సీక్వెల్స్‌తో బాలీవుడ్ బాక్సాఫీస్ సందడి!

బాలీవుడ్ బాక్సాఫీస్ లెక్కలను పరిశీలిస్తే సీక్వెల్ సినిమాల హవా ఏ స్థాయిలో నడుస్తోందో స్పష్టంగా అర్థమవుతుంది. హీరోల ఫామ్‌తో సంబంధం లేకుండా పాత సినిమాల బ్రాండ్ ఇమేజ్, వాటిపై ప్రేక్షకులలో ఉన్న అటాచ్‌మెంట్ కారణంగా సీక్వెల్ చిత్రాలు బాక్సాఫీస్ వద్ద కాసుల వర్షం కురిపిస్తున్నాయి. ఒకప్పుడు ప్రయోగాత్మకంగా వచ్చిన చిత్రాలు సైతం ఇప్పుడు ఫ్రాంచైజీలుగా మాఱ‌ఙ‌ భారీ వసూళ్లను సాధిస్తున్నాయి.

ఈ ట్రెండ్ వెనుక ప్రధాన కారణం ప్రేక్షకుల అభిరుచిలో వచ్చిన మార్పు. కొత్త కథలను రిస్క్ చేసి చూడడం కంటే? తమకు ఇప్పటికే నచ్చిన పాత్రలు, ప్రపంచంలోకి మరోసారి అడుగుపెట్టడానికి ప్రేక్షకులు ఎక్కువ ఆసక్తి చూపుతున్నారు. సినిమా విడుదల కాకముందే ఆ బ్రాండ్‌పై ఉండే హైప్, ప్రేక్షకులలో ఉండే క్యూరియాసిటీ సినిమా కలెక్షన్లకు పటిష్టమైన పునాదిగా మారుతున్నాయి. దీనివల్ల నిర్మాతలు కూడా సీక్వెల్స్ .. ఫ్రాంచైజీల వైపే మొగ్గు చూపుతున్నారు.

ఆసక్తికరమైన విషయం ఏమిటంటే? ప్రధాన నటీనటులు గతంలో వరుస పరాజయాలను చవిచూసి ఫామ్‌లో లేకపోయినా? వారి కొత్త సీక్వెల్స్ మాత్రం బాక్సాఫీస్ వద్ద రికార్డులను బద్దలు కొడుతున్నాయి. దీనికి కారణం హీరో ఇమేజ్ కంటే ఆ ఫ్రాంచైజీ సృష్టించిన మ్యాజిక్ పెద్దది కావడమే. పాత చిత్రాల జ్ఞాపకాలుతో పాటు, అడ్వాన్స్డ్ టెక్నాలజీని జోడించి తెరకెక్కిస్తుండటంతో ప్రేక్షకులు థియేటర్లకు క్యూ కడుతున్నారు.

ఈ సరికొత్త ధోరణి బాలీవుడ్ ట్రేడ్ పండితులకు సైతం సరికొత్త పాఠాలు నేర్పుతోంది. కేవలం స్టార్ పవర్ నమ్ముకునే రోజుల పోయి కంటెంట్ ... యూనివర్స్ అప్రోచ్ ముఖ్యం అనే విషయాన్ని సీక్వెల్స్ నిరూపిస్తున్నాయి. పెద్ద నిర్మాణ సంస్థలు ... ప్రముఖ స్టూడియోలు ముందే ఒక‌ యూనివర్స్‌ను ప్లాన్ చేసుకొని సీక్వెల్స్‌ను ఒకదాని తర్వాత ఒకటి విడుదల చేసే వ్యూహాన్ని విజయవంతంగా అమలు చేస్తున్నాయి.

అయితే ఈ సీక్వెల్స్ జోరులో కొన్ని నష్టాలు కూడా లేకపోలేదు. కేవలం బ్రాండ్ ఇమేజ్‌ను క్యాష్ చేసుకునే ఉద్దేశంతో నాణ్యత లేని కథలతో సీక్వెల్స్ తెస్తే ప్రేక్షకులు తిరస్కరిస్తున్న ఉదాహరణలు కూడా కోకొల్లలుగా ఉన్నాయి. అందువల్ల కేవలం పేరును ఉపయోగించుకోవడమే కాకుండా మొదటి భాగాన్ని మించిన బలమైన కథ, కథనాలు ఉంటేనే సీక్వెల్స్ నిజమైన విజయాన్ని సాధించగలవని పరిశ్రమ వర్గాలు భావిస్తున్నాయి.

ప్రస్తుతం బాలీవుడ్ లో సీక్వెల్ మేనియా సురక్షితమైన ..లాభదాయకమైన వ్యాపార సూత్రంగా మారింది. హీరోల కెరీర్ గ్రాఫ్‌తో సంబంధం లేకుండా బాక్సాఫీస్‌ను కాపాడే రక్షక కవచంగా ఫ్రాంచైజీలు నిలుస్తున్నాయి. రాబోయే రోజుల్లో హిందీ చిత్ర పరిశ్రమలో ఈ ట్రెండ్ మరింత బలపడి.. మరిన్ని భారీ ప్రాజెక్ట్‌లు సీక్వెల్స్ రూపంలో ప్రేక్షకుల ముందుకు రావడం ఖాయంగా కనిపిస్తోంది.