బిగ్ బాస్ దశావతారం.. సీజన్ 10పై నాగార్జున క్రేజీ అప్డేట్!

తెలుగు బుల్లితెరపై అతిపెద్ద రియాలిటీ షో ‘బిగ్‌బాస్’ పదో సీజన్‌కు ముహూర్తం ఖరారైంది. కింగ్ నాగార్జున హోస్ట్‌గా వస్తున్న ఈ స్పెషల్ సీజన్ గురించి తాజాగా ఒక అదిరిపోయే వీడియో విడుదలైంది. “బిగ్‌బాస్ దశావతారం” అంటూ అక్కినేని నాగార్జున చెప్పిన డైలాగ్స్ చూస్తే, ఈసారి వినోదం మరింత ఎక్కువగా ఉండనుందని అనిపిస్తోంది. మరి ఈ క్రేజీ అప్‌డేట్స్ ఏంటో పూర్తి వివరాలు ఇప్పుడు చూద్దాం.m

అదిరిపోయిన నాగార్జున వీడియో:

బిగ్‌బాస్ ప్రియులకు కింగ్ నాగార్జున ఒక అదిరిపోయే గుడ్ న్యూస్ చెప్పారు. 10వ సీజన్ ప్రారంభం కాబోతోందని చెబుతూ ఒక పవర్‌ఫుల్ వీడియోను షేర్ చేశారు. "బిగ్‌బాస్ అంటే కేవలం యుద్ధాలు గెలిచే రాజ్యం మాత్రమే కాదు.. కోట్లాది హృదయాలను గెలుచుకున్న సామ్రాజ్యం" అంటూ ఆయన చెప్పిన డైలాగులు సోషల్ మీడియాలో వైరల్ అవుతున్నాయి. ఇక ఈ వీడియోలో నాగార్జున లుక్, బ్యాక్‌గ్రౌండ్ మ్యూజిక్ షోపై అంచనాలను పెంచేస్తున్నాయి.

ఈసారి 'బిగ్‌బాస్ దశావతారం':

ప్రతి సీజన్ లోనూ ఒక కొత్త థీమ్ ఉంటుంది. అయితే ఈ 10వ సీజన్‌ను "బిగ్‌బాస్ దశావతారం" అని పిలుస్తున్నారు. ‘ఆటలో సవాలు కాదు.. ఆటే ఒక సవాలు’ అనే క్యాప్షన్‌తో వస్తున్న ఈ సీజన్ మునుపటి కంటే చాలా విభిన్నంగా, రసవత్తరంగా ఉండబోతోందని మేకర్స్ హింట్ ఇచ్చారు. ఇక అంటే ఈసారి టాస్కులు, హౌస్ రూల్స్ కంటెస్టెంట్లకు చుక్కలు చూపించడం ఖాయమని తెలుస్తోంది.

గత సీజన్ హిస్టరీ తెలుసా?:

బిగ్‌బాస్ 9వ సీజన్ ఒక చరిత్రను సృష్టించింది. గత సీజన్లో కేవలం సెలబ్రిటీలే కాకుండా సామాన్యులకు (కామన్ మ్యాన్) కూడా అవకాశం ఇచ్చారు. ఇక అందరి అంచనాలను తలకిందులు చేస్తూ, సామాన్యుడి కోటాలో వచ్చిన కల్యాణ్ పడాల టైటిల్ విన్నర్‌గా నిలిచాడు. సెలబ్రిటీలను ఓడించి ఒక సామాన్యుడు గెలవడంతో, బిగ్‌బాస్ 10లో కూడా సామాన్యులకు అవకాశం ఉంటుందా? అని అందరూ ఆసక్తిగా ఎదురుచూస్తున్నారు.

కంటెస్టెంట్లు ఎవరు?:

ప్రస్తుతం అందరి మదిలో మెదులుతున్న ప్రశ్న.. ఈసారి హౌస్ లోకి వెళ్లే ఆ అదృష్టవంతులు ఎవరు? అని. సోషల్ మీడియాలో ఇప్పటికే పలువురు యూట్యూబర్లు, బుల్లితెర నటీనటుల పేర్లు వినిపిస్తున్నాయి. అయితే దీనిపై అధికారిక ప్రకటన రావాల్సి ఉంది. ఇక ఈ సీజన్‌లో సెలబ్రిటీలతో పాటు మళ్లీ సామాన్యులకు చోటు కల్పిస్తారా లేదా అనేది ప్రస్తుతానికి సస్పెన్స్!

బిగ్‌బాస్ 10వ సీజన్ రాబోతుందన్న వార్తతో బుల్లితెర ప్రేక్షకుల్లో అప్పుడే సందడి మొదలైంది. నాగార్జున హోస్టింగ్, కొత్త కంటెస్టెంట్లు, మలుపులు తిరిగే టాస్కులతో ఈ 'దశావతారం' సీజన్ ఎలా ఉండబోతోందో చూడాలి.