సింహం జులై నుంచి మ‌రో సినిమా బ‌రిలో!

టాలీవుడ్‌లో గాడ్ ఆఫ్ మాసెస్ గా పేరు తెచ్చుకున్న నంద‌మూరి బాల‌కృష్ణ ఈ వ‌య‌సులోనూ యంగ్ హీరోల‌కు పోటీగా సినిమాలు చేస్తూ దూసుకెళ్తున్నారు. త‌న స్పీడ్ తో ఇండ‌స్ట్రీని ఆశ్చ‌ర్య‌ప‌రుస్తున్న బాల‌య్య ప్ర‌స్తుతం గోపీచంద్ మలినేని దర్శకత్వంలో తెరకెక్కుతున్న NBK111 షూటింగ్‌లో బిజీగా ఉన్న విష‌యం తెలిసిందే. ఓ వైపు గోపీచంద్ సినిమాను చేస్తూనే బాలయ్య, అదే సమయంలో మరో కొత్త ప్రాజెక్ట్‌ను లైన్‌లో పెట్టడం హాట్ టాపిక్‌గా మారింది. తాజా సమాచారం ప్రకారం, విజ‌య్ క‌న‌క‌మేడ‌ల ప్రాజెక్ట్ కోసం బాలకృష్ణ జులై నుంచి డేట్స్ కేటాయించగా, ఈ సినిమాను 2027 సంక్రాంతికి విడుదల చేసేలా మేకర్స్ ప్లాన్ చేస్తున్నట్లు తెలుస్తోంది.

ఈ మొత్తం ప్లానింగ్ చూస్తే బాలయ్య సింహం స్పీడ్ లో ఉంద‌ని చెప్పడంలో ఎలాంటి సందేహం లేదు. ఒక వైపు NBK111 షూటింగ్‌ను అనుకున్న‌టైమ్ లో పూర్తి చేయాలనే టార్గెట్, మరో వైపు కొత్త సినిమా సెట్స్‌లోకి ఎంటర్ అవ్వడానికి రెడీ అవ్వడం.. బాల‌య్య వర్కింగ్ స్టైల్, ఎనర్జీని స్పష్టంగా చూపిస్తోంది. డబుల్ ప్రాజెక్ట్‌ల మధ్య బ్యాలెన్స్ చేయడం సాధారణ విషయం కాదు. కానీ బాలయ్య మాత్రం NBK111తో పాటు విజయ్ కనకమేడల సినిమాను సమాంతరంగా తీసుకెళ్లేలా ప్లాన్ చేయడం ఆయన డెడికేషన్‌కు నిదర్శనం.

ఇక కంటెంట్ పరంగా చూస్తే, విజయ్ కనకమేడల చెప్పిన పోలీస్ డ్రామా కథ బాలయ్యను బాగా ఆకట్టుకుందని సమాచారం. పవర్‌ఫుల్ కాప్ క్యారెక్టర్, మాస్ ఎలిమెంట్స్, ఎమోషనల్ డ్రామా అన్నీ ఉండేలా ఈ స్క్రిప్ట్ సిద్ధమైందని టాక్. దర్శకుడిగా విజయ్ కనకమేడల గతంలో చూపించిన నేరేటివ్ స్టైల్, రియలిస్టిక్ టచ్ లాంటివి బాలయ్య ఇమేజ్‌కు పర్ఫెక్ట్ ఫిట్ అవుతుందనే అభిప్రాయం ఫ్యాన్స్ నుంచి వ్యక్తమవుతోంది.

మరోవైపు బాలయ్య ప్రాజెక్ట్‌ల లైన‌ప్ కూడా ఆసక్తికరంగా ఉంది. ఒక వైపు గోపీచంద్ మలినేని మాస్ ఎంటర్‌టైనర్, మరో వైపు పోలీస్ డ్రామా చేస్తుండ‌టం ఆయనలోని మాస్ మ‌రియు క్లాస్ వెర్సటిలిటీని చూపిస్తున్నాయి. ఇక వివేక్ ఆత్రేయ‌తో చేయబోయే భారీ ప్రాజెక్ట్ ఆయన లాంగ్ టర్మ్ కెరీర్ ప్లానింగ్‌కు సంకేతంగా మారింది. సంక్రాంతి సీజన్ విషయానికి వస్తే, బాలయ్యకు ఇది ఎప్పుడూ కలిసొచ్చే సీజ‌న్. గతంలో సంక్రాంతి సందర్భంగా వచ్చిన ఆయన సినిమాలు బాక్సాఫీస్ వద్ద మంచి ఫలితాలు సాధించిన ట్రాక్ రికార్డ్ ఉంది. అందుకే విజయ్ కనకమేడల ప్రాజెక్ట్‌ను కూడా అదే సీజన్‌లో రిలీజ్ చేయాలని ప్లాన్ చేయడం వ్యూహాత్మక నిర్ణయంగా కనిపిస్తోంది.

ఇదిలా ఉంటే, NBK111ను అనుకున్న టైమ్ లో పూర్తి చేసి వెంటనే కొత్త సినిమాను స్టార్ట్ చేయడం బాలయ్య స్పీడ్‌కు మరో ఉదాహరణగా నిలుస్తోంది. ప్రీ ప్రొడక్షన్ పనులు వేగంగా జరుగుతుండగా, త్వరలోనే అధికారిక ప్రకటన వచ్చే అవకాశాలు కనిపిస్తున్నాయి. బ్యాక్ టు బ్యాక్ ప్రాజెక్ట్‌లతో బాలయ్య మళ్లీ బాక్సాఫీస్‌పై తన దూకుడు కొనసాగించేందుకు సిద్ధమవుతున్నారు.