ఆ పాట‌ల‌ కు రికార్డుల మోత ఖాయ‌మ‌ట‌

మెగాస్టార్ చిరంజీవి ఏడు ప‌దుల వ‌య‌సులో కూడా కుర్ర హీరోల‌కు స‌మానంగా వ‌రుస సినిమాల‌ను లైన్ లో పెట్టి చాలా బిజీగా ఉన్నారు. ఆల్రెడీ విశ్వంభ‌ర షూటింగ్ ను పూర్తి చేసిన చిరూ, ప్ర‌స్తుతం అనిల్ రావిపూడి ద‌ర్శ‌క‌త్వంలో ఓ సినిమా చేస్తున్న సంగ‌తి తెలిసిందే. మ‌న శంక‌ర‌వ‌ర‌ప్ర‌సాద్ గారు టైటిల్ తో తెర‌కెక్కుతున్న ఈ సినిమాపై అంద‌రికీ మంచి అంచ‌నాలున్నాయి.

టైటిల్ గ్లింప్స్ కు అదిరిపోయే రెస్పాన్స్

ఆ అంచ‌నాల‌కు త‌గ్గ‌ట్టే అనిల్ ఈ సినిమాను తెర‌కెక్కిస్తుండ‌గా, రీసెంట్ గా చిరూ బ‌ర్త్ డే సంద‌ర్భంగా మూవీ నుంచి రిలీజైన టైటిల్ గ్లింప్స్ అంద‌రినీ ఎంతో ఆక‌ట్టుకుంది. అనిల్ ఈ సినిమాను శ‌ర‌వేగంగా పూర్తి చేస్తుండ‌గా, తాజాగా చిత్ర యూనిట్ మ‌న శంక‌ర‌వ‌రప్ర‌సాద్ గారుకి సంబంధించిన అప్డేట్ ను షేర్ చేస్తూ సోష‌ల్ మీడియాలో ఓ పోస్ట్ ను చేసింది.

పండ‌క్కి విజువ‌ల్ ట్రీట్ గ్యారెంటీ

ఆల్రెడీ కేర‌ళ‌లో షూటింగ్ జ‌రుపుకున్న ఈ మూవీ ఇప్పుడు కొత్త షెడ్యూల్ కు రెడీ అయింది. సెప్టెంబ‌ర్ 5 నుంచి 19 వ‌ర‌కు ఈ షెడ్యూల్ షూటింగ్ జ‌ర‌గ‌నుంద‌ని, ఈ షెడ్యూల్ లో రెండు సాంగ్స్ ను షూట్ చేయ‌నున్నార‌ని, ఈ రెండు పాట‌లూ రికార్డుల ప‌రంగా మోత మోగించ‌డం ఖాయ‌మ‌ని, 2026 సంక్రాంతికి మెగా ఫ్యాన్స్ కు విజువ‌ల్ ట్రీట్ తో పాటూ ఫుల్ మీల్స్ ఖాయ‌మ‌ని టీమ్ పేర్కొంది.

నెక్ట్స్ స‌మ్మ‌ర్ లో విశ్వంభ‌ర‌

అక్టోబ‌ర్ 5 నుంచి మొద‌ల‌య్యే షెడ్యూల్ లో వెంక‌టేష్ కూడా జాయిన్ కానున్నార‌ని రీసెంట్ గా నిర్మాత‌ల్లో ఒక‌రైన సాహు గార‌పాటి తెలిపారు. దీంతో పాటూ చిరూ నుంచి నెక్ట్స్ ఇయ‌ర్ విశ్వంభ‌ర కూడా రిలీజ్ కానుంది. బింబిసార డైరెక్ట‌ర్ వశిష్ట ద‌ర్శ‌క‌త్వంలో తెర‌కెక్కిన ఈ సోషియో ఫాంట‌సీ మూవీ ప్ర‌స్తుతం పోస్ట్ ప్రొడ‌క్ష‌న్ ద‌శ‌లో ఉండ‌గా, నెక్ట్స్ ఇయ‌ర్ స‌మ్మ‌ర్ కు విశ్వంభ‌ర‌ను ప్రేక్ష‌కుల ముందుకు తీసుకొస్తాన‌ని చిరూ హామీ ఇచ్చిన విష‌యం తెలిసిందే. ఈ రెండు సినిమాల త‌ర్వాత చిరంజీవి బాబీ ద‌ర్శ‌క‌త్వంలో ఓ సినిమాను, శ్రీకాంత్ ఓదెల ద‌ర్శ‌క‌త్వంలో మ‌రో సినిమాను లైన్ లో పెట్టారు.