విశ్వంభ‌ర త్వ‌ర‌లో అప్ డేట్ ఇస్తారా?

మెగాస్టార్ చిరంజీవి కథానాయకుడిగా వశిష్ఠ దర్శకత్వంలో తెరకెక్కుతోన్న భారీ సోషియో-ఫాంటసీ చిత్రం `విశ్వంభర` రిలీజ్ కోసం అభిమానులు కళ్లు కాయలు కాచేలా ఎదురు చూస్తోన్న సంగ‌తి తెలిసిందే. చాలా కాలం త‌ర్వాత చిరంజీవి ఈ జాన‌ర్లో సినిమా చేయ‌డంతో? అంచ‌నాలు అంత‌కంత‌కు రెట్టింపు అవుతున్నాయి.

రిలీజ్ ఆల‌స్య‌మ‌వుతున్నా? హైప్ ఏమాత్రం త‌గ్గ‌డం లేదు. అయితే రిలీజ్ నిరీక్షణకు తెరదించుతూ త్వరలోనే ఓ భారీ సర్‌ప్రైజ్ ఇవ్వడానికి సిద్ధమవుతున్నట్లు ఫిలింనగర్ వర్గాల్లో ప్రచారం జరుగుతోంది.

సరికొత్త పవర్‌ఫుల్ వీడియో గ్లిమ్స్‌తో పాటు విడుదల తేదీపై క్లారిటీని ఇచ్చేందుకు యూవీ క్రియేషన్స్ ప్లాన్ చేస్తోందిట‌. ఇప్పటికే సినిమాకు సంబంధించిన డబ్బింగ్ పనులు శరవేగంగా జరుగుతుండగా వశిష్ఠ ట్రైలర్ కట్ .. గ్లిమ్స్ పనులను కూడా ఓ కొలిక్కి తెస్తున్న‌ట్లు తెలుస్తోంది. గ్రాఫిక్స్ విషయంలో ఎక్కడా రాజీ పడకూడదనే ఉద్దేశంతోనే ఇన్నాళ్లు సమయం తీసుకున్న మేకర్స్ ఇప్పుడు పూర్తి స్థాయి అవుట్‌పుట్‌పై నమ్మకంతో ప్రమోషన్స్‌కు గేర్ మార్చ బోతున్నారని తెలుస్తోంది.

ఇంతలా ఆలస్యం కావడానికి ప్రధాన కారణం హై-ఎండ్ విజువల్ ఎఫెక్ట్స్. కమర్షియల్ చిత్రాలకు భిన్నంగా మాయా జాలం..అద్భుతమైన లోకాల నేపథ్యంలో సాగే కథ కావడంతో సెకండాఫ్ మొత్తం గ్రాఫిక్స్‌పైనే ఆధారపడి ఉంది. ప్రేక్షకులకు విజువల్ వండర్‌ను అందించాలనే తపనతో మెగాస్టార్ సైతం విజువల్ ఎఫెక్ట్స్ పనుల విషయంలో మేకర్స్‌కు పూర్తి స్వేచ్ఛనిచ్చారు. అందుకే గతంలో పలుమార్లు విడుదల తేదీ వాయిదా ప‌డినా? క్వాలిటీ విషయంలో మాత్రం ఎక్కడా తగ్గకూడదని యూనిట్ పట్టుదలతో పని చేస్తోంది.

ఆస్కార్ విజేత కీరవాణి అందిస్తున్న నేపథ్య సంగీతం సినిమాకు ప్రధాన ఆకర్షణగా నిలవనుంది. ఇప్పటికే విడుదలైన మెగా బ్లాస్ట్ గ్లిమ్స్‌కు కీరవాణి ఇచ్చిన ఆర్ఆర్ గూస్‌బంప్స్ తెప్పించగా కొత్తగా వ‌చ్చే గ్లిమ్స్ అంతకుమించి ఉండబోతోందని ఇండస్ట్రీ టాక్. 2026 ముగింపుకు చేరుకుంటున్న త‌రుణం 2027 కి వెల్క‌మ్ చెప్ప‌డానికి సిద్ద‌మ‌వుతోన్న త‌రుణంలో ఇక‌పై `విశ్వంభ‌ర` రిలీజ్ వ‌ర‌కూ హ‌డావుడి త‌ప్ప‌ద‌ని చెప్పొచ్చు. ఇప్ప‌టికే రిలీజ్ బాగా ఆల‌స్య‌మైన నేప‌థ్యంలో ఇక‌పై జాప్యం లేకుండా రిలీజ్ చేసే అవ‌కాశం క‌నిపిస్తుంది. `కాకా` త‌ర్వాత రిలీజ్ అవుతుంద‌నే ప్ర‌చారం జ‌రుగుతోంది. అయితే ఆ నెల‌..తేదీ ఎప్పుడ‌వుతుంది? అన్న‌దే ఆస‌క్తిక‌రం.