దేవి పదుకొణె సింగ్ .. రెండో కుమార్తెకు అమ్మ దుర్గా దేవి పేరునే పెట్టుకున్నారు!

బాలీవుడ్ స్టార్ కపుల్ దీపికా పదుకొణె - రణ్‌వీర్ సింగ్ తమ జీవితంలో మరో అరుదైన ఘ‌ట్టం. భార‌తీయ‌ చిత్ర‌సీమ‌లో అగ్రశ్రేణి నటీనటులుగా ప్రపంచ వ్యాప్తంగా కోట్లాది మంది అభిమానులను సొంతం చేసుకున్న ఈ జంట తమ కుటుంబంలోకి కొత్త అతిథిని స్వాగతించిన క్షణం నుంచి ప్రేక్షకుల్లో తీవ్ర ఆసక్తి నెలకొంది. తాజాగా తమ చిన్నారికి సంబంధించిన నామకరణ వేడుక వివరాలను అధికారికంగా వెల్లడించడం ద్వారా ఈ స్టార్ కపుల్ మరోసారి సినీ వర్గాల్లో చర్చనీయాంశంగా మారారు.

తాజా క‌థ‌నాల‌ ప్రకారం.. ఈ దంపతులు తమ ముద్దుల కూతురికి `దేవి పదుకొణె సింగ్` అని నామకరణం చేసినట్లు సమాచారం. తమ సంప్రదాయాలకు, కుటుంబ విలువలకు పెద్దపీట వేస్తూ వారు ఎంచుకున్న ఈ అందమైన పేరు ప్రస్తుతం సోషల్ మీడియాలో వైరల్ అవుతోంది. తల్లిదండ్రులుగా తమ భావోద్వేగాలను.. తమ పాపపై ఉన్న అపారమైన ప్రేమను, గౌరవాన్ని ఈ నామకరణం ద్వారా వారు సముచితంగా వ్యక్తపరిచారు.

ఈ సంతోషకరమైన వార్త వెలువడిన క్షణం నుంచే సోషల్ మీడియా వేదికగా అభిమానులు, సినీ ప్రముఖులు ఈ జంటకు పెద్ద ఎత్తున అభినందనలు తెలియజేస్తున్నారు. సోషల్ మీడియాలలో ఈ విషయానికి సంబంధించిన హ్యాష్‌ట్యాగ్‌లు ట్రెండింగ్‌లోకి రావడంతో పాటు.. చిన్నారికి ఆయురారోగ్యాలు ప్రసాదించాలని కోరుతూ నెటిజన్లు తమ ప్రేమాభిమానాన్ని కురిపిస్తున్నారు. ప్రముఖుల వ్యక్తిగత జీవితాలపై అభిమానుల్లో ఉండే ఆసక్తి ఈ సందర్భంలో మరోసారి స్పష్టమైంది.

కొన్నేళ్ల పాటు ప్రేమ ప్రయాణం సాగించి.. ఆ తర్వాత అంగరంగ వైభవంగా వివాహం చేసుకున్న దీపికా-రణ్‌వీర్ జోడి ఇప్పుడు తల్లిదండ్రులుగా తమ కొత్త బాధ్యతలను ఎంతో ఆనందంగా ఆస్వాధిస్తున్నారు. కెరీర్ పరంగా ఎంత బిజీగా ఉన్నా.. కుటుంబానికి మొదటి ప్రాధాన్యతనిస్తూ వస్తున్న ఈ జంటకు ఈ కొత్త దశ మరింత ప్రత్యేకంగా నిలిచింది. వారిద్దరి మధ్య ఉన్న అన్యోన్యత ఈ అందమైన పేరెంట్‌హుడ్ ప్రయాణానికి మరింత బలాన్ని ఇస్తోంది.

పేరెంట్‌హుడ్ అనే ఈ సుందరమైన ప్రపంచంలోకి అడుగుపెట్టిన రణ్‌వీర్ సింగ్, దీపికా పదుకొణె దంపతులకు టాలీవుడ్, బాలీవుడ్ సహా పలు ఇండస్ట్రీల నుంచి అభినందనలు వెల్లువెత్తుతున్నాయి. తమ చిన్నారి దేవితో కలిసి వారు మరింత ఆనందకరమైన జీవితాన్ని గడపాలని అభిమానులు మనసారా ఆకాంక్షిస్తున్నారు. వ్యక్తిగత జీవితంలో ఈ అద్భుతమైన ఘట్టాన్ని ఆస్వాధిస్తూనే.. అటు సినిమాల పరంగానూ తమ సత్తా చాటేందుకు ఈ పవర్ కపుల్ సిద్ధమవుతున్నారు.