నిద్రంటే ఇంత ఇష్టమా? టాక్ ఆఫ్ ది టౌన్ గా మారిన డకోటా జాన్సన్ లైఫ్‌స్టైల్!

హాలీవుడ్ స్టార్ హీరోయిన్ డకోటా జాన్సన్ తన నిద్ర అలవాట్ల గురించి చేసిన వ్యాఖ్యలు ఇప్పుడు ప్రపంచవ్యాప్తంగా తెగ వైరల్ అవుతున్నాయి. "నా జీవితంలో అన్నిటికంటే నిద్రకే మొదటి ప్రాధాన్యత ఇస్తాను" అని ఆమె ఓ ఇంటర్వ్యూలో ఓపెన్‌గా చెప్పేసింది. వీలు దొరికితే ఏకంగా 14 గంటలు కూడా నిద్రపోతానని ఆమె అనడంతో అందరూ షాక్ అవుతున్నారు. కనీసం 10 గంటలు నిద్రపోకపోతే తాను ఏ పని చేయలేనని డకోటా చెప్పిన మాటలు ఇప్పుడు సోషల్ మీడియాలో హాట్ టాపిక్‌గా మారాయి. ఆ వివరాలు చూద్దాం..

వైరల్ అయిన 14 గంటల నిద్ర వెనుక అసలు నిజం:

డకోటా జాన్సన్ తన నిద్ర గురించి మాట్లాడిన తర్వాత అందరూ ఆమెను ఒక వింతగా చూడటం స్టార్ట్ చేశారు. అయితే దీనిపై ఆమె తర్వాత క్లారిటీ ఇచ్చింది. ఇక రోజూ రాత్రి పూట తానేమీ 14 గంటలు పడుకోనని, షూటింగులు లేని రోజుల్లో, వీకెండ్స్‌లో మాత్రమే అలా బాగా నిద్రపోతానని సర్దిచెప్పింది. మిగతా రోజుల్లో మామూలు వాళ్ళ లాగే బిజీగా ఉంటానని, దొరికిన ఖాళీ సమయాన్ని మాత్రం నిద్రతో ఫుల్ గా క్యాష్ చేసుకుంటానని నవ్వేసింది.

అసలు మనిషికి ఎన్ని గంటల నిద్ర కావాలి?:

ఒకప్పుడు మనిషికి 6 నుండి 8 గంటల నిద్ర సరిపోతుందని అనేవారు. కానీ లేటెస్ట్ రీసెర్చ్ ప్రకారం ప్రతి ఒక్కరూ 7 నుండి 9 గంటలు ఖచ్చితంగా పడుకోవాలని డాక్టర్లు చెబుతున్నారు. ఇక డకోటా చెప్పిన 10 గంటల రూల్ కూడా పెద్ద తప్పుకాదని, కొంతమంది శరీర తత్వానికి అంత నిద్ర అవసరమని అంటున్నారు. మన జీవనశైలి, ఆరోగ్యం, జీన్స్ ఆధారంగా ఎవరికి ఎంత నిద్ర కావాలో వాళ్లే డిసైడ్ చేసుకోవాలని వైద్యులు సూచిస్తున్నారు.

నిద్ర సరిపోయిందో లేదో తెలుసుకోవడం ఎలా?:

మీకు నిద్ర సరిపోతుందో లేదో తెలుసుకోవడానికి ఒక చిన్న ట్రిక్ ఉంది. ఉదయం అలారం లేకుండానే మీ అంతట మీరే లేచి, చాలా యాక్టివ్‌గా, ఫ్రెష్‌గా ఫీలవుతుంటే.. మీకు కావాల్సినంత నిద్ర దొరికినట్లే లెక్క. అలా కాకుండా లేచిన వెంటనే నీరసంగా ఉంటే మాత్రం మీరు ఇంకాస్త ఎక్కువ సమయం పడుకోవాలని అర్థం. ఇక నిద్రపోయే రూమ్ ఎప్పుడూ చల్లగా, ప్రశాంతంగా ఉండేలా చూసుకుంటే మంచి నిద్ర పడుతుందని నిపుణులు చెబుతున్నారు.

డకోటా జాన్సన్ చెప్పిన లైఫ్‌స్టైల్ వినడానికి కాస్త క్రేజీగా అనిపించినా, బిజీ లైఫ్‌లో నిద్రకు ఎంత ఇంపార్టెన్స్ ఇవ్వాలో మనకు అర్థమయ్యేలా చెప్పింది. రాత్రింబవళ్లు ఫోన్లు చూస్తూ నిద్రను పాడుచేసుకునే ఈ రోజుల్లో.. డకోటా లాగా నిద్రకు ఫస్ట్ ప్రయారిటీ ఇవ్వడం అందరికీ అవసరమే. మరి మీలో ఎంతమందికి డకోటా లాగా 14 గంటలు పడుకునే అలవాటు ఉందో ఒకసారి ఆలోచించుకోండి..