కమ్‌బ్యాక్ తర్వాత దిశా పటానీకి కొత్త ఛాలెంజ్.. ఇదే అసలు పరీక్ష!

బాలీవుడ్ బ్యూటీ దిశా పటానీ కెరీర్‌లో అవారాప‌న్2 ఓ కీలక మలుపుగా మారే సూచనలు కనిపిస్తున్నాయి. ఇమ్రాన్ హష్మీకి ఈ సినిమా భారీ కమ్‌బ్యాక్‌ను అందించడంతో పాటు, దిశా పటానీ పేరు కూడా మరోసారి బాలీవుడ్‌లో డిస్క‌ష‌న్ కు వచ్చింది. ఆగస్టు 14న రిలీజైన ఈ సినిమా బాక్సాఫీస్ వద్ద వేగంగా రూ. 100 కోట్ల మార్క్‌ను దాటడంతో పాటు ఇమ్రాన్ కెరీర్‌లో అతిపెద్ద సోలో హిట్‌గా నిలిచిందని తాజా నివేదికలు చెబుతున్నాయి. అయితే దిశాకు అసలు పరీక్ష సినిమా సక్సెస్‌తో అయిపోలేదు. ఈ క్రేజ్‌ను ఆమె తన త‌ర్వాతి సినిమాలకు ఎలా వాడుకుంటుంద‌నేదే ఇప్పుడు ఆసక్తికరంగా మారింది. ఈ నేపథ్యంలో ఆమె ముందు ప్రధానంగా మూడు దారులు కనిపిస్తున్నాయి.

మొదటి దారి.. బిగ్ స్టార్ కమర్షియల్ సినిమాలు. స్టార్ హీరోలతో భారీ బడ్జెట్ సినిమాల్లో భాగం కావడం ద్వారా దిశా తన మార్కెట్‌ను మరింత పెంచుకోవచ్చు. పెద్ద సినిమాల్లో కనిపించడం వల్ల భారీ స్థాయిలో రీచ్, బ్రాండ్ వాల్యూ లభించే అవకాశ‌ముంది. అయితే కేవలం స్టార్ పవర్‌పై ఆధారపడే క్యారెక్ట‌ర్లు వస్తే, కథలో హీరోయిన్ ప్రాధాన్యం తగ్గిపోయే ప్రమాదం కూడా ఉంటుంది.

రెండో దారి.. గ్లామర్ ఓరియెంటెడ్ క్యారెక్ట‌ర్లు. దిశాకు ఇప్పటికే ఉన్న గ్లామర్ ఇమేజ్‌ను మరింత బలపరిచే కమర్షియల్ సినిమాలు ఆమెకు చాలా సులభమైన మార్గంగా చెప్పొచ్చు. యూత్‌లో ఉన్న క్రేజ్‌ను క్యాష్ చేసుకోవచ్చు. కానీ అదే ఇమేజ్‌లో ఎక్కువకాలం కంటిన్యూ అయితే న‌టిగా కొత్త కోణాలను చూపించే అవకాశం చాలా పరిమితమవుతుంద‌ని చెప్పొచ్చు.

ఇక మ‌రో దారి, పెర్ఫార్మెన్స్ ఓరియెంటెడ్ సినిమాలు. ఇదే దిశా కెరీర్‌కు అత్యంత కీలకమైన మార్గంగా మారొచ్చు. అవారాప‌న్2 తర్వాత ఆడియ‌న్స్ లో ఆమె యాక్టింగ్ పై కూడా డిస్క‌ష‌న్స్ మొదలైన నేపథ్యంలో, కథను ముందుకు నడిపించే స్ట్రాంగ్ క్యారెక్ట‌ర్లు ఎంచుకుంటే తన ఇమేజ్‌ను పూర్తిగా మార్చుకునే అవకాశం ఉంటుంది. అయితే ఈ మూడు మార్గాల్లో ఏదో ఒకదానినే ఎంచుకోవాల్సిన అవసరం లేదు. స్టార్ హీరోల కమర్షియల్ సినిమాతో పాటు స్ట్రాంగ్ క్యారెక్ట‌ర్ ఉన్న ప్రాజెక్ట్‌ను బ్యాలెన్స్ చేయడం దిశాకు బెస్ట్ ప్లాన్ అవొచ్చు. అవారాప‌న్2 ఇచ్చిన క్రేజ్‌ను కేవ‌లం ఒక సినిమా స‌క్సెస్‌గా వదిలేయకుండా, సరైన కథలు మరియు క్యారెక్ట‌ర్ల‌తో కొనసాగించగలిగితే మాత్రం ఇది దిశా పటానీ కెరీర్‌లో నిజమైన రీసెట్‌గా నిలిచే అవకాశం ఉంది.