నిశ్శబ్దమే హైప్.. వాయిస్-డ్రివెన్ థ్రిల్లర్లలో సౌండ్ మ్యాజిక్!

తెలుగు సినిమాలో 'మాస్ ఎలివేషన్' అనగానే మనకు వెంటనే గుర్తుచేసేది భారీ డైలాగులు, గొంతు చించుకునే అరవడాలు, చెవులు చిల్లులు పడే సౌండ్. హీరో ఎంత గట్టిగా అరిస్తే అంత పవర్‌ఫుల్ అనే మైండ్‌సెట్ చాన్నాళ్లుగా నడుస్తోంది. ఇటీవల వచ్చిన బాలకృష్ణ 'దాదా' గ్లింప్స్‌ లో ఒక్క డైలాగ్‌తో హైప్ తెచ్చిన తీరును గమనిస్తే, బిగ్గరగా అరిచే డైలాగ్ డెలివరీ కంటే ప్రశాంతమైన నిశ్శబ్దం, లోతైన 'బేస్ వాయిస్' తో ప్రత్యర్థులను భయపెట్టే మినిమలిస్టిక్ టోన్ ప్రేక్షకులను సైకలాజికల్ గ్రిప్‌లోకి తీసుకెళ్తుందని స్పష్టమవుతోంది...

శబ్దం – నిశ్శబ్దం మధ్య ఉండే తీవ్రత:

ఈ తరహా వాయిస్-డ్రివెన్ సినిమాలో హీరో పాత్ర ఎంత కీలకమో, సౌండ్ డిజైనింగ్ పాత్ర అంతకంటే నూరు రెట్లు ఎక్కువ. ఒక క్యారెక్టర్ అరిచి తన కోపాన్ని చూపించనప్పుడు, బ్యాక్‌గ్రౌండ్ స్కోర్‌లో వచ్చే శబ్దం, నిశ్శబ్దం మధ్య వ్యత్యాసమే సీన్‌లో అసలైన టెన్షన్‌ను క్రియేట్ చేస్తుంది. ఇక హీరో ఒక్క మాట మాట్లాడి కామ్‌గా ఉండిపోతే, అక్కడ ఏర్పడే నిశ్శబ్దం ఒక భయానక వాతావరణాన్ని సృష్టిస్తుంది.

హాలీవుడ్ స్టైల్ సైకలాజికల్ ఇంపాక్ట్ :

హాలీవుడ్‌లో 'నో కంట్రీ ఫర్ ఓల్డ్ మెన్' లేదా 'జోకర్' వంటి చిత్రాల్లో విలన్ లేదా హీరో నటన కంటే వెనకాల వచ్చే ప్రశాంతమైన సౌండ్ ట్రాక్ ఆడియన్స్‌లో సైకలాజికల్ భయాన్ని తెచ్చింది. హీరో మాట్లాడే ప్రతి చిన్న మాట, శ్వాస థియేటర్లోని డాల్బీ అట్మాస్ సిస్టమ్‌లో ప్రేక్షకుడి చెవులను తాకాలి. ఇక హీరో లో-టోన్‌లో మాట్లాడేటప్పుడు మ్యూజిక్ డైరెక్టర్ ఆర్కెస్ట్రాను తగ్గించి, వాయిస్‌కు సబ్-బేస్ ఎన్హాన్స్మెంట్ జోడిస్తే.. ఆ సౌండ్ బాక్స్ ఆడియన్స్ గుండెల్లో వణుకు పుట్టిస్తుంది.

లౌడ్ మ్యూజిక్ యుగానికి అసలైన విరుగుడు :

ప్రస్తుతం పాన్-ఇండియా సినిమాల్లో 'చెవులు చిల్లులు పడే సౌండ్ పొల్యూషన్' ఎక్కువైపోయిందనే విమర్శలు విస్తృతంగా వస్తున్నాయి. కేవలం లౌడ్ బిజిఎమ్, భారీ ఆర్కెస్ట్రా ఉంటేనే మాస్ ప్రేక్షకులు థ్రిల్ అవుతారనే భ్రమలో మనవాళ్ళు చాలామంది ఉన్నారు. ఈ క్రమంలో 'సౌండ్ డిజైన్ డ్రివెన్ సైకలాజికల్ థ్రిల్లర్' కాన్సెప్ట్ రావడం ఇండస్ట్రీకి ఒక నూతన ఆశాకిరణం లాంటిది. ఇక రోటీన్ ఆరుపులను పక్కనబెట్టి, పక్కాగా ప్లాన్ చేసిన అకౌస్టిక్ ఎలివేషన్స్ అందిస్తే కొత్త అనుభూతి లభిస్తుంది.

ఇక టెక్నాలజీ పెరిగిన నేటి యుగంలో ప్రేక్షకుడు కేవలం కళ్లతో విజువల్స్ చూడటమే కాదు, థియేటర్‌లో 'సౌండ్‌ను ఫీల్ అవ్వాలని' కోరుకుంటున్నాడు. రొటీన్ మాస్ ఆరుపులు, గందరగోళపు బీట్లకు స్వస్తి చెప్పి.. నిశ్శబ్దాన్ని, లో-ఫ్రీక్వెన్సీ వాయిస్‌ను ఆయుధంగా మార్చుకునే 'వాయిస్ డ్రివెన్' సినిమాలు ట్రెండ్ సెట్టర్‌గా నిలుస్తాయి అంతం లో ఎటువంటి సందేహం లేదు.