'అఖండ 2' మాస్ సాంగ్.. అంతకుమించి అనేలా..
'అఖండ 2' టీమ్ ప్రమోషన్ల జోరు పెంచింది. ఇప్పటికే విడుదలైన "అఖండ తాండవం" పాట డివోషనల్ వైబ్స్తో చార్ట్బస్టర్గా నిలవగా, ఇప్పుడు అభిమానులు అసలైన మాస్ ట్రీట్ కోసం ఎదురుచూస్తున్నారు.
By: M Prashanth | 17 Nov 2025 11:51 AM IST
'అఖండ 2' టీమ్ ప్రమోషన్ల జోరు పెంచింది. ఇప్పటికే విడుదలైన "అఖండ తాండవం" పాట డివోషనల్ వైబ్స్తో చార్ట్బస్టర్గా నిలవగా, ఇప్పుడు అభిమానులు అసలైన మాస్ ట్రీట్ కోసం ఎదురుచూస్తున్నారు. 'అఖండ'లో "జై బాలయ్య" పాట ఏ స్థాయిలో ఊగిపోయేలా చేసిందో తెలిసిందే. ఇప్పుడు ఆ పాటను మించిన డ్యాన్స్ నంబర్ 'అఖండ 2'లో ఉండబోతోందని ఇండస్ట్రీ వర్గాల్లో గట్టి టాక్ నడుస్తోంది.
సినిమా నుంచి రెండో సింగిల్గా "జాజికాయ జాజికాయ" పాటను నవంబర్ 18న విడుదల చేయనున్నట్లు మేకర్స్ ప్రకటించారు. ఈ పాట ఔట్పుట్ అద్భుతంగా వచ్చిందని, ఈ మధ్య కాలంలో వచ్చిన మాస్ పాటలన్నింటికంటే ఇది హై లెవెల్లో ఉండబోతోందని సమాచారం. థమన్ మరోసారి తన మ్యూజిక్తో థియేటర్లు దద్దరిల్లేలా స్కెచ్ వేసినట్లు తెలుస్తోంది.
ఈ పాటకు సంబంధించిన పోస్టర్ కూడా ఈ అంచనాలను పెంచేసింది. స్టైలిష్ డ్రెస్ లో బాలకృష్ణ, ఆయన పక్కన హీరోయిన్ సంయుక్త గ్లామరస్ లుక్లో కనిపించారు. వీరిద్దరి మధ్య కెమిస్ట్రీ, బాలయ్య మాస్ స్టెప్పులు ఈ పాటకు ప్రధాన ఆకర్షణగా నిలుస్తాయని అంటున్నారు. "జై బాలయ్య" పాటను మించిన ఊపు ఈ పాటలో ఉంటుందని ఇండస్ట్రీలో టాక్ నడుస్తోంది.
బోయపాటి శ్రీను సినిమాల్లో స్పెషల్ మాస్ సాంగ్స్ ఏ రేంజ్లో ఉంటాయో తెలిసిందే. ఈసారి కూడా థమన్, బోయపాటి కలిసి ఫ్యాన్స్కు ఫుల్ మీల్స్ ఇచ్చేలా ఈ పాటను డిజైన్ చేశారట. "అదిరిపోయే మాస్ నంబర్"గా ప్రచారం జరుగుతున్న ఈ పాట కోసం అభిమానులు ఆసక్తిగా ఎదురుచూస్తున్నారు.
ఈ పాటపై ఉన్న నమ్మకంతోనే మేకర్స్ దీన్ని సింపుల్గా యూట్యూబ్లో కాకుండా, మాస్ సెంటర్ అయిన వైజాగ్లోని జగదాంబ థియేటర్లో గ్రాండ్ ఈవెంట్గా లాంచ్ చేస్తున్నారు. నవంబర్ 18న సాయంత్రం 5 గంటల నుంచి ఈ పాట వైరల్ అవుతుందని చెప్పవచ్చు.
"తాండవం" పాటతో అఘోరా విశ్వరూపం చూపించిన టీమ్, ఇప్పుడు "జాజికాయ"తో బాలయ్యలోని మాస్ ఎనర్జీని చూపించబోతోంది. డిసెంబర్ 5న రిలీజ్ కానున్న ఈ సినిమాకు, ఈ పాట మరో పెద్ద హైలైట్గా నిలవడం ఖాయంగా కనిపిస్తోంది.