అనిరుధ్ పెళ్లి.. ఆ చిత్రాలపై ఎఫెక్ట్?

చిత్ర పరిశ్రమలో మ్యూజిక్ సెన్సేషన్ గా గుర్తింపు తెచ్చుకున్న అనిరుధ్ రవిచందర్ ఎట్టకేలకు సోషల్ మీడియా రూమర్స్ కి చెక్ పెడుతూ తన ప్రేయసి , హైదరాబాద్ సన్ రైజర్స్ సీఈవో కావ్య మారన్ తో అతిరథుల మహారధుల సమక్షంలో గ్రీస్ వేదికగా సెల్ఫ్ రెస్పెక్ట్ పద్ధతిలో వివాహం చేసుకున్నారు. వివాహం అనంతరం నూతన దంపతులిద్దరూ చెన్నై చేరుకున్నారు. కుటుంబ సభ్యులతో ఎయిర్ పోర్ట్ నుంచి కారులో ఇంటికి వెళ్లిపోయిన దృశ్యాలు కూడా సోషల్ మీడియాలో తెగ వైరల్ అవుతున్నాయి.

వచ్చే ఏడాది జనవరి వరకు ఇండస్ట్రీకి బ్రేక్..

నవంబర్ 21న చెన్నైలో సినీ, రాజకీయ, క్రీడా ప్రముఖుల కోసం ప్రత్యేకంగా గ్రాండ్ రిసెప్షన్ ని కూడా ఏర్పాటు చేయనున్నారు. ఇకపోతే కొత్తగా పెళ్లి చేసుకున్న నేపథ్యంలో వచ్చే ఏడాది జనవరి వరకు అనిరుధ్ ప్రొఫెషనల్ వర్క్ కి దూరంగా ఉండాలని నిర్ణయించుకున్నట్లు తెలుస్తోంది.. అయితే ఈ నిర్ణయం ఆయన సినిమాలపై ఎఫెక్ట్ పడనుందా అనే కామెంట్లు కూడా సోషల్ మీడియాలో వైరల్ గా మారుతున్నాయి. మరి అనిరుధ్ టాలీవుడ్ నుండి బాలీవుడ్ వరకు అందిస్తున్న ఆ చిత్రాల జాబితా ఏంటో ఇప్పుడు చూద్దాం.

అనిరుధ్ సంగీతం అందిస్తున్న తెలుగు చిత్రాలు..

2026 చివరి నాటి నుండి 2027లో విడుదల కానున్న అనిరుద్ ప్రధాన చిత్రాల జాబితా ఇప్పుడు మళ్లీ సోషల్ మీడియాలో వైరల్ గా మారింది. ప్రస్తుతం ఈయన గౌతమ్ తిన్ననూరి దర్శకత్వంలో వస్తున్న 'మ్యాజిక్' అనే చిత్రానికి సంగీతం అందించారు ఈ సినిమా నవంబర్ 226న ప్రేక్షకుల ముందుకు రానుంది. అలాగే అల్లు అర్జున్, లోకేష్ కనగరాజ్ కాంబినేషన్లో రాబోతున్న భారీ మూవీ 'AA 23' కి అనిరుధ్ సంగీతాన్ని అందిస్తున్నారు. అలాగే జూనియర్ ఎన్టీఆర్, త్రివిక్రమ్ శ్రీనివాస్ కలయికలో రూపొందుతున్న ప్రతిష్టాత్మక చిత్రానికి కూడా 'NTR x Trivikram' ప్రాజెక్టుకు కూడా అనిరుధ్ సంగీతాన్ని అందిస్తున్నారు. వీటితోపాటు రామ్ చరణ్ ,సుకుమార్ కాంబినేషన్లో రాబోయే RC 17, కొరటాల శివ జూనియర్ ఎన్టీఆర్ కలయికలో రాబోతున్న దేవరా సీక్వెల్ దేవర 2, అలాగే గౌతమ్ తిన్ననూరి దర్శకత్వంలో రూపొందుతున్న ఎం.ఎస్.సుబ్బులక్ష్మి బయోపిక్ చిత్రానికి కూడా అనిరుధ్ సంగీతం అందించనున్నారు.

తమిళ్, హిందీ ప్రాజెక్ట్స్ కూడా..

తెలుగు మాత్రమే కాకుండా తమిళ్, హిందీ ప్రాజెక్ట్స్ కు కూడా ఆయన సంతకం చేశారు. అటు తమిళ్లో శంకర్ దర్శకత్వంలో కమలహాసన్ నటిస్తున్న 'ఇండియన్ 3' , కమలహాసన్, రజనీకాంత్ కాంబినేషన్లో రాబోతున్న KH x RK రీ యూనియన్ , ఎస్ యు అరుణ్ కుమార్ దర్శకత్వంలో కమలహాసన్ నటిస్తున్న 'సిండియార్', అధిక్ రవిచంద్రన్ దర్శకత్వంలో అజిత్ కుమార్ నటిస్తున్న 'డేర్ డెవిల్', అశ్వత్ మారి ముత్తు దర్శకత్వంలో రజనీకాంత్ హీరోగా నటిస్తున్న 'ధర్మన్', వెట్రిమారన్ దర్శకత్వంలో శింబు నటిస్తున్న అరసన్ వంటి చిత్రాలకు అనిరుధ్ సంగీతం అందిస్తున్నారు. అలాగే సిద్ధార్థ ఆనంద్ దర్శకత్వంలో షారుక్ ఖాన్ నటిస్తున్న 'కింగ్' చిత్రానికి కూడా అనిరుధ్ అతిథి గా సంగీతం అందిస్తుండడం గమనార్హం. ఇకపోతే జనవరి వరకు అనిరుధ్ బ్రేక్ తీసుకున్నప్పటికీ ప్రత్యేకించి కొన్ని చిత్రాలపై ఎఫెక్ట్ పడిన మిగతా సినిమాలు ఇంకా ప్రారంభం కాలేదు కాబట్టి ఎటువంటి ఇబ్బంది లేదు అనే కామెంట్లు వ్యక్తం అవుతున్నాయి.