ఛార్మినార్ వీధుల్లో షాపింగ్ చేస్తున్న బిగ్ బాస్ బ్యూటీ!

బిగ్ బాస్ సీజన్ 4లో తన సైలెంట్ పర్ఫార్మెన్స్‌తో, మెస్మరైజ్ చేసే లుక్స్‌తో రాత్రికి రాత్రే పాపులర్ అయిన బ్యూటీ దివి వడ్త్యా. కేవలం రియాలిటీ షోకే పరిమితం కాకుండా, మెగాస్టార్ చిరంజీవి వంటి స్టార్ల ప్రశంసలు అందుకుని టాలీవుడ్‌లో తనదైన ముద్ర వేస్తోంది. దివి వడ్త్యా తన అందంతో, చమత్కారంతో ఎప్పుడూ వార్తల్లో నిలుస్తుంటుంది. తాజాగా హైదరాబాద్ నగరంలోని పాతబస్తీ వీధుల్లో ఆమె చేసిన సందడి ఇప్పుడు సోషల్ మీడియాలో వైరల్ అవుతోంది. బ్లాక్ కలర్ మిడ్డీలో మెరిసిపోతూ ఛార్మినార్ పరిసరాల్లో షాపింగ్ చేస్తూ కనిపించిన దివి, ఆ ఫోటోలను 'హైదరాబాద్ థింగ్స్' అంటూ ఇన్‌స్టాగ్రామ్‌లో పంచుకుంది. పక్కా హైదరాబాదీ అమ్మాయిలా ఆమె అచ్చమైన నగర సొగసులను ఎంజాయ్ చేస్తున్న తీరు నెటిజన్లను ఎంతగానో ఆకట్టుకుంటోంది..

పాతబస్తీ వీధుల్లో దివి సందడి:

సాధారణంగా సెలబ్రిటీలు పెద్ద పెద్ద మాల్స్‌లో షాపింగ్ చేస్తుంటారు, కానీ దివి మాత్రం హైదరాబాద్ అసలైన రుచిని, సంస్కృతిని ఆస్వాదించడానికి ఇష్టపడుతుంది. తాజాగా ఛార్మినార్ వద్ద ఉన్న లాడ్ బజార్ వీధుల్లో దివి షాపింగ్ చేస్తూ కెమెరాకు చిక్కింది. ఇక నలుపు రంగు ఫుల్ మిడ్డీ ధరించి, ఎంతో క్యూట్ లుక్ తో కనిపిస్తున్న ఆమెను చూసి అభిమానులు ఫిదా అవుతున్నారు. ఆ పాతబస్తీ బ్యాక్‌గ్రౌండ్‌లో దివి ఇస్తున్న ఫోజులు చూస్తుంటే, ఒక అందమైన పెయింటింగ్‌లా ఉన్నాయంటూ నెటిజన్లు కామెంట్ల వర్షం కురిపిస్తున్నారు.

హైదరాబాద్ థింగ్స్:

దివి షేర్ చేసిన ఈ ఫోటోలకు 'హైదరాబాద్ థింగ్స్' అని క్యాప్షన్ ఇచ్చింది. ఇందులో కేవలం తన ఫోటోలు మాత్రమే కాకుండా, పాతబస్తీలోని గాజుల దుకాణాలు, అక్కడి ఇరుకైన వీధులు, నగర సందడిని కూడా చూపించింది.ఇక తన సొంత నగరమైన హైదరాబాద్‌ను ఎంతగా ప్రేమిస్తుందో ఈ పోస్ట్ ద్వారా మరోసారి నిరూపించుకుంది. ఒక సాధారణ అమ్మాయి లా అందరితో కలిసిపోయి ఆమె షాపింగ్ చేస్తున్న తీరు చూస్తుంటే, ఆమె సింప్లిసిటీకి ఎవరైనా హ్యాట్సాఫ్ చెప్పాల్సిందే.