విజయవాడలో చదువుకున్నా.. ఆ సిటీ ఎనర్జీనే వేరు: శ్రీ విష్ణు

టాలీవుడ్ 'కింగ్ ఆఫ్ ఎంటర్‌టైన్‌మెంట్' శ్రీ విష్ణు, మహిమా నంబియార్ జంటగా నటించిన తాజా చిత్రం ‘కామ్రేడ్ కళ్యాణ్’. జానకిరామ్ మారెళ్ల దర్శకత్వంలో కోన వెంకట్ సమర్పణలో వచ్చిన ఈ మూవీ అక్టోబర్ 9న థియేటర్లలో విడుదలటై పాజిటివ్ టాక్‌తో విజయవంతంగా ప్రదర్శితమవుతోంది. ఈ సందర్భంగా విజయవాడలోని మకినేని బసవపున్నయ్య స్టేడియంలో చిత్రబృందం గ్రాండ్‌గా సక్సెస్ మీట్ నిర్వహించింది. విజయవాడపై తనకున్న అభిమానాన్ని శ్రీ విష్ణు ఆసక్తికరంగా వెల్లడించారు. ఈ వేడుకలో ఆయన చెప్పిన విషయాలు ఇప్పుడు సోషల్ మీడియాలో వైరల్ అవుతున్నాయి.

విజయవాడే నా కర్మభూమి:

సక్సెస్ మీట్‌లో హీరో శ్రీ విష్ణు మాట్లాడుతూ తన పాత జ్ఞాపకాలను నెమరువేసుకున్నారు. "నేను విజయవాడలోనే చదువుకున్నాను, ఇక్కడి ప్రతి వీధి నాకు బాగా తెలుసు. అసలు నాకు సినిమాలపై ఇంట్రెస్ట్ పుట్టిందే ఈ విజయవాడలో! ఇక్కడి సిటీ ఎనర్జీనే వేరు" అంటూ అభిమానుల్లో ఫుల్ జోష్ నింపారు. ఆయన మాటలకు గ్రౌండ్‌లోని ఫ్యాన్స్ విజిల్స్, కేకలతో స్టేడియాన్ని హోరెత్తించారు.

దసరా ఫ్యామిలీ బ్లాక్‌బస్టర్:

సినిమాకు వస్తున్న రెస్పాన్స్ గురించి చెబుతూ.. "కామ్రేడ్ కళ్యాణ్ సినిమాకి ఆడియన్స్ నుంచి చాలా మంచి పాజిటివ్ వర్డ్ ఆఫ్ మౌత్ వస్తోంది. రెండు గంటల పాటు కుటుంబ సమేతంగా కడుపునిండా నవ్వుకునేలా ఈ సినిమాను తీశాం. ఇక దసరా పండుగ సెలవుల సమయంలో రావడం, ఫ్యామిలీస్ అందరూ థియేటర్లకు వచ్చి హ్యాపీగా ఎంజాయ్ చేస్తుండటం చాలా ఆనందంగా ఉంది" అని శ్రీ విష్ణు సంతోషం వ్యక్తం చేశారు.

చిరంజీవి గారికి నచ్చిన డైలాగ్ మ్యాజిక్:

ఈ సినిమాలో 'ఆచార్య దళం' డైలాగ్‌కు థియేటర్లలో అద్భుతమైన రెస్పాన్స్ వస్తోందని శ్రీ విష్ణు తెలిపారు. కోన వెంకట్ గారు ఈ ఐడియా చెప్పినప్పుడు చిరంజీవి గారిని కలసి పర్మిషన్ అడిగామని, సీన్ వినగానే చిరు పగలబడి నవ్వి ఖచ్చితంగా థియేటర్లలో నవ్వుల పువ్వులు పూయిస్తుందని చెప్పారని గుర్తు చేసుకున్నారు. అలాగే ఈ సినిమా చూసిన ఒక స్టార్ హీరో తనకు ఫోన్ చేసి అభినందించారని, నెక్స్ట్ ఈవెంట్‌లో ఆయన రాబోతున్నారని ఆ సర్ ప్రైజ్‌ను సస్పెన్స్‌గా ఉంచారు.

90ల నక్సలైట్ అండ్ కామెడీ బ్యాక్‌డ్రాప్:

నక్సలైట్ ప్రభావిత గ్రామంలో పాత థియేటర్ నడిపే కళ్యాణ్ జీవితమే ఈ సినిమా కథ. 1990ల కాలం నాటి ఆంధ్ర-ఒడిశా సరిహద్దుల నేపథ్యంలో లవ్ స్టోరీ, కామెడీతో జానకిరామ్ మారెళ్ల ఈ చిత్రాన్ని తెరకెక్కించారు. ఇక విజయ్ బుల్గానిన్ సంగీతంతో పాటు రాధికా శరత్‌కుమార్, సత్య, షైన్ టామ్ చాకో నటన సినిమాకు బలంగా నిలిచాయి.

ఇక మొత్తానికి, 'కామ్రేడ్ కళ్యాణ్' చిత్రంతో శ్రీ విష్ణు దసరా బరిలో దిగి ఫ్యామిలీ ఆడియన్స్‌ను అలరిస్తూ విజయాన్ని అందుకున్నారు. త్వరలోనే థియేటర్స్ విజిట్ చేసి ప్రేక్షకాభిమానులను నేరుగా కలవబోతున్నట్లు చిత్రబృందం ప్రకటించింది. ఇక విజయవాడ సక్సెస్ మీట్‌తో మరింత హైప్ తెచ్చుకున్న ఈ నవ్వుల బ్లాక్‌బస్టర్ మున్ముందు బాక్సాఫీస్ వద్ద మరిన్ని రికార్డులు సృష్టించాలని ఆశిద్దాం.