దీపావళి మెరుపులో.. చూపు తిప్పుకోనివ్వని దివి

'బిగ్ బాస్' షోతో తెలుగు ప్రేక్షకులకు పరిచయమై, తన అందం, ముక్కుసూటితనంతో విపరీతమైన ఫాలోయింగ్ సంపాదించుకుంది దివి వాద్యా. షో తర్వాత సోషల్ మీడియా సెన్సేషన్​గా మారిన ఈ బ్యూటీ, అటు సంప్రదాయబద్ధంగా, ఇటు గ్లామరస్​గా కనిపిస్తూ కుర్రాళ్లను ఆకట్టుకుంటోంది.దీపావళి పండగను పురస్కరించుకుని దివి లేటెస్ట్ గా షేర్ చేసుకున్న ఫొటోలు నెట్టింట వైరల్​గా మారాయి.

గోల్డెన్ కలర్ లెహంగా ఓణీలో అచ్చం తెలుగింటి పడుచులా మెరిసిపోతోంది. హెవీ ఎంబ్రాయిడరీ వర్క్ ఉన్న బ్లౌజ్, దానికి తగిన జ్యువెలరీ, జడలో పూలతో ఎంతో ఆకర్షణీయంగా కనిపిస్తోంది. ముఖ్యంగా బ్లౌజ్​లో ఆమె లుక్ ఫ్యాన్స్​ను కట్టిపడేస్తోంది. మోడల్​గా కెరీర్ ప్రారంభించిన దివి, కొన్ని షార్ట్ ఫిల్మ్స్, సినిమాల్లో చిన్న చిన్న పాత్రలు చేసింది.

అయితే, 'బిగ్ బాస్ తెలుగు సీజన్ 4' ఆమె కెరీర్​కు అతిపెద్ద టర్నింగ్ పాయింట్​గా నిలిచింది. ఆ షోలో తన ప్రవర్తనతో, అందంతో తెలుగు రాష్ట్రాల్లో భారీ ఫ్యాన్ బేస్​ను సొంతం చేసుకుంది. 'బిగ్ బాస్' తర్వాత దివి కెరీర్ ఒక్కసారిగా ఊపందుకుంది. ఆమెకు సినిమా ఆఫర్లు క్యూ కట్టాయి. ఇప్పటికే పలు వెబ్ సిరీస్​లలో, సినిమాల్లో ముఖ్యమైన పాత్రలు పోషించింది.

మెగాస్టార్ చిరంజీవి వంటి అగ్ర హీరోల చిత్రాల్లో సైతం అవకాశాలు దక్కించుకుని నటిగా తనను తాను నిరూపించుకుంటోంది. ప్రస్తుతం దివి చేతిలో పలు ఆసక్తికరమైన ప్రాజెక్టులు ఉన్నాయి. సినిమాలతో బిజీగా ఉంటూనే, సోషల్ మీడియాలో రెగ్యులర్​గా ఫొటోషూట్లు పోస్ట్ చేస్తూ అభిమానులకు నిత్యం టచ్​లో ఉంటుంది. అటు గ్లామర్, ఇటు టాలెంట్​తో ఇండస్ట్రీలో నిలదొక్కుకునేందుకు దివి గట్టిగానే ప్రయత్నిస్తోంది.