిక్కుముడులు ప‌రిశీలిస్తే...అమితాబ్ బచ్చన్ డాన్ పాత్రకు ఒక గంభీరత స్ప‌ష్ఠ‌త‌ను ఇస్తే.. షారూఖ్ ఖాన్ దానికి స్టైల్, స్వాగ్‌ని జోడించారు. ఇప్పుడు ఫర్హాన్ అక్తర్ డాన్‌ కుర్చీలో కూర్చోవాలంటే కేవలం నటన సరిపోదు. ఆ రేంజు `స్టార్ పవర్` ఉండాలని ప్రేక్ష‌కులు భావిస్తారు. అయితే ఫ‌ర్హాన్ బ‌లాలు బ‌లహీన‌త‌ల‌ను విశ్లేషిస్తే, దర్శకుడిగా మెప్పించిన ఫర్హాన్, నటుడిగా `భాగ్ మిల్కా భాగ్` వంటి సినిమాలతో తన ప్రతిభను నిరూపించుకున్నారు. కానీ ఒక కమర్షియల్ మాస్ ఐకాన్ అయిన డాన్ గా ప్రేక్షకులు ఆయన్ని ఎంతవరకు రిసీవ్ చేసుకుంటారో చూడాలి.

రణ్‌వీర్ సింగ్ - షారూఖ్ ల‌తో వివాదం?

రణ్‌వీర్ సింగ్‌తో సినిమాని ప్ర‌క‌టించిన‌ప్పుడు సోషల్ మీడియాలో భారీ స్థాయిలో నెగటివిటీ వచ్చింది. ``నో షారూఖ్- నో డాన్`` అనే హ్యాష్‌ట్యాగ్‌లు ట్రెండ్ అయ్యాయి. ఒకవేళ రణ్‌వీర్ తప్పుకోవడం నిజమైతే.. ఫర్హాన్ కోసం వేరే దారి లేక ఈ నిర్ణయం తీసుకున్నారా? లేక తన విజన్‌ని తానే స్క్రీన్‌పై చూపించాలనుకుంటున్నారా? అన్నది సస్పెన్స్.

హృతిక్ రోషన్ నో చెప్పడానికి కారణం?

హృతిక్ రోషన్ ఇప్పటికే `డాన్ 2`లో ఒక చిన్న క్యామియోలో కనిపించారు. పూర్తి స్థాయి డాన్‌గా ఆయన సరిపోతారని ఫ్యాన్స్ భావించినా బహుశా డేట్స్ సమస్య .. మరేదైనా కారణంతో ఆయన తప్పుకోవడం ఫర్హాన్ ప్రాజెక్ట్‌కి ఒక దెబ్బే అని చెప్పాలి.

ఫర్హాన్ అక్తర్ ముందున్న రియల్ ఛాలెంజ్:

ఇలాంటి ప్ర‌తిష్ఠాత్మ‌క ప్రాజెక్ట్ లో ప్రతి సీన్ లోనూ అమితాబ్, షారూఖ్‌లతో పోలికలు తప్పవు. మాస్ అప్పీల్ క‌థానాయ‌కుడికి అవ‌స‌రం. కానీ ఫర్హాన్ క్లాస్ ఆడియన్స్‌కు నచ్చుతారు.. కానీ డాన్ సినిమాకు కావాల్సిన మాస్ క్రేజ్ తీసుకురావడం పెద్ద టాస్క్. పైగా ఆయనే హీరో.. ఆయనే దర్శకుడు కావడం వల్ల సినిమా క్వాలిటీపై దృష్టి పెట్టడం ఒక సవాల్ తో కూడుకున్న‌ది.

డాన్ అంటేనే అసాధ్యమైన పనులను సుసాధ్యం చేసేవాడు. ఇప్పుడు ఫర్హాన్ అక్తర్ రియల్ లైఫ్‌లో కూడా అదే అసాధ్యమైన పనిని చేయబోతున్నారు. ముగ్గురు స్టార్ల స్థానాన్ని భర్తీ చేయడం అంటే అది ఇలాంటి వ్య‌వ‌హార‌మే. ఒకవేళ ఆయన నటనతో మ్యాజిక్ చేస్తే అది బాలీవుడ్‌లో అతిపెద్ద సక్సెస్ అవుతుంది.. లేదంటే ఈ ఫ్రాంచైజీకి ఇదే ముగింపు అయ్యే ప్రమాదం ఉంది.